الخير

[poem=font="simplified arabic,6,black,bold,normal" bkcolor="transparent" bkimage="backgrounds/17.gif" border="groove,5,chocolate" type=1 line=1 align=center use=ex num="0,black""]







انأ أخيل نو ٍ من شمال الحمــى ضــوى = بعيد ٍ ولكن بيّــنت با لسماء رســومه

عراكيــــز برقه حـــولت ليـــلنا ضــوى = وكـــل ٍ فرح في طــــلت الخير وقدومه

رعوده تقــــل ضلع ٍ من العالــيه هـوى = رزيمه يصحّي غــارق النـوم من نومه

تشرفـــت في حزم ٍ مــلاذ ٍ لمــن غــوى = يعــيش بسكون الـــلــيل ويغازل نجومه

أبااعانق الغربي وابا اسهــر مـع النوى = وابتــرك عـشيـــق النوم يقـتات بحلومه

ياحي المطــرريحه يجــيني مــع الهوى = تلــقيته بنفسٍ مــــــن الضـيــق مكتــومه

عسى الله يعـين اللي على الصبر ماقوى= وروحــه من الأشـــواق والبعـد معدومه

أصارع ردى حضن على عمري اللتوى = تــقـول ان نفسي بالغـرابيل محتومه

انا ياهـــل المعـــروف طــاويني الجـوى = عـلى شـوف حي ٍ مـاعــد تجيــني علومه

قضــابي غرامه واثـر بـــراسي الخـوى = ياعــزي لمــن نفسه مــن الحـب مظلومه

رويــته غــلاي وخـــافــقـي منه ماروى = مــتى اجـوّده بـــيـدي واكــنّ مشــمــومه

مشينا طريق الحب انا وصــاحبي سوى = ولاهــمنـــى الـلي بالقـــــفا مـكثــر ٍ لومه

انا كــل مايس منه تـــاخــذني ارهـــوى = عــلى شــوفهٍ من والي العــرش مقسومه

تراحيــب يا نوٍ شمـــال الحمـــى ضــوى = اعــرفه ولا يجهــلـني الخـــيــر ورسومه





[/poem]

اخوي ابو يوسف

صح لسانك مليووووون على هالقصيدة الجزلة


رغم ان شهادتي فيك مجروحه


احترااامي



..

انا تلميذك وكل حرف تكتبه عني هو جميل لايمكن رده ابو نادر الله يطول عمرك

والف شكر على الرد اله لايهينك تقبل تحياتي

صـــــــــــــــــــــــــــــــــــــــــــــــــ ــــــــــــــــــــح السانك وتقبل تحياتي اخوك صادق الود

الغالي صادق الود الف شكر على الرد تقبل تحياتي