الشاعر الكبير /عبد الله الداموك الرشيدي

الشاعر عبد الله الداموك الرشيدى يهديكم احبتي اعضاء وزوار منتديات الحمادين هذه القصايد وامل انتحوزعلى رضاكم


( اخو جوزى)

[poem=font="simplified arabic,4,red,bold,normal" bkcolor="transparent" bkimage="backgrounds/1.gif" border="outset,4,gray" type=1 line=0 align=center use=ex num="0,black""]
البارحه بأفكار راسي تبارى =خواطرٍ فيها مثل سلة السيف
من حين قالوا عرس عند العفارى=جتني معاني الشعر صفٍ مراديف
قالن تخير قلت كيف الخيارى=روس المعاني والرجال المواقيف
ذكرت أخو جوزى نهار المثارى=في موقف الضيقات عدم التواصيف
يمشي على الشده نهاراً جهارى=مثل الجبل ثابت بيوم العواصيف
يشهد على ماقول نهار المغارى=يوم لحقوه الربعه اللي ملاقيف
أثنا عشر رجلٍ يبون المثارى=وعادوا يجرون الهزيمه منا كيف
كلاً شكى كسره وفيه العواري=نصره من بيديه حسن التصاريف
والليله القشرى بسبة عذارى=مكن صوابه بالضلوع المهاديف
هذاك خالي يوم حمل الكبارى=أيام عمره بالمعالي وتشريف
دين وشجاعه والفخر للفخاري=معروف من غير الشعر دون تعريف
لكن نهار العرس عند العفارى=كتبتها ذكرى مثل ضربة السيف[/poem]


كواكب العشاق


[poem=font="simplified arabic,5,blue,bold,italic" bkcolor="transparent" bkimage="backgrounds/1.gif" border="inset,4,gray" type=0 line=0 align=center use=ex num="0,black""]
يا ريحةٍ فاحت وهزت معاليق= خلف الضلوع الحدب واقع صداها
أعظم غرامٍ لي بين المخاليق = هو زاد روحي شربها هو ضماها
فاخت لقاه أبواب شوفه مغاليق =ونفس الشقى بالدرب تشكي عناها
أمراً مقدر والمواقف توافيق = ولا كل من يركض لحاجه قضاها
طاحت ضمى من بعد ما جفت الريق =وده ولكن ما تحقق رجاها
مريت لاجل أرضيه في ساعة الضيق =وأسباب شر النفس قام ودعاها
همهم ونظراته على قمة طويق =ونفس الزعل يا بعد والله رضاها
أخذت أحلل وقفته دون تبريق = وأقول يمكن جيتي ما بغاها
حرام لولا ما الحنايا محاريق = وأن الغلا عندي يقابل غلاها
بروح لحظة صدته بالطواريق =ولا هو لزوم الروح تلحق هواها
كواكب العشاق غابت مشاريق = قنعت عن دعوى بوقفه قضاها
أقول عندي فوق حبي مواثيق = هو قاضي الدعوى وهو منتهاها
نايب ينوب بكل ما شافه يليق =دامه سبب جرح المحبه دواها
تامر وتنهى خافق الروح ما يضيق = الروح تحت أمره وتعلن ولاها
يا حبي اللي نازلٍ بالمعاليق = إنطالعة عيني لغيرك خطاها[/poem]


من انت !؟

[poem=font="simplified arabic,5,black,bold,italic" bkcolor="transparent" bkimage="backgrounds/1.gif" border="solid,4,gray" type=0 line=0 align=center use=ex num="0,black""]
أحيان أشوفك بالذكاء تدهش الناس =وأحيان أطالع بالتصرف بلاده
حتى لباسك بالحفل فيه نبراس =وبدون حفله في لباسك جلاده
فيك أجتماع من العجب والعجب ساس =حزين من داخل وخارج سعاده
فاتن وبعيونك مناجم للالماس =كن البهاء ينصب عليك أعتماده
حسب أعتقادي عنك مخلوق حساس =تصرفك يملي عليك القياده
صمتك وصبرك بالزمن يكسر الياس =هادي حزين أثناء طقوس العباده
كم تختلق في مجلسك فرح جلاس =كلٍ يطالع فيك سكر زياده
ياهل ترى هل تنتهج طبع جساس =وألا كليب أعطاك كامل عناده
وإلا أنت تنظر بالزمن صورة الفاس =قهوتك في ذوقك وحبك قناده
أما أنا البستني بشت وسواس =بشت العذاب وفيه زهر القراده
هذا أنا ما بين ربحي والأفلاس =هذا أعترافي وأعتبرها شهاده
خذها من الأحساس والرمح بالراس =ولعت حرف الشعر يقدح زناده
وأن ما حصل لقياك يا شمعة الناس = عز الله أن القلب يفقد مراده
[/poem]

وستين نعم بالشاعر/عبدالله داموك شاعركبير وغني عن التعريف

صح لسانه على هذه القصايد الجزلة وعادته الجزالة


لاهنت اخوي صادق الود على النقل المميز..



تقديري




..

تسلم ابو نادر ونيابه عن ابوممدوح الشاعر عبدالله الداموك والنعم فيك وابو ممدوح اهداني فلاش فيه مجموعة قصايد للمنتدى واسانزلها انشاء الله قريبا ولك تحياتي

سجل لديك اعجابي بذائقتك العذبه

وشخصك الكريم

قصائد رائعه بروعة حظورك المميز
صح لسان شاعرها ولاهان ناقلها



جُل التحايا ^-^

شكرا لمرورك العذب وتقبلي تحياتي