قصه وقصيده لي بنت عم مامشت درب الادناس

الجميع يعرف قصيدة " لي بنت عم "
ولكن الحقيقه ان لا أحد يعرف قصة هذه القصيده المؤثره والمعبره..


حيث أن لها قصة واقعيه دارت أحداثها قديماً جداً
القصيده للشاعر ( شرعان بن فهيد بن ثاران الرمالي الشمري )
وتدور الأحداث حول قصة عشق حدثت بين الشاعر وابنة عمه انتهت بالزواج ..


وقد كانت ابنة عمه من أجمل بنات القبيله حيث عرفت بجمالها الباهر وأدبها الكبير..
وكانت النساء قديماً يحضرن الماء من البئر ..
وفي إحدى الأيام ذهبت زوجة شرعان هي وخمسة من بنات القبيله..
لإحضار الماء فأعترض لهن قاطع طريق وطلب مقابل تركهم أن يقبل كل واحدهً ..
ومن ترفض سيقوم بشق ( القربه ) التي يحملن فيها الماء فوافقن جميعاً ماعدا زوجة شرعان ..
التي رفضت فقام بشق قربتها لأنها رفضت فقامت البنات اللاتي تورطن بقبلة قاطع الطريق بالأتفاق ضدها ..
حتى لا يفتضح امرهن فاتهمنها انها مكنت نفسها لقاطع الطريق ..
والدليل على صدق كلامهن ان قربتها مشقوقه نتيجة العراك الذي حدث بينها وبين من مكنته نفسها ..
وانتشرت الكذبه بيت افراد القبيله حتى وصل الأمر لشرعان زوجها فقام بتطليقها لكن كما يبدو ان الطلقه كانت بينونه صغرى
وهذي ايضا روايه اخرى . ..
رجل من البادية وقع في مشكلة من أقاربه سكان جبه / إحدى المدن التابعة لمنطقة حائل..


وهو شمري .. من عائلة الفاران الموجودين في مدينة جبه ..
احب ابنة عمه وتزوجها، ونتيجة الإحتكاك الذي حصل بين جماعتين من اقاربه البدو والحضر.
كان نتيجتها سقوط قتيل من إحدى الجماعتين ..
وفي لحظة غضب منه ضرب ابنة عمه وطلقها وذهب للعراق..
ومن جنوب السماوة في العراق ارسل هذه القصيدة مبد يا ند ما شديدا ..
وهي ليست كاملة لكن هذا الذي استطعت جمعه...
وهذه هي القصيده

[poem=font="simplified arabic,7,white,normal,normal" bkcolor="transparent" bkimage="backgrounds/26.gif" border="none,4,gray" type=0 line=0 align=center use=ex num="0,black""]

ياراكـب ثنتيـن يـشـدن الاقــواس=مـن دار ريضـان الحجـر حركـنـي

مافوقهـن كـود الدويـرع وجــلاس=وسفايفـبـيـن اربـعــه يلعـبـنـي

توجهـن مـن عندنـا حيـن الادمـاس=ومضـى سـواد الليـل مـا بركـنـي

حطن علم عذفـا يسـار مـن الـراس=والظهـر مـع ورد الحفـر يشربـنـي

حطوا لهـم مـع هثلـة البـدو بـلاس=عن الحضر واللـي بالخـلا يسرحنـي

واليـا لفيتـوا عنـد مدقـوق الالعـاس=الجـادل الـلـي بالمحـبـه محـنـي

قولوا على حبل الرجا نطـوي اليـاس=والبيـض غيـره كلـهـن يحرمـنـي

لو ينـدوي جرحـي دويتـه بزفـواس=ولا بني برفـاف البيـت منكـم ومنـي

والله يعـلـم بالخفـايـا والاوجــاس=حب بـدا مـن صغـر سنـك وسنـي

مريت دارن مـا تقـل جتـه الاونـاس=ونيـت ودمـوع العـيـون اذرفـنـي

جيت المراح اللي به العشـب محتـاس=العشب فـي مضـرب وسـاده معنـي

محذا سمـاد النـار ومشاقـة الـراس=وثــلاث لا يبـكـن ولا ينبـكـنـي

لي بنت عم مـا وطـت درب الادنـاس=ولا دنسـت يـوم النـسـا يدنسـنـي

ضربتها ونا احسب الضـرب نومـاس=وطلقتهـا يـوم افخـت العقـل مـنـي

ياناس كيف العيـن تبكـي علـى نـاس=وكيـف العيـون بـلا رمـد يسهرنـي

لو ينشكي حبه علـى الطيـر قرنـاس=جـاه الضحـى فـي ماكـره مستكنـي

ولو ينشكي حبه علـى قـب الافـراس=عيـن نـهـار الـكـون لايفزعـنـي

ولو ينشكي حبه علـى الميـت مانـاس=يثـور مـن بيـن النصايـب يـونـي

ولو ينشكي حبه على ذيـب الاخمـاس=يسـرح مـع الطليـان مـا يجفلـنـي

ولو إن غوطـه وام سنمـان وضـراس=يـدرن بمـا قلـبـي لحـبـه يكـنـي

تلقى سهـل جبـه هضابـن ومنحـاس=وحتى الجبـل بالقـاع صـار امتثنـي

وحتى النجوم اللي مـع الليـل غـلاس=لـو ينشكـي حبـه لـهـن وقفـنـي

اشرفت راس ضراس من فوق الاطعاس=ولا لـوم طـراد الهـوى لـو يجنـي

وهليت دمع العيـن واوميـت بالـراس=ورافقت كـور العيـس ليـن ابعدنـي

وابعدت نفسي عن شفـا كـل وسـواس=البعـد أحلـى مـن حـيـاة التمـنـي

ياعم ياللي طعت بـي حكـي الانجـاس=طاوعت حكي النـاس واخلفـت ظنـي

طاوعت بـي ياعـم دايـس ودربـاس=وعــواض صدقتـهـا وابـعـدنـي

من لا خذا من درس الاسلاف نبـراس=تمضـي حياتـه بالـرجـا والتمـنـي

واقفيت أدير بضامـري كـل هوجـاس=علـى وليـف بالحشـا غـاب عـنـي

تكبي خواطرهـم اليـا جيـت عسـاس=ما تقـل انـا منهـم ولا صـار منـي

ونـا زبـون الحـر للخيـل مـدبـاس=ياكلشـن شهـب الـشـوارب نخـنـي

نفسي تشوم عن التدلبـح مـع السـاس=ولاعاش منهـو عـن خصيمـه يكنـي

لو صرت انا المقلاع ما شلت الاضراس=المـوس مـا يقطـع بلـيـا مسـنـي

لاصار ما ربعك على الـراي جـلاس=وجنحـان طيـران السعـد يلفحـنـي

تصـيـر دوم للصقاقـيـر مــدواس=مثـل الـذي يسمـع صفيـر المغنـي

الحمـد للـي خالـق كـل الانـفـاس=اعطى وسـاع القـاع مـا فيـه منـي

دار بــدار ولا منـاحـاة الانـجـاس=لا صـار مايمنـاك عيـنـك تـزنـي

في بلدة الغـراف مـن جملـة النـاس=ولاني بمـن يرجـي الفطايـس تحنـي

دار بها الاجـواد لـولا بهـا الحـاس=دايــم تذكـرنـي لـيـال مضـنـي[/poem]

[ALIGN=CENTER][TABLETEXT="width:70%;"][CELL="filter:;"][ALIGN=center]••
قِصَهْ رَآئِعَهْ وَقَصِيدَهـْ أَرْوَعْ
وصَحْ لسَآنْ الشَآعِرْ الشمِرِيْ
وتِسْلَمْ يمِِينِكـْ يَآ ابٌو غَزْوَىَ
طـَــرْحْ مٌمْتِعْ وشَيِّقْ (:
وحَسَبْ مَآسَمِعْتْ ( وَالعٌهْدَهـْ عَلَىَ الرَآوِيْ ) أَنْ الرِوَآيَهْ الأٌولَى هِيَ الأَرْجَحْ (:
دِمْتْ لآ هِنْتْ
:rose:[/ALIGN][/CELL][/TABLETEXT][/ALIGN]

اشكرك اختي نبض على المرور العطر واسعدني ردودك تقبلي ودي واحترامي