رد: ياذيب من أروع القصائد
يعطيك العافيه ابوعبدالله على الانتقاء
ذوق لامع
وصح لسانك وصح لسان عبدالله بن علي الصقيه
ملاحظه المره الجايه كبر الخط
عورتني عيوني هع هع
لاهنت
رد: ياذيب من أروع القصائد
صح السان شاعرها وسلمت يابو عبد الله على النقل وياليت ياشيخنا تنسق القصيده لك ودييييييييييييييييييييي
سم الله الرحمن الرحيم
من قصائد الحكم للشاعر :عبدالله بن علي الصقيه (احفظ حصان ..مسرج بين اشافيك) واليكم القصيده:
[poem=font="simplified arabic,5,red,bold,normal" bkcolor="transparent" bkimage="backgrounds/1.gif" border="double,4,gray" type=0 line=0 align=center use=ex num="0,black""]
ياذيب ياللي تجلـب الحـزن بعـواك=اسهرت من به ضيقةٍ مثل مـا فيـك
إن كان جرّ أعواك مـن شـي ٍ آذاك=فانا بعـد مثلـك جروحـي تحاذيـك
هذا زمان ٍ هات ما عـاد بـه هـاك=محد ٍ يعاين فيـك لا خليـت ايديـك
لا صار عنـدك مـال كـل ٍ ترجـاك=او كل ٍ ولو ما نـال مـدك يراعيـك
لو أنت مثل اللـي ايعلـف تبعنـاك=نقول لـك لـو مـا تحدثـت لبيـك
فإن قل مالـك دون ذنـب ٍ بهتنـاك=نحط فيك امن المعايـب مـا لا فيـك
بالسيئة نجزاك عـن فعـل حسنـاك=نجحد مرواتـك و نجحـد حسانيـك
وإلى عثرتـا مـا نبالـي و طينـاك=ناطاك بالرجليـن مـا عندنـا فيـك
نعلـن بحقرانـك و نخفـي مزايـاك=إلـى سمعنـا سيرتـك مـا ندانيـك
ان صرت في منصب رفيع ٍ خشينـاك=كلـه علشـان الوظيفـه نخاشيـك
فإن خان بك شين الزمـان وتوطـاك=ما حدن بقبرك لـو هلكتـا مواريـك
رفقة طمع يمشي معـك كـل هكـاك=يومين والثالث على مـاش جافيـك
مفطر بغيرك عـن قريـب ايتعشـاك=من خان في غيرك و عنته طمع فيك
أترك سبيل اللي على نـاس همـاك=عيب ٍ تماشي له و عيـب ٍ ماشيـك
إن كان ما صبحـك بالشـر مسـاك=أحذر سروحـه لا تخالـط مواشيـك
و قطيـع ذوده لا يمـارح رعايـاك=إمّارح إلاجرب على الطـول يعديـك
ألا صحبـت مزولـغ الجلـد عـاداك=عن صحبة المجروب بعـد مناحيـك
ما كل مـن حيّـاك بالقلـب يهـواك=كـم واحـد ٍ لـو قـدر وده يذكيـك
يوريـك وده لـك وبالهـرج يقفـاك=و إن جيت حول البير فيهـا يزلفيـك
إن كان لك حـق ٍ بحـوزه ترجـاك=و إن صار له حق ٍ فلا هوب معفيـك
قل يا مريض القلب ما نيـب ويـاك=دور طبيـب ٍ لـك حكيـم ٍ يداويـك
و سهل جنابك للصديـق و دنايـاك=و أكرب حزامك حيـل للـي يعاديـك
و راقب عدو الجد لا يسهـج حمـاك=فاجه بضـرب مخلـص ٍ لا يفاجيـك
ولا تطـاوع بالحكـي كـل أفــاك=اثيـم لا طاوعـت هرجـه يزريـك
من لا يخاف الله و يرجيـه يدهـاك=لو أنت أعف النـاس ظلـم ٍ يزنيـك
لا صار عندك شـي يرجيـه حيـاك=و إلا تحيـة ديـن ماهـو محييـك
عقار للمقفـي و بالوجـه ضحـاك=ما ينفـع بهـاذي ولا ينفـع بذيـك
احـذر لسانـك لا يوديـك مـثـواك=تمسي بغمـران ٍ حديـدك برجليـك
في حجرة ٍ في شوبة القيظ تصـلاك=و حيد مـا حولـك نديـم ٍ يسليـك
اطلق ازرار الثوب وارفل ابممشـاك=و أذكر جحا واعرف هدف من يحاكيك
لا تفشي أسرارك على كل من جـاك=احفض حصان ٍ مسرج ٍ بين اشافيـك
تـراك لـوّك ساجـدٍ فـي مصـلاك=الحيـة الرقطـا بدربـك تبـاريـك
صاحي تخايـل بـرق نـو ٍ تعـداك=لا صار ما ترعـى نباتـه رواعيـك
عليك بالمقبـل الـى مـن تنصـاك=وألا تـرى المقفـي بطـرده يعنيـك
أحرص على دينك و سمتك و مبـداك=اليـن تفنـى لا تغـيـر مبـاديـك
و لا تضم أسلاك في مربـط اسـلاك=عقبن تلامـس يالمغفـل و تشويـك
و لا تارد الما اللي يغثـرب مطايـاك=و من لا يـودك لا يقـرب حواليـك
خلـك بعيـد ٍ يانديمـي معـشـاك=كسب المعالي عـن سواهـا يكفيـك
لا ترتجي مـن لا ترجيـت يشنـاك=بالطايلات و عزة النفـس اوصيـك
و لا تشغل افكارك زخاريـف دنيـاك
ما ضحكـك يوميـن عـام ٍ يبكيـك=حاسب لنفسك دايم ٍ عـن خطايـاك
لجـل نهـار ٍ تاقفـه قـدم واليـك=أنب الـى رب ٍ مـن الشـر يحمـاك
إن ما حماك الله فلا أحـد ٍ بحاميـك=ويش أنت يا مسكين بـرَّق بمنشـاك
لا تعص خلاق ٍ من الطيـن منشيـك=الخبل لا يصحبـك يبحـث خفايـاك
غصب ٍ عليك الى المهالـك يوديـك=اللي وطا غيرك من النـاس ياطـاك
من قبل لا ياطـاك ناظـر مواطيـك=يكفيك ما يجري علـى ذاك مـن ذاك
لفلام تعـرض دوم عايـن بعينيـك=ان كان ما حشتا لباسـك بيمنـاك
لبـاس غيـرك لا لبستـه يعريـك=يا مقيط لا تحذف مع الصوح برشاك
يحذفك اللـي فـي حبالـك مدليـك=بضلع جبله يامقيط ذبـك وخـلاك
تقنب عليك سباعها ما نشـد فيـك=عن الصباح الشين بكـرّ بمسـراك
تـراك تحمـد لا سريتـا مساريـك=واسأل اله العرش يدمـح خطايـاك
عسى حساناتـك تغطـي مساويـك=يا ليل ما طولك ويا وقت ما قسـاك
الله يكفيـنـا بــلاوي خوافـيـك=نايم ضحى ما حد ٍ من النوم صحاك
صيـور مقبلـة الليالـي تصحيـك=و تخبرك عن كل ما كـان يخفـاك
من غيبها و بكاسها المـرّ تسقيـك=مصايـب الدنيـا تبيـح خفـايـاك
حين ٍ تصبح لك وحيـن ٍ تمسيـك=ازبن علـى اللـي لا تزبنـت ذراك
قصر ٍ أساسه عايـب ٍ مـا يذريـك=عصر الحسد يا ليتنا مـا عرفنـاك
مرّك ثمانيـن ٍ وعشريـن حاليـك=قيظك يذيب الكبد من حرّ رمضـاك
و شتاك برده صارم ٍ قلب صاحيـك=من زود جورك تفرس الذيب معزاك
و نـدر حـرارك ذللتهـا حباريـك=يا قل صاحينك و ياكثـر مرضـاك
حيرتنـا يـا وقتنـا وش نسميـك=لو أنت تنصف يـا زمنـا عذرنـاك
مار ان حيفـك رايماتـه شهاويـك=ماهي سليمـات ٍ صحيـح ٍ نواياـك
بكبود اجاويـدك جـداد ٍ مكاويـك=أهلكتنـا و اكثـرت فينـا رزايـاك
ذ وقتنـا لا عـادك الله عـزاريـك=باهل الشهامـة محزنـاتٍ سويـاك
فارسك عايش ذل في ضف راعيـك=لـعـل يكفيـنـاك رب ٍ تـعـلاك
وإلا أنت بيضك غاطيتهـا غداريـك=أسألك باللي كوّن الكون وش جـاك
يا وقتٍ أسافلـك صـارت علاويـك=مدنك تضايق من قضايـا قرايـاك
و أكثر خصومك ضيعت فكر قاضيك=عسى هماليل النواشـي تخطـراك
يا وادي ٍ سيلك عدل عن مجاريـك=وراع الظغـون الا وطـاك يتعـداك
تاخذ ثمان سنين شهـبٍ ضواحيـك=يلومك اللي مـا يعشـي مضحـاك
متهـوَّرٍ مـن دون فهـم ٍ يعاييـك=يا ناسي ٍ مربـاك عـوّد لمربـاك
مالك ولو طال الزمن مـن مرابيـك=بيمناك دون أسباب قصيت يسـراك
فرّحـت عذالـك وزعّلـت ادانيـك=لا تنخـدع بمدخـل ٍ داك بــدواك
يغتال مـن تغلـي وياتـي يعزيـك=حطاب ياللي لابرق الريـش فتـاك
اخفض لمجروح ٍ تحيّـر جناحيـك=ننخاك يا حطاب من طيب مجنـاك
عز الله أنه ربـح ماخسـر غاذيـك=يا بحر حوتك ماكلٍ نصف من جاك
لا قامت أمواجك تلاطـم بشاطيـك=ما تنسكن يا مشيد ٍ عـاب مبنـاك
الله لا يجـزي بالأحسـان بانـيـك=سلعة ندم من سوق مكه شرينـاك
ارتاح بياعك و لا ارتـاح شاريـك=الله يا بستان بالقيـظ مـا احـلاك
نرجي عسى راجيك يجني دواليـك=برحي شيراز مهونع ٍ فـي نحايـاك
حاميك يابرحي شيـراز ٍ حراميـك=يا غرس شابت روسنا ما خرفنـاك
الميّ في بيـرك ويبسـت سواقيـك=وش جاك يا هداج تيما نضب مـاك
ازرن على جالـك يحنـن ظواميـك=لا تكتـرب يامـن زمانـك تحـداك
يكفيـك رب الكـل شـر متحديـك=لا بد مـن يـوم ٍ يديـرن الأفـلاك
ويرعا دبشك العشب بضفاف واديك=هذا وصلى الله على ناف الإشـراك[/poem]و سلامتكم
__________________
رد: ياذيب من أروع القصائد
اقتباس:
المشاركة الأصلية كتبت بواسطة ماااااجد
يعطيك العافيه ابوعبدالله على الانتقاء
ذوق لامع
وصح لسانك وصح لسان عبدالله بن علي الصقيه
ملاحظه المره الجايه كبر الخط
عورتني عيوني هع هع
لاهنت
بسم الله على عيونك صاحبي ابشر بعزك بس تكبير الخط عندي فيه مشكلة الله يحلها ههههههههه
رد: ياذيب من أروع القصائد
اخي وحبيب قلبي صادق الود شكرا لك على تنسيق القصيدة ترى التنسيق عندي لك عليه لا علم لي به يمكن اخذ عندك دورة في تعلمه هههههههههههه
