مــاابــكـــيــك ليــن الــغــرب يبكـــون صــدام للشاعر عبد الرحمن العقيلي (منقول)

مــاابــكـــيــك ليــن الــغــرب يبكـــون صــدام

[poem=font="simplified arabic,5,blue,bold,italic" bkcolor="transparent" bkimage="backgrounds/1.gif" border="double,4,gray" type=0 line=0 align=center use=ex num="0,black""]
حبك بقلبـي حطـم انـواع الارقـام=النـاس تتقـدم وانـا دون فـي دون
كني سجين(ن) ينتظر حكـم الاعـدام=حان الرحيل وضاق به واسع الكـون
قـام يتخيـل بكـره اطفالـه أيتـام=لاغاب عنهم كيف ممكـن يعيشـون
ابقول لك شي(ن) بصدري من العـام=ابصارحك وابيـح لـك كـل مكنـون
وقـول للحـسـاد حـاقـد ونـمـام=هذا الصحيح وسو و اللـي تسـوون
كلمةاحبـك كلهـا كـذب واوهــام=مثلي سوات اللي مع الخيل يمشـون
سمعت لي ناس(ن) يعزفـون الانغـام=وقمت اصلخ اشعاري مثل مأيقولـون
احد(ن) يقول انه من الحـب منظـام=واحد(ن)يقول انـه متيـم ومجنـون
واخر نحل جسمه مغر جلـد وعظـام=وناس(ن)على جمر الغضا منه يصلون
وبنت(ن) يقولون العرب حبهـا سـام=والناس من سبـة هواهـا يموتـون
واللى سدا حروفه على وصف الاجسام=وصف الشعر والطول والعرض واللون
رسم كـذاء مـأ يرسمـه أي رسـام=لاقالـهـا كــن الاوادم يشـوفـون
وناس(ن) يقولون الفنا فوقهـم حـام=اشوفهم في بعـض الاحيـان يبكـون
لاوالـذي يلهمنـي حروفـه الـهـام=ويصرف الد نيا مـن الكـاف للنـون
ماابكيك لين الغـرب يبكـون صـدام=ويبكون اهل غزه عاى موت شـارون
وبوش المريكي يرتدي بيض الاحـرام=ويطوف بالكعبه مع اللـي يطوفـون
وبلير يشـري لـه مجاهيـم وخيـام=يوم ان ربعـه دون رفحـا يشتـون
استغفـرالله مابقـي غيـر الاقــزام=لا والله الا عـن وطـنـا يعقـبـون
مأيقربـون البيـت عبـاد الاصنـام=اللي على تفريـق الاجـواد يسعـون
يـادار لاتخشـى صواديـف الايـام=واخوان نوره بعد ربي لـك حصـون
يبكينـي الـلـي للمـلـذات هــدام=ليا ذكرته صا بنـي خـوف وجنـون
ياكم مـن حيـا بعـد فرحتـه نـام=نوم العوافي واصبح الصبـح مدفـون
الحب عني بعد صنعـا عـن الشـام=مادووره لـو دوور السلـم صهيـون
الحب مايسكن صـدر حـاف الاقـدام=صدري قبل حبك من الويـل مسكـون
مافيه شي اطيب مـن الحـظ لاقـام=وحظي انا يابنـت قاسـي وملعـون
عندي شهادة طب في رعـي الاغنـام=واصلت لين اصبحت جندي ومديـون
مااملـك الا ثـوب وشمـاغ بـسـام=ودد سن تبي تغيير علبـة دركسـون
ابوي عانه مـن وراء عـرق لـزام=كني اشوفـه فـاول الـذود بالشـون
يفرش من الرمضا فراشه لـيـا نـام=ويدرس من الصحراء تعاليم وفنـون
يابنت مأيروي ضمـا الكبـد حجـام=عليـك بااللـي بالمساجـد يـعـدون
يزهـاك نشمي(ن)شقـردي ومقـدام=مشهود له من زمرة اللـي يصلـون
مدربه عـوده علـى طبـع الاكـرام=لوكان ما يملك مـن المـال ماعـون
يكفي عليـه انـه مصلـي وصـوام=و ليا وعد بالوعـد وافـي مضمـون
اخير لك من شاعـر احـلام واريـام=يوم سعيـد وعشـرة أيـام محـزون
اهل الشعريابت مـن قبـل الاسـلام=قيل انهـم فـي كـل وادي يهيمـون
وان هام واحد واطرب النـاس لاهـام=ماهيب لله قصـده النـاس يوحـون
ابكي وانا ببكي تـرا الـدور بالـزام=اخفي دموعك واحذر النـاس يـدرون
قولي همومك بـس فحـدود الاحكـام=وسرك ليا قلتيـه فالحفـظ والصـون
الله ياليـت الحـب بالمـال ينـسـام=ابشتري لك منـه خمسيـن كرتـون
ونعيش في دنيـا كـذا كلهـا احـلام=وسخر حروفي لـك انغـام واللحـون
انتي قمر لاصـار نـور القمـر تـام=انوارك ان غاب القمر عنـه يكفـون
افرش لك الدنيا بسـا تيـن واهـرام=انتي ولا غيرك على روحـي يمـون
استغغـر الله خـاف يلحقنـي اثـام=شفتي تناقض راعي الشعر وشلـون
مـره غـرام ومـره جــروح والام=ومره نصائح شخص صادق ومغبـون
انـا وشعـري بيننـا ولـف وهيـام=هو منفتن فيني وانـا فيـه مفتـون
مجرم شعر متعـدي حـدود الاجـرام=ياما بكت من سطوة حروفـي عيـون
ياما تثنت مـن وراء حروفـي اقـلام=في يدين اهلها وصفقـو مأيحسـون
العذر فالتقصيـر ياوجيـه الاحشـام=وانا لكـم شاكـر وذاكـر وممنـون
[/poem]

لله درك يالعقيلي وش خليت .. جزاله .معاني .تصوير . تناقض . فلسفه

استغفـرالله مابقـي غيـر الاقــزام..لا والله الا عــن وطـنـا يعقـبـون
مأيقربـون البيـت عبـاد الاصـنـام..اللي على تفريـق الاجـواد يسعـون
يـادار لاتخشـى صواديـف الايــام..واخوان نوره بعد ربي لـك حصـون

نعم يعقبون ويخسون عباد الاصنام عن بلاد الحرمين الشريفين

لف صح لسانك ياعبدالرحمن وبيض الله وجهك على هالقصيده الشامخه ..

كل الشكر لك اخوي صادق الود على النقل المميز






..



..

ولك الشكر يابو نادر على المرور والتعليق

http://www.atyab.com/uploadscenter/u...b2979a051d.gif