طاب الوطن يا سيدي عقب ما طبت .... واللي ما عمره هيجن اليوم غنى
الشاعر الأديب / سعود بن ناير الشاطري ( عضو ديوانية مطير - قصر الحومة الثقافي ) وعضو الجمعية العربية للثقافة والفكر والأدب .
اهدى قصيدة بمناسبة عودة ولي العهد الميمون صاحب السمو الملكي الأمير / سلطان بن عبد العزيز آل سعود وزير الدفاع والطيران والمفتش العام .الى الوطن الغالي بعد رحلة علاجية تكللت بحمد الله بالنجاح .
قال فيها :
[poem=font="arabic transparent,6,green,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
شاملت بالقيفان من هيض وأجنبت = فرحة وبالله الكريم إستعنا
طاب الوطن يا سيدي عقب ما طبت = واللي ما عمره هيجن اليوم غنى
من الشاطيء الشرقي الى ساحل الخبت = ومن شامنا حتى مشارف يمنا
في الجمعة اللي عقبها يصبح السبت = غيثٍ به الشعب السعودي تهنا
حتى الفياض أعشوشبت وأشرق النبت = والعود من عقب اليباس يتثنا
مرت سنه صدّقت فيها وكذّبت = همٍ وازله والي العرش عنا
غاب الفرح مع غيبتك عقب ما غبت = واليوم شفنا شوف فرحت وطنا
يا من بحب الدار وأهله تشّربت = أصبحت توم أرواحنا في زمنا
ويا خادم البيتين في الظن ما خبت = يوم ان صلفات الليالي أوجهنا
عزالله أنك ياأبيض الوجه نجّبت = سلمان مزبان الذليل المجنا
يوم أن كلٍ وشي معي منك وش جبت = دونه برك مثل البعير المثنى
[/poem]
الشاعر / سعود بن ناير الشاطري
محمد الشلاحي
منسق موقع قبيلة مطير
رد: طاب الوطن يا سيدي عقب ما طبت .... واللي ما عمره هيجن اليوم غنى
صح السان الشاعر الكبير سعود بن ناير الشاطري وسلمت ودمت يالشلاحي على الاخيار والنقل المميز وتقبل تحياتي
رد: طاب الوطن يا سيدي عقب ما طبت .... واللي ما عمره هيجن اليوم غنى
أخي أبن شلاح
يعطيك العافيه وتسلم على النقل الرائع وصح لسان الشاعر / سعود بن ناير الشاطري
قصيده جزله من شاعر جزل ومناسبه تستحق المشاركه والحمد لله على سلامة صاحب السمو الملكي ولي العهد الغالي / سلطان بن عبد العزيز آل سعود الى وطنه سالماً معافى , تقبل مروري وجل احترامي لشخصك الراقي .