صديقي جني

علشااااااااااان اخوووي ابوناادر رااح انزل مووضوع عن حببي قلبي جوووووون

اخواني نظر لطول الموضوع راح يكون مسلسل من حلقات.....


كانوا الشباب كاشتين في روضه خريم ( حديقه الله زارعها ابوك يا التوضيح ) وطاقين الخيام هذا

الكلام يوم الاربعاء قالوا يااهــــم واحد تعال معنا قلت ماني فاضي ابوي عازم له ناس


وابي اصب لهم القهوه >>>>>>>> اخص يا المرجله ........ المهم الحين انتم يا عيال اسبقوني وانا

الحقكم

المهم راحوا للبر وانصبوا الخيام >>>>>> ذهين علشان مايكرف معهم

في الشغل ..... المهم يوم غابت الشمس

والضيوف راح وانا القط موتر الوالد الجمس دفرنسين وان امسك الخط عاد

اخذت معي الطيران العيال موصيني

عليها يبون يسفهلون وانا امر المحطه واعبي بنزين وامسك الخط .

ومشغل بشير حمد شنان ( وفيت قبل امس بالديره عجوز ) اخص يا

الرومانسيه المهم يوم جيت ابفرق مع الخط الا

الليل قد خيم علينا ....... حلوه قد خيم علينا طه حسين على غفله .

وانا اوقف واطفي النور واقعد اناظر للنجوم الا هذا نجم سهيل وانا احطه

على حجاجي الايسر وادز بالجمس

وامشي وكل اشوي اطفى النور واناظر لهذا النجم اللي اسمع فيه وانا مع

جنبها اثري غديت .

الا هذيك الخيمه اللي فيها نور وماحولها سيارات ومير اروح لها وانا اوقف

السياره جنب الخيمه واصقعهم

بذيك البواري الا ما احد يرد علي وافتح الدريشه يا جماعه الربع الا ما احد

يرد اللي قاهرني اسمع صوت

بالخميه . شوي الا النور يوم طفى ويطلع لي هذاك الواحد اللي اقصر من

المتر مدحدح مربرب . وهو يناظر فيني

وانا تطقني ام الركب قلت له يا الطيب شفت العيال . قالي نعم

وهو مير يقرب شكله يروع ياوالله البلشه وانا احط الجمس بواحد

>>>>>>>> جاهز للفركه هههههههههه ........

وهو يقرب يوم شفت وجهه عرفت انه جني اثر عيونه بالطول وانا الله يدفع

البلاء تجيني ام الركب ابتل الجمس

وهو يطفى وانا اشغل يلعن ام الجمس عيا يشتغل وانا اقفل القزاز الحين

وش الحل هذا مسنتر قدام الدريشه

وانا ماودي انظر فيه ارتاع زياده والجمس مدري وش دين امه عيا يشتغل

وانا ماسك نفسي صحيح اني خايف بس ما

ابي ابين لهذا القز اني خايف .

الا يطق القزاز يقول انت يااهـــــم واحد قلت لحووووووووول وعارف اسمي بعد

وانا اتشجع قلت خير وش تبي ياخي تراني

ماني خايف منك . وهو يضحك يلعن ام الضحكه قال انزل قلت هين انزل

يحلفون والله . وهو يفتح الباب اثري من

اللخمه نسيت اقفل الباب ويوم شفت الدعوه كذا وانا اخور قلت تكفى تراني

خايف قال اقول انزل المهم نزلت

معه قال تبي العيال هاه تعال ادخل الخيمه يوم دخلت الخميه الا ذيك البنت

اللي تطيح الطير من السماء موت

يالربع قالت لي يالله حي المهم ... صارت تمون البنت

هههههههههههههه

انتظرونا في الحلقه القدمه......

اهم واحد



يابعدقلبي والله ألآن انبسطت فعلا اشتقت للصديق الوفي /مسترجون وين من زمان ماشفته.

والجمس ابودفرنسين . الله يذكرهم بالخير ..

اشكرك واقدرلك نشرهالقصة الجميلة وانا متأكد أن ألاعضاء سوف يستانسون جدا ،


وإلى بقيه المسلسل ؟؟





تحياااااااااااااااااااااتي

اهم واحد

والله حلو ها المسلسل

هع هع هع

احتر//////مي

ياسلام
مسلسل ممتع
وانا تطقني ام الركب قلت له يا الطيب شفت العيال . قالي نعم

وهو مير يقرب شكله يروع ياوالله البلشه وانا احط الجمس بواحد

>>>>>>>> جاهز للفركه هههههههههه
مانت بصاحي
ابتابع مسلسلك واخلي طاش ماطاش
انتظر الحلقه القادمه

هلا وغلا ابوناااااااادر

تسلم والله يابونادر وانا كم عندي ابونااادر وانا ادووور اللي يونسك بدوووون قصووور

بالرررررربع يبا يجي جووووون وجمااااعته .....خخخخخخخخخخخخخخ


اهم شي انك تبسط يالغالي

وتقبل احترااااااااااااااااااااااااااااااااااااااااامي وتقديرررررررررررررررررررررررررررررري

هلا وغلا فهد الشخر

الحلووووو والله متابعتك واسمتاعك فيها ....... اسلووووب قوووووي هههههههه

مشكوووور اخوووووووووووووووووووووي على مررررررروررررك

وتقبل احترااااااااااااااااااااااااااااااااااااااامي وتقديرررررررررررررررررررررررررررررري

هلا وغلا ابوجررررررررررررررررررررررررررررراح

تبي وااحد يخاااوي جنوووون صاااحي .....يعني لك عليه.......ههههههههههههههههههه

تلقاااك يوميا تدورين وتنسى السدحاااان والقصبي كركركر

مشكووووووووووووووووور على مررررررررررررورررررك

وتقبل احترااااااااااااااااااااااااااااااااااااااامي وتقديررررررررررررررررررررررررررررررررري

اشوفكم متحمسين وعلشان كذا


الحلقـــــــــــــــــــــــــــــــــــــــــــــ ـــــة الثانيــــــــــــــــــــــــــــــــــــــــــــ ـــــــــــــــة


قال تبي العيال هاه تعال ادخل الخيمه يوم دخلت الخميه الا ذيك البنت اللي

تطيح

الطير من السماء موت يالربع قالت لي يالله حي اهـــــــــم واحد ... صارت تمون

البنت علي >>>>>>> رامي عياش هههههههههههههه عاد انا اتراقل من الخوف :mad::mad:


قلت هلا فيك صحيح هي حلو وانا ودي اغازلها بس ملعون الصلايب واقف جنبي وخارشني.........


بعيونه قالت تعال اجلس جنبي انا ماصدقت خبر وانا التفت قبل اجلس جنبها الا هو:eek:

عيونه يوم اقلبت حمرا لحووووول الجنيه فكت معي وانا اشغل البلوتوث لها

وارسل لها رقمي >>>>>>>> اخص يا راعي الباندا .:D

هي عاد افهمت على طول قالت انت وش جابك لمضاربنا^^^^^^ حشى

اطلعت عبله ...

... قلت يا بنت الحلال انا طالع للشباب مخيمين بروضه خريم لاعادها الله من طلعه .


وجايب معي الطيران والعود بالجمس وجايب لهم دجاج وفحم ومعسل

وياليتي ماقلت معسل يا عيال اثرها راعيه مزاج .

قالت لي معك معسل قلت ايه قالت قم انت ووجهك جيبه عاد هي اطخما وانا

خايف

ومير اقوم اجيب المعسل اثري نسيت القصدير قلت لها الحلو مايكمل قالت

ايش قلت

سلامتك طال عمرك بس نبي قصدير علشان نعسل مع بعض

>>>>>>>>>> صار يمون بقوه .:D:D

وهي تلتفت للقصير قالت رح جيب قصدير بسرعه وانا اناظر فيه الا تقل

رضخ للامر هههههههههه حلوه رضخ للامر وين العهد الاموي .

وهو يروح قلت يالمهـــم فرصه دنتا لوحدك وانا اقرب منها ياعيال لتني ماقربت

ياوالله اطلعت شيفه وهي تحوم كبدي ويتقلب وجهي قالت وش فيك قلت لا

ابد معي مغص

ببطني ابروح للخلاء ممكن قالت انقلع قبل تسويها بالخيمه .

وانا اطلع برا الخيمه الا برد من جد برد وانا اركب الجمس قلت مابدهاش يا

يشتغل

الان والا رحنا بخرايطها . وانا ادق سلف وهو يشتغل وانا لا شعوريا اعشق

الدبل

واتل الجمس وانا عيني على الخيمه.........


تابعونا في الحلقه القادمه....مع (((( المـــــــــــــهـــــــــــــــــــــم))))):D:D

والله ان هالقصه صارت لنا مهمه
ههههههههههههههههههه
بس اتوقع القصدير جابوه ولا لا
اخاف انك نسيت السنياريو يالمهم
المهم لازم تحدد وقت الحلقات بس هاه لايجي في بالك تسوي اعلانات ودعايات ترانا نبطل متابعة هالقصه
ههههههههههههه
سلام ننتظر المهم

هلا وغلا ابوجررررررراح .......

اهم شي ماتصير مثل الاسم كل يوووم متابعه.... والله ماعندي الاالدجه ههههههه.......:d:d


السنايور مدري شسمه.....هههههه لافزه في ورقيه عندي وحاطها في حجيرتي ههههه.....


القصة من بعد العصر علشاااان باليل يطفي الكهربا .....

واعلانات مافيه علشااااان المشااااهد ماينزعج وياخذ بخاطررررررره كرررررررككككرر

مشكوووور يابوجراااااااااااااااااح على المتابعه

وتقبل احترااااااااااااااااااااااااااااااااااااامي وتقديرررررررررررررررررررررررررررررررري

شوف وتابعو بشغف صديقي الجني......

مادريت الا ملعون الصلايب القزم قدامي وهي تقول حده لا يروح يا جون

خخخخخخخخخخخخخخ اخس يا الجني جون ............وانا اتل الجمس بواحد

وادعس من الراعه اثري ساحب الجلنط وانا مغير ادعس بنزين واعشق اثري محلي

والقزم قدامي ويضحك وانا فيني راعه مايعلم فيها الا الله وانا التفت له بعين حمراء قلت

بتوخر والا اصيح الحين وانا دموعي اربع اربع منذوا مبطي .... المهم فكيت الجلنط

وانا افرك من الخوف والراعه كل خيمه اشوفها اطنش يعنني مانيب خايف

وانا ارجع للخط المقير ( الزفلت ) ... الا هو معي يطرد وراي ويصيح ويقول

تكفى

ياالمــهــــم تكفى >>>>>>>>>> وانا اقول تكفى تهز الرجاجيل اخس يا

راعي علوم القبائل .... وانا اوقف له قلت ابك انت وش فيك قال الذيب ياهــم واحد قلت

مايخسى الا الذيب وانا اتذكر الشوزن حقت ابوي وانا اطلعها وانا اشغل الكشافات

وانا اركب الجني جنبي وقلت له وين الذيب يا زلامه .

الا هذا الذيب قدامي وانا اعاير عليه >>>>>>>> الولد بواردي ...... وانا

اطخ وارمي هي صحيح على عماها بس يعنني قدام الجني بواردي وهو

مغير دموعه اربع

اربع يقول تكفى يااهــم واحد الذيب لا ياكلني ابروح لامي تكفى قلت يا شين الورعان

خلك جني رجل اسكت لا تفضحنا عيب يا ورع تبكي .

ونفر اشوي اثري رميت الذيب وصبته وانا التفت للجني قلت ارتحت هالحين قال ربنا

يخليك قلت اسمع انا ابروح للعيال مخيمين بروم خريم قال ابخاويك صار صديقي

الجني هالحين .

قلت اسمع عيونك تروع والشباب ماهم مثلي شجعان >>>>>> اخص يا الزير سالم على

غفله ............. وان شافوا عيونك عز الله انهم بيتفرقعون قال وش الحل طيب

قلت اسمع انا اخبر بالدرج نظارات ابوي البشاور >>>>>> يحلفون انها من محلات

كل شي بريالين ........... تلبسها ولا تفصخها سمع العلم قال الجني تم قدام .

وحنا ندز وانا اتصل عليهم ياعيال وينكم وترى معي ضيف اخذت الوصف وانا اروح

لهم وننزل انا وصديقي الجني قالوا يالله حيه اقلط وهو مغير يدربي راسه وراي

قلت اسمع تك على المركى ولا تهرج لين نشوف الوضع .

المهم العيال يصبون له قهوه والجني مايشرب قلت هو صايم >>>>>>> يلعن ابو

التصريف صايم وحنا الساعه عشر ونصف ليل .

المهم العيال راحوا للجمس ونزلوا الطيران وليتهم مانزلوها يوم طقوا الطيران

وهو ينقز المقرود الجني اثره راعي زار وهو يفصخ النظارات وعيونه تقوم تتقلب

وهو يتغير هذا اخر عهدي بالعيال تقل سبحه وانتثرت

اسفين لهذا الخللل

تابعونا بالحلقة القادمه ماذا يصير بيني وبين صديقي الجني

تابعوا الاحداث المثيرة ماذا تسفسر عن الحلقة القادمه

اهــــــــــــــــــــــــم واحد وصديقه الجني

حلو
اثرك ماانت بسيط
اللي انك بسيط ماعنده سالفه
ههههههههههه
اقول والجني صار صديقك الظاهر ولا احب اسبق الاحداث بيزوجك
ههههههه
تراي متابع مسلسلك ومشكوووووووووووووور
جد حلقاتك ممتعه
من جد
ماامزح
تقبل امنياتي
لك بالتوفيق

انا بعد متابعه:p

هلا وغلا ابوجرررررررررررررررررراح


مااحد قدي يابوجرررررررررراح ............واحد شاااف نفسه من عقب صداقه الجني ....هههههه


زواااج مسياااار بس لاتعلم احد ..........كركرررررررررر


ترى المسلسل علشاااانك ماشفرناه ههههههههه


مشكووور يالغالي على المتابعه والله يطوول عمرررك على الطاااعه

وتقبل احترااااااااااااااااااااااااااااااامي وتقديرررررررررررررررررررررررررررررري

هلا وغلا ليلى بنت المهلل


الله يسلمك احرجتني يالغاليه واشكرررك على المتابعه

وتقبلي احتراااااااااااااااااااااامي وتقديرررررررررررررررررررررررررررررررررررررررري

علشان خاطر ابوجررااااااااااااح راح ننزل الحلقة الرابعه....

اخص مسوي واسطة قم قم بس قم.....

وانا ابلش فيه ياعيال وهو يخمني مع حلقي الجني لابارك الله فيه ولا في الساعه

اللي عرفته ولا روضه خريم اصلا حنا حدنا حديقه الفوطه وتخب علينا .. قلت افا

هالحين افكك من الذيب وتزر حلقي يا قليل الادب .

يوم التفت لي التفاته ماهي مثل دائم القشر في عيونه وانا يدخلني الماء قلت

ياخي انت وش تبي تراني معطيك وجه >> ابوريه اني قوي ..... قال اقولك

سرهم قلت نعم ليه شايفني سواق تكسي انت ووجهك منهم قال سرهم اقولك .

لحووووووووووول هو لو علمني من الاول اسري من كان انا جاهز بس ملعون الصلايب

في راسه زار ومخاوي شيوخ .

قلت له ابشر وانا استلم الطيران وهات يا اغاني وكل ماغنيت له قال سرهم يا

المـــــهـــم وانا اغني له من يقول اني لغيرك انا لك ماني لغيرك ...... وهو يقزني

قزه وانا على طول اقلبها وش علامك يا الا سمرانيه يا الاسمرانيه تقل هداء .....

نعنبوا ابليسه هو واللي معه ........ ياعيال بلشت فيه وانا بلحالي ..... اخر

شي وانا اطق له بو صالح سراء ليله هل الدمع من عينه ......... وانا

ابكي ......... مايسرح كما المسراح يا غائب زمانك راح وليلي ليل يا عيال تقل

هداء وداخ وركد وانا افك الطار تبون الصدق لاعاده الله من صديق ابي انحاش وانا

انسرق منه ابي اطلع وهو يلتفت فيني قال ....... على مين تلعبها على مين يا

ابن الناس >>>>>>> حشى طلع راشد الماجد .

قلت ياخي حشران وش فيك انت ... قال علينا يااهـــم واحد ... قلت انت وش تبي فيني

بالضبط ياخي تراني ماارتحت ماني على كيفك ......... وهو يضحك ذيك الضحكه لاوالله

يوم دخلني الخوف .

قال اسمع عاد يااهـــم واحد انت ماقصرت فكيتني من الذيب وعزمتني صحيح خوياك اطلعوا

ماهانش بس انت طلعت كذا .............(( اشار بيده بعد ضم اصابع يده ورافد

الابهام )) يلعن ام الشرح اللي بتفصيل قسم بالله لوني راسمها ماتفهمون .

قلت اسلم الله مير يسلمك اخلص عاد قال انا ابعزمك ......... عاد انا اقول بنفسي

وش يبي ذا هالحين انا طاقتني ام الركب منه بيعزمني بعد لاوالله خربت .

قلت له ياصديقى الجني >>>>>> جاه بالسياسه .......... ويحك وهل بيننا من

عزائم >>>>>>>>> امرء القيس على غفله .

قال انا حالف على الطلاق غير اعزمك ياوالله البلشه جني وطلق عاد رقعها ... قلت

له تدري عاد دامك طلقت يا طعس مشينا >>>>>> يمون بقوه .

وهو يوديني لذاك الجبل ونوقف السياره عنده قال انزل قلت امعصي وش انزل انت

صادق لاوالله يوم تغير وجهه قال انت صاحي قلت انتي وش ناوي عليه قال يا ضب انا

اتصلت في ربعي وجهزوا كل شي انزل لا تفشلنا هم في استقبالنا تقل اني ارتحت

لكلامه لابارك الله فيه .

وانا انزل وادخل الجبل ... عباره عن مغاره صغيره يادوب تقدر تدخل

معها .......... ثم بعد ذالك تتسع شيئاً فشيئاً ((( قسم بالله تقل اني ابن خلدون

في شرحي على فكره منهو ابن خلدون ))) .

ويوم دخلت وانا يوقف شعر راسي .......

تابعوا الحقله الجاية التي يقشعر الجسم منها






شكلكم تحمستوت بقوه...خخخخخخخ

تحمسن وبس
الا الله يجيريك ولا ابوزيد الهلالي
بس اخاف اتابعها يطلع مثل ذلك المسلسل يوم اقطعوه يوم وفاة الشيخ زايد رحمة الله عليه وعلى اموات المسلمين
هاه ياهم واحد
انتبه لاينقطع المسلسل
والله يستر
هههههههههه
في امان الله

هلا وغلا يابو جرررررررررررررررراح

اهم شي الحماسه ماخوووذ من الحمس ودايما تطلق على القهوووووووووة ههههه

المسلسل عندى ليس فيه حذف مقااااااطع كركركر


خلاص اهم شي عندي ان تقرا الموضووع وانت طفشااااااااااان هههههههههههههه

مشكوووووووووور على المتابعه يابوجرررررررررررراح

وتقبل احترااااااااااااااااااااااااااامي وتقديررررررررررررررررررررررررررررررري

--------------------------------------------------------------------------------

اعرفكم عيونكم على النت ودكم تعرفون وش صار.....:eek::eek:

والله تشفون كرم صديقي جون ( الجني) اخص حاتم الطائي ....:D:D

الحلــــلقـــة الخامـــــس


تدرون وش شفت ياعيال شفت بنات ... وياليتني ماشفتهم اشكالهم غلط وكبار بالسن

وبدون اسنون وانا مير التفت للجني قلت له قسم بالله انك ورع من جد هالحين

تعزمني عند هالعجز اقولك رجعني ولا عاد تكلمني ولو سمحت امسح رقم جوالي من

جهازك .. قل زعل الجني ويناظر فيني قال هذا انتم يا الانس مالكم خاتمه .. :mad::mad:

>>>>> وهي تاكلني بكبدي .

قال تراني ابقلب عليك مير اعقل مو علشانك فكيتني من الذيب تهزئني >>>>>>>

وانا تدخلني الفشيله من كلامه .

قال امش معي بس وانا اعلمك وانا امشي وراءه وهو يعلمني وش هالعجز اللي كانوا

في استقبالنا >>>>>>> اخص يا مسئول الدوله .

قالي هذولا يااهـــم واحد حراس المغاره علشان من دخل يخاف ويهرب فهمت ياغبي يعيال مو

كانه يسب .

انت لو تصبر اشوي بتشوف العجب وحنا ندخل مكان واسع الا الزين والجمال والبنات

اللي مافيه اجمل منهن لابسات جنز ومزلط . يعني اغراء .

وانا الله يدفع البلاء انسى عمري وانسى صديقي انه جني وانا اخمه وامطخه ذيك

البوسه قلت ايه سنايدي هذي العزايم مو مثل ربعي روضه خريم لاعب الله فيني شيل

الخيام حط الخيام شغل الماطور جيب بنزين مجهدين عمرنا على غير سنع وبالليل

سامري وطيران تقل مهبل

قلت تكفى يا جون اسم الجني .. ابي اتعرف عليهم >>>>>> ياعيااااااااال

تقل زراء علي

قال هالحين اعزمك وانت ضيف الشرف تقول ابتعرف هذولا يااهـــم واحد تحت امرك اصلا هم

حاضرين يبون يتعرفون عليك .

وانا تجيني النشوه واتذكر بيت قاله الولد مدح فيني / مالي ارى القوم

اقبلوا .. وسنايدي المــهم قد رحلا . >>>>>>> حاس انكم تكذبونه في البيت اللي

قاله الوالد .

قلت ياجون ياخي انت سنافي من جد قال اقول لايكثر امش قلت وين امشي امعصي والله

ما اتحرك من عند هذولا قال ياطعس فشلتنا امش ترى الزين نجدي وقلبي

يحب النجديه

وانا امشي معه ابشوف اخرتها معه وعيني مغير تلفت وراء ماني معه مقهور من اللي

تعديناهم وهو يسولف وانا ملتفت وراء اشوي الا اللي تقول هلالالالالالالالالالالالا

وغلالالالالالالالالالا بالمــــــــــــــهم بصوت ياعيال غير طبيعي صوت رقيق خافت

حساس ........ حي الله ضيفنا اسفرت وانورت وانا التفت يوم

شفتهااااااااااااااااااااااااااااا يوم

شفتهاااااااااااااااااااااااااااااااااااا وانا عهدي بنفسي .. اغمى علي

والله من عقبها عفت الانس ( انتبه ياجني يالمـــهم)):busted_co

الدوررررريه اخر الليل هههههههههههههههههه

ألف مبروك .. لقد سعدت بهذا الخبر ههههههههههههههههههههههههههههههههه :D:D

اقول من القصه مبين تمن على ذا الجني عشانك طخيت الذيب وقتلته عشانه
وش كاري انا
يالمهم البنات من جد حلوات 000000000000واحدمصدقك
هههههههههه
الناس الان الرجال تخاف من الجنون (يعني تدخله جنيه الله يكفينا الشر)
يعني يالمهم تبي ترفع سوقهن لوقروا قصتك
ههههههههه
يعني راح تكون محرض لبحث الرجال عن جنيات
ههههههههههههههه
يعني راح تكون مطلوب للدوله
هههههههههههههههههههههه
بسبب ترويج الاشاعات المغرضه لشباب البلد
تبي تروح فيها
ههههههههههههههههههههههه
الوكاد مثل مامنعوا اكمال مسلسل الطريق الى كابول راح يتوقف مسلسلك من قبل المنتدى
هههههههههههههههههههههههههههههههههههه
انت يالمهم نكبه في نكبه
ههههههههه
انتظر الحلقه القادمه
والظاهر مايتابع ارانبك الاانا
ههههههههههه
سلام

هلا وغلا يابوجرررراح


لازم المن حلووووة لاني انقذت حيااااته ..............هههههههههههههههههه

شق البناااات ههههههه

تعررف السنه هذي سنه الاسهم ولازم نرفع علشاااان نكسب...


وقف القصه والسبب عينك االحااار يابوجرااااح...... الله يكفينا شرك


وتقبل احتراااااااااااااااااااااااامي وتقديررررررررررررررررررررررررررررري

الله يكفينا شركم من اولتها جنوووون

قصه في قمه الروعه تسلم اخوووي اهــــم واحد ترااااك من اليووم صديقي ههههههه

اهم واحد من جد القصه انتظرها
لايكون 00000000000؟
افى بس افى
لايكون اخذت بخاطرك تر من جد انا ازعل
القصه
ماهي على كيفك تكملها يعني تكملها ولا وش ريكم ياشباب نركبه الحق
بس مايكون غدى
عزيزي اهم واحد مايكفيك اني بالله وفي الله
واحد يقردن اهم واحد عشان يكمل القصه
الحلقه
السادسه انتظرها
واذا عطيتك انا عين ابشر بالدوى بس لاتعذر
كل عام وانت بخير يالغالي

هلا وغلا بالامير الاحبووووووووووووووووب

خلاص ماعتدي مانع تصي من ربعهم ههههههههههههههههههههه

الله يعطيك العافيه

وتقبل احترااااااااااااااااااااااااااااااااامي وتقديرررررررررررررررررررررررررررررررررررررري

هلا وغلا ابوجراااااااااااااااااااح

اذا كنت مصمل على الحلقه السااادسه ارسلها لك .......

علمني وانا اجيك مروووح ههههههههههه

وانت بخير يالغالي

وتقبل احتراااااااااااااااااااااااامي وتقديرررررررررررررررررررررررري

ايوالله ابيها يالغالي
اتابع من اول بس كم بقى حلقه

كمل يا أهم واحد في ناس اتابعك من خلف الكواليس قصه ولا اروع من شخص فعلا اصبح في قلوبنا اهم واحد
مع كل التقدير والاحترام اخوك المحب صافي النوايا

هلا وغلا ابوجررررررررررررررراح

والله ماودي اقوولها لك يالغالي


لان الصررراحة الايااااام اكبر مصيبه.....








والله يعيني عليكم



اقوول ترى القصة انتهت .....


ههههههههههههههههههههههههههه


وتقبل احتراااااااااااااااااااااااااااااااااامي وتقديررررررررررررررررررررررررررررررري

هلا وغلا صااافي النوايا

شكلك مندمج مع القصه.................. شكلي اشوووفك الحين هههههههههههههههه

ترى القصه باح.................يعني انتهت ................قضت


مشكووووووووووووور اخووووي على المتاعبه

وتقبل احتراااااااااااااااااااااااااااااااااااااااااااااا اااااامي وتقديررررررررررررررررررررررررررررررررري