هذه الأبيات قالتها عيده أم بدر المطيري الذي حكم على أبنها بالقصاص

هذة الابيات قالتها عيده ام بدر المطيري الذي حكم على ابنها بالقصاص
================================================== ===================


تقول أم بدر قبل اربع سنوات كان ابني يدرس في الصف الثالث الثانوي في احد مدارس حفر الباطن
تقول حدثت مضاربه جماعيه بين طلاب المدرسه ونتج عن هذه المضاربه وفاة ابن خالها
مفرج رحمه الله وقد قالت هذه القصيدة تطلب من اهل الخير التوسط لدى خالها والدعاء
بأن يتنازل خالها عن ابنها بدر ...
وتقول:









[poem=font="Simplified Arabic,6,darkred,normal,normal" bkcolor="transparent" bkimage="backgrounds/17.gif" border="double,10,sienna" type=1 line=0 align=center use=ex num="0,black"]
ياالله ياللي باب رحمتـك مفتـوح =دوم على طـول المـدا والليالـي
يالواحد المعبود ياخالـق الـروح =علمك بحالي كافي عـن سؤالـي
ارحم يتيم بين الابـواب مطـروح= نفسه تردد فيـه والجسـم بالـي
سر ياقلم واكتب جوابي على اللوح=وسطر بيوتن مثل نظـم الريالـي
مدادها من عبـرةٍ جالهـا فـوح=من وهجن بالقلب ضيـق بحالـي
وبلغ سلامي حرب سالم ومسروح=من الخليج الى اليمن والشمالـي
واهل القصيم ونجد والواد ابـودوح=والساحل الغربي وذيـك التلالـي
عيني تهل الدمع والقلب مجـروح= مير افزعوا لـي كلكـم ياخوالـي
الورع في سجن الحفر وامه تنوح=حفيدكـم يامكرمـيـن العيـالـي
اتلا العهد به يوم شالوه مسـدوح=وموثقن فـي محكمـات الحبالـي
والحكم صادر والقضا يزرق الروح=وحان الوعـد ماباقـي الا ليالـي
والله لوانه يوم الاحـداث مذبـوح= لنساه واصبرعنه مـع ماجرالـي
واونتي ياخال من داخـل الـروح=ونت صويبن طاح والجـو خالـي
خلي لعكفـان الدناقيـر مطـروح=في موقعن تسفى عليه الرمالـي
والعذر ماينفـع ولاينفـع النـوح=ان كان خالي ضاع فيه المجالـي
والخاتمه يااولاد سالم ومسـروح=ذبحـة بناخيكـم عليكـم وبالـي
واصل القضيه لعب ورعان ومزوح=ومـا قـدرالله ماعليـه احتيالـي
ومصائب الدنيا تجي يوم وتـروح=ولوعاتهـا تـدور دور المحالـي
والعفو مابين الاجاويـد ممـدوح=ليا عفو عـن الحمـول الثقالـي
والصبر باب لاهل الخيـر مفتـوح=والله يحـب المحسنيـن الرجالـي
من يفعل المعروف والبال مشروح=جـزاه عنـد الله عزيزالجـلالـي
هـذا وصلواعـد بـراقٍ يـلـوح=على النبي اعـداد وبـل الخيالـي [/poem]

سلمت لما نقلت اخوي راعي الدهماء .. قصيده مؤثره جداً ورحم الله ابنها بدر ..


تحياتي لك

اختك

Deem

شاكر لك أختي ديم

على المرور العطر

أخووك : رااعي الدهماء

راعي الدهماء

شكرا على نقل القصه المؤثره

وصح لسان الشاعره

والله يكون في عونها


شكرا لك

راعي الدهماء متميز ومتالق دائما

مشكووووور أخي راع الدهماء

صح لسان أم بدر

والله يرحم بدر ولدها

والله يعطيك العافيه

على النقل الطيب والممتاز





تقبل تحيااااااااااااااااااااااااااااااااااااااااااااااا اااااااتي

طــــــــيــــــــر حـــــــــوران

شاكر لك على المرور الطيب

يسلموا على المرور

السلام عليكم ورحمة الله وبركاته

ياخوان / اذا فيه احد عنده فكره عن الموضوع اذا حكم القصاص نفذ او لا عشان نساعد اذا امكن نخاطب شيوخ القبائل والمشايخ ونرفع برقيات لولات عسى ينفك قيده ويعفون عنه

الله يثبت قلب هذه ألآم المكلومة على الصبر ويرزقها بالعفو عنه باعتاق رقبته


سبق قريت هذه القصيدة ولازلت متأثر منها .الله يجيرنا من مصائيب الدنيا


وكما قال اخونا القحطاني ياليت نعرف آخر اخبارها ،،



راعي الدهماء ، جزاك الله خير











..

[align=center]مشكور أخي راعي الدهماء


وفعلاً قصيده مؤثره بلفعل


وكان الله في عونها والله يلهمها الصبر على مصيبتها



وياليت كما قالوا الأخوان أن تزيدنا بمعلومات عنه أن أمكن



% مــع تــحــيــات أبــــ لــــــيــــــلــــــى ـــــــــو %[/align]

[align=center]مشكوووووووووووور يأخي العزيز على نقل القصيده المؤثره فعلاً


والله يكون في عونا والله يلهماها الصبر والسلوان


لاحول ولا قوة إلا بالله العلي العظيم


اللهم أكفنا وأكف أخوننا المسلمين شر مصائب الدنيا



ولا أزيد على الأخوه بل أقول زودنا عن أخبارها وهل تم قصاصه ام لا






تقبل تحياتي والسلام [/align]

أخي إبراهيم شاكر لك على المرور

أما عن سؤالك

فإنه بعد تنفيذ حكم القصاص بشهر زاد عليها التعب والمرض فتوفيت

إنا لله وإنا إليه راجعون

شاكر لك أخوي أبو نادر على المرور

أخوي أبوليلى لاهنت على المرور

يسلموو على المرور أخوي صاحب صاحبه

بسم الله الرحمن الرحيم
السلام عليكم ورحمة الله وبركاته
انا لله وان اليه راجعون
اسأل الله ان يجمعهما بجناته ويغفرلهما ذنوبهم وجميع المسلمين
يعطيك العافيه ياراعي الدهماء

الله يعافيك يابوجراح ويخليك على المرور

السلام عليكم ورحمة الله وبركاته ،،،


والله الحقيقه خوالها مافيهم خير ولا رجال ، ياخي والله عيب يعني خالها والخال ثالث الوالدين وبعدين الذبحة سارت هوشه على كلامها في القصيدة لو انها جريه او مشكله في الشرف كان صح بس هواش ورعان وهنا لازم يكون عند خالها حكمة كان خل الورع يعيش يضم امه امه تسير بنت اخته حقيقه هذا خال فاشل الله لا يجزاه خير في بنت اخته ويسود وجهه والله يرحمها ويرحم ولدها ويرحم المقتول

شاكر لك علىالمرور العطر

والولد قصوه وأمه الحقته والسالفه انتهت

لكن مانقول الا الشكوى لله

الله يرحم اموات المسلمين


لا فات الفوت ماينفع الصوت


وهي بدايتها مشاجره بين الشباب

شاكر لك على المرور يابن مليح