من ظاهر الظفيري.. الى مسلط بن حبشان

السلام عليكم ورحمة الله وبركاته..


هذه قصيدة في مسلط بن محمد الحبشان

وهي شكر وعرفان لبو محمد على مايقدمه من جمايل ل ظاهر الجاسمي..


وهي اقل مايقال في حق الاخ مسلط بن حبشان.. وحقة اكبر عسى الله يقدرنا على رد الجميل.

[poem=font="simplified arabic,5,darkred,bold,italic" bkcolor="transparent" bkimage="" border="double,2,black" type=1 line=1 align=center use=sp num="0,black""]
يا هل المجد الاصيل الي منقى ثوبه=غيركم يتعب عليها مير مايلقاها
خذتوا الصيت وخذيتوا ندرته وعجوبه=لين صرتوا منبعً للطيبه وسواها
كن لهل الطيب سوق.. وندرته مجلوبه=واشتريتوها جميع.. ولايباع شراها
مجد يبنى.. فوق هام السحب.. طوبه.. طوبه=من يمين الشيخ بن حبشان.. تم بناها
شيخ ن يفك الدخيل.. ويرجع المسلوبه=ويتثنى للحمول.. اليا حدن خلاها
ويوم ضاقت في عيون المستضيق.. دروبه=قام بن حبشان مسلط.. وارتكى واقداها
من سلايل شايب ن لاصاحت المغلوبه=اعتزى من دونها بأخته.. ورد قضاها
رايته بيضا.. ترفرف.. بالجبل منصوبه=كم رجل ن قال اسويها.. ولا سواها
غير زيزوم الدويله.. يوم اوجه صوبه=عارفين اهل الفعول.. وخابرين مشاها
مسط محمد ولد حبشان.. ماهي نوبه= النعم مليون.. في مليون.. له يتلاها
فزعته للي يجيه.. وحكمته.. واسلوبه=نادر.. ولاتشبهه بالناس غير اسماها
الكرم وهبه من الله.. سيرته مطلوبه=والله الي خص بن حبشان.. لين ازهاها
الكرم من جد جد.. وكلهم يمشوبه=اهم اهلها من قديم الوقت وهم اولاها
المواقف كلها مشروحه ومكتوبه=في تواريخ الجزيره.. كلنا نقراها[/poem]

للشاعر : ظاهر خالد الجاسمي

صح السانك ومن لايشكر الناس لايشكره الله فقد شكرت ومدحت ومسلط من اهلها سلمت مليون

أخي رداد
صح لسانك ورفع الله شانك قصيده من شاعر جزل وبيض الله وجهك كفيت ووفيت , ومسلط بن محمد الحبشان يستاهل العلم الغانم , وراع الطيب يستاهل الطيب دمت بكل الود .

صح لسانك رداد على القصيده الجزله

رداد


السلام عليك ورحمة الله وبركاتة


مشكور على النقل الجميل والأكثر من رائع ..

ويستاهل أبو محمد والنعم فيه وفي الحبشان كلهم يستاهل الطيب ولله ..


دمت بخير ..







تقبل أجمل تحياتي