[
[poem=font="simplified arabic,5,blue,bold,italic" bkcolor="transparent" bkimage="backgrounds/1.gif" border="double,4,gray" type=1 line=0 align=center use=ex num="0,black""]
يابن قراح الطيب كسبه مواهيب =والله وهبك الطيب يابن الحمايل
ياموسعن صدر الخوي بالتراحيب =خوتك يالداموك مضرب مثايل
لك عادة(ن)كسب المعاريف والطيب =يا مخضب(ن) يمناه فعل الجمايل
انا اشهدنك وافي(ن) بالمواجيب = ماقفك يغني عن جميع البدايل
مع كل طيب موثقلك مقاضيب =قدر وحشيمه ياحشيم الخصايل
للطيب تسعى ماتحرى مناديب =ساسك وراسك طايل (ن) كل طايل
والضيف لاجاكم لقاله معازيب =مع الدلال وكيفهن راس حايل
ويلقى الرجال اللي تصف المشاريب = اليا زمى الشيطان في راس عايل
ماضلكم في حزة الضيق تجريب =ولا يثبت البرهان كود الدلايل
من ساحل تهامه لحد التناجيب =ومن الجنوب اليامشاريف حايل
بالطيب مذكورين عند الاجانيب =ولا القريب يشوف والشك زايل
ياعل تفداكم كبار اللغابيب =اللي على القربه تعد الفضايل
واللي مكاسبهم بشذب العراقيب = قضاية الحاجه على قول قايل
يامحفين رجله بعسر المراقيب =مرقاك للعليا وكسب النفايل
ماطعت لاشن يكنز المال ويعيب =ويشوف راع الطيب ماله عقايل
مايدري ان القدر لهل المواجيب =اللي تعدل بالخفى كل مايل[/poem]
