رثاء الشيخ شالح بن هدلان لابنه ذيب ولاروع

[poem=font="simplified arabic,5,blue,bold,italic" bkcolor="transparent" bkimage="backgrounds/48.gif" border="ridge,4,gray" type=0 line=0 align=center use=ex num="0,black""]
ذيبٍ عوى وأنا على صوته أجيب = ومن ونتي جضت ضواري سباعه
عز الله إني جاهل ٍ ما أعلم الغيب = والغيب يعلم به حفيظ الوداعه
يالله يا رزّاق عِكف المخاليب = يا محصي خلقه ببحره وقاعه
تفرج لمن صابه جروح ٍ معاطيب = وقلبه من اللوعات غادٍ ولاعه
إن ضاق صدري لذت فوق المصاليب = مانيب من يشمت فعايل ذراعه
صار السبب مني على منقع الطيب = ونجمي طِمَن بالقاع عقب إرتفاعه
يا طول ما هجيتهن معْ لواهيب = ولاني برادي كسرها من ضلاعه
ويا طول ما نوختها تصرخ النيب = وزن البيوت إللي كبار ٍ رباعه
وأضوي عليهم كنهم لي معازيب = إليا رمى زين الوسايد قناعه
أضوي عليهم واتخطى الأطاتيب = وآخذ مهاويه الجمل باندفاعه
أبا أنذر إللي من ربوعي يبا الطيب = لا ياخذ إلاّ من بيوت الشجاعه
يجي ولدها مذرب كنـّـه الذيب = عِز لِبُوه وكل ما قال طاعه
وبنت الردي ياتي ولدها كما الهيب = غبنٍ لبُوه وفاشله بالجماعه
يا كبر زوله عند بيت المعازيب = متحرّي ٍ متى يقدّم متاعه[/poem]

صادق الود

سلمت وربي يعطيك العافيه على النقل الاكثر من رائع , تقبل مروري وجل احترامي .ِ