مـن قـصـائـد الـشـاعـر الـكـبـيـر/ خـالـد مـحـيـسـن الـحـمـيـدانـي

[poem=font="traditional arabic,6,black,bold,normal" bkcolor="transparent" bkimage="backgrounds/1.gif" border="none,4,gray" type=0 line=0 align=center use=ex num="0,black""]
فعلنا معـروف من وقـت الصحابه=يوم ابو راجح مواقــفــنا نســاها
يـوم عــد بـريه بالفـعــل وحـكـابه=مثــلـنا يفـخـــر بفـعـــله ويـتباها
عــد كـل فـعــولهـم مـاقــال جـابه=هو نسى والا تجـاهــل مستـواها
والنعـم باللي ذكــر مامـن غـرابه=ماخــبر الـلي مـادرى مثله نباها
الفعـول اللي على ساس وصلابه=بالضحى كم سربتن دسنا حماها
والحمادين الفهــود أهـل الحرابه=انشد الحكــام مــنــا ويـش جـاها
حاكم ٍ كل العرب تخـشى جــنابه=الرشــيـد اللي قبــل حـايل ولاها
وعندنا ذروات اخذناهـن كـسابه=من يـــشـره باخـذها والاعطاها
ويم جت خيل الامام ومن عـدابه=في كـحــيله قـال شد وكب ماها
وعـودت خيله على خيله ضبابه=واحتمـوها لابتن تـرهب عـداها
وابن لبده بالــوغـى مـانع رمـابه=يوم عج الخيل بالوقعه كــسـاها
وفي حـريقه ريعها مـن فـك بابه=يوم كــل مـطير مع شمـر لقـاها
حـولـو به لابـتــي مـثـل الـذيـابه=حــاضرٍهايف وجفران شهـداها
ثم جرا يوم ٍ يشـيـب مـاجــرا به=تبطي العرجا وهي تلقى عشاها
وين راس المسندي منهوغـدابه=والربع من روس شمر وعقداها
مدخـلين العـق حــنا بالطــلابه=من زبنا سعد عـينه عن عمــاها
لابتي روس الفخرواهل المـهابه= سربتن يدري عن الحـاكم ذراها
لابسـيـن ٍ مجــدنا لبس العـصابه=من صغار الى كبار الى جهلاها
شـوخــنا مـنا بـني عــم وقــرابه=من ملـيح اليا مليح ال مـنــتـهاها
وانشد التاريخ في وقـت ٍمضـابه=الفـعــول المعـجـزه حنا عصاها
يافـــلاح فـهــيـد مـابه زود ثــابه=إن وقـف مـن دونها والا وراها
ذاك سـبــابن وضــارن للســبابه=قبل سب مطير ثم سب اومراها
ودي يالـعــراك مـاكـثـر عــتـابه=من يعرف الصايبه يعرف خطاها
والسلام ختام مــازمجــرسحــابه=عد ماهـلـت مزون ٍ من ســمــاها[/poem]

قصيده حلوه مشاء الله ولاهي غريبه على خالد

مشكور اخوي سيف ابو حدين
ع المرور
وتقبل مني اجمل
التحيااااااااااات

مشكووووووووووووووووووووووور ع القصيده يالغالي

الكميخ مشكور على المرور
تقبل تحياتي

كبير والله كبير يا أبو محمد والله أني من أشد المعجبين في قصايدك و الى الأمام يا أبو محمد

و بيض الله و جهك يا كنترول 9 على النقل الأكثر من رائع

دمتم بود ......................

اهليـــــن حبيب الملايين
مشكور على المرور
وتقبل مني اجمل
التحيات

كنترول 9

أشكرك على النقل المميز الرائع وتسلم يمناك وصح لسان الشاعر الغالي / خالد محيسن الحميداني تقبل مروري وجل احترامي .

اهلين غنام منور
مشكور على مرورك
وجل احترامك ياغالي
تقبل تحياتي

صح لسان الشاعر القدير خالد محيسن وصراحه قصيده جزله

مشكور اخي كنترول على النقل تقبل ودي واحترامي

اهلين ابو غزوى
مشكور على المرور
تقبل تحيااااتي

لابتي روس الفخرواهل المهابـه _________ سربتن يدري عن الحاكم ذراها

الشاعر: خالد محيسن الحميداني

اشهــــــــــــــــــــددددد بالله ان لـــك لابــه يــاخالد

اخوي كنترول لك الجزء الاكبر من الشكر والتقدير على نقل القصيده
واختيارك الشاعر لانه جزل بمعانيه بيض الله وجهك وصح لسان الشاعر

لك مني ارق تحيه تقبل مروري

وانعم به اخونا الحبيب ابو محمد خالد يستاهل الطيب كله وصح لسانه
وشكرا لك الكنترول على الاختيار المتميز

الم متلحف بعبره...........
صح بدنك
مشكور ياغالي ع المرور وتسلم
على الكلام الجميل والطيب
وماهو غريب الطيب عليك
تقبل مني اجمل التحيااات

اهلين ابو عبدالله
مشكور على المرور
وتسلم وجعل عمرك طويل
تقبل مني ارق التحيات