ابيات للشعراء في الطير والمقناص

مسااااااااء الخير اخواني الاعضااااااااااء واخواتي وزوار المنتدى
هذه الابيات لشعرااااء قصدوا في الطير والمقناص وهي عباره عن مقتطفات شعريه
ارجو ان تنال اعجابكم




عزام لامنه طلبني سبوقه=ماقلت ياعزام طلعك على ويش
موكد(ن)طلعه ومثبت لحوقه=ماجا على طلعه غبار(ن)وتشويش
لونها تحته او ان جات فوقه=مرهي عليها من قبل تنفض الريش

مبااااااااارك الهاجري


واطيري اللي مات وقت الهدادي=وانا اتحرى طلعت سهيل وارجيه
ليته على برقا الجناحين غادي=ولا على ذربين الايمان مهديه
محمد بن دشن الهاجري

واطيري اللي مايتاوق لياشاف=لامن وكد بالطلع تل وعطيته
غدتبه اللي غرفها غرف مجداف=من يوم شفت طيارها مارجيته
عبدالرحمن العطااااوي

ياعين عين اللي تنكس على اللوح=بيض الدواغر في المفالي طرحها
اليا علاه في السما لاحها لوح=اما ضربها عرض ولا نطحها

محمد بن مقعد الرشيدي

ماهوب بيتيين عن الصيد مشفوح=ان صادها في الارض ولا قلعها
شاعر مجهول

ياعاشق المغتر تحدى المجاهيم=الفعل خله لاشقر اللون صافي
العطاااااااوي

ماهوب وكرين عشاه الجرادي=من العلف شر(ن) على كف راعيه
محمد بن دشن

ياهل الطيور اللي قليل(ن) هددها=ياليتكم من هالعنا تستريحون
شاعر مجهول

الطير مايعطيك عهد(ن) واماني=اللي ليامن حام سمّوه مختار
ابن عفيشه

ليت غازي ماقنص لفياض عيده=ماقنص لمحقبه ولا وراها
وش يبي بديار نقّال الحديده=ديرة(ن)كسّر وانيته في حصاها
عبدالله الضحيك

يالضحيك الهرج وقف لاتزيده=عندي الاخلاق وصلت منتهاها
الحباري مابقا منها شريده=والشريده شبك(؟؟؟) حماها
ماذبحني كود ناس(ن)مستفيده=والنظام اللي وطاني ماوطاها
غازي الميموني


منقـــــــــول


وبالاخير اتمنا انها تحوز علي رضاكم

تحياتي للجمـيع

الحباري مابقى منه شريده=والشريده شبك سلطان يحداها



صح لسانك ياغازي

وتسلم يابوفهد على النقل الرائع

أبو فهد ..

تسلم يمينك يالغلا ..

مودااااتي ...

اقتباس:

---

المشاركة الأصلية كتبت بواسطة شقران

الحباري مابقى منه شريده=والشريده شبك سلطان يحداها



صح لسانك ياغازي

وتسلم يابوفهد على النقل الرائع

---

يسلمك

تحياتي لك

اقتباس:

---

المشاركة الأصلية كتبت بواسطة (&*قمـــــراي*&)

أبو فهد ..

تسلم يمينك يالغلا ..

مودااااتي ...

---

يسلمك يالغاليييي

تحياتي لك

الله االله ابيااااات جميله وألي منزلهاء آجمل

آآبوفـهـد شكــرآ جزيـــلأ

تحــيــآتــي

اقتباس:

---

المشاركة الأصلية كتبت بواسطة الحـمــيــدآنــي

الله االله ابيااااات جميله وألي منزلهاء آجمل

آآبوفـهـد شكــرآ جزيـــلأ

تحــيــآتــي

---

الله يعزك يابوفيصل
تحياتي