ذكريــــــــــــــــــــــــــات

ذكريـــــــــــــــــات


ذكريات العمر تايهة
بين مواويل الكلام
وبين جفونى مشروع إنفجار
نفسى أبوح
نفسى أعبّر
نفسى أصارح الزمن الأغبر
نفسى ونفسى

واللى باقى منى دمعة
ع المناديل القماش
تمسح كل صورة
لسة شاهدة ع الطفولة
ع البراءة اللى ف عيونى
وف شقوق جبين الفلاحين
أتحدى بيها كوم تراب
بيعاركنى........
يحتِوى ف كل حفنة من حيفانه
نزيف أحلام ف الهوا تتبعتر
والخطاوى اللى بتُعبر
منى تاهت.......
لــــــــــــــــسة عايش ؟
ولاّ موتى فى الحياة أصبح حياتى؟

وتانى دمعة
ادارى بيها أنهار بتسبح
بين جفونى.......
وف نن عينى أهر عشش
ع الحيطان
زى ماتكون عينى عميت
عن حلاوة الزمان
فين سيبتنا ؟
لما بطلع فوقها وأمسك
بين صوابعى مية سحابة
تتسحب منى الآهات
يترسم جوايا حلم
لسه فاكره
زى فكرة عشنا بيها
إن مهما العمر يجرى
يفضل الحال زى نخلة
واقفة شايفة.......
الكون بيجرى م العلالى
بس ساكتة
وإن مهما تقطع من جريدها
تقوم وتكبر.......

دمعة تالتة
جيّه تثبِت
إن الحال عمره مايثبَت
وإن لما العمر يجرى
يندفن جوانا حلم
لما تفتكره تعيط........



إنفجرت ........
نزْلت ع الكلام
أنهار بتسبح جوه منى
أنهار بتمسح كل رسمة
نقشناها على أشجار بلدنا
قصدى اللى كانت أشجار بلدنا........
قصدى اللى كــــــــــــــــــــــــانت بلدنا
يوووووووووووووووووووووووه

تاه الكلام ويا الذكريات
ف بحور كانت بتصنعها
السواقى والعرق

جف العرق جوه الشقوق
وقفت سواقى الحب والحرية
واللى باقى ساقية دايرة
ليل نهار عمالة دايرة
وناى بيعزف جمبها
ألحان بتقتل
واللى شاهد بحر غرقان ف الدموع
والهموم نستنى ذكرى عشتها
على ساقية دوارة إسمها

(ساقية العمر الجميل)

يسلمو احمد علي العبارات الجميله

تحياتي لك

متشكر جداجدا

احمد اختياراتك كلها رائعه وجميله

دائما بالتوفيق والى الامام

كل الشكر والتقدير

0

شكرا جنات جدا

http://www13.0zz0.com/2010/01/12/14/596961317.gif

[[frame="1 80"]size="5"]الله يعطيك العافيه [/size][/frame]

متشكر جدا جدا

ربنا يخليكم

مشكوور والله يعطيك الف عافيه
كلمات في منتهى الرقة...
سلمت أناملك التي سطرت فأبدعت...
تحياتي لك

شكرا همس الغرام