رائعه للرائد /ماطر بن خالد العليم الحميداني:-

[poem=font="simplified arabic,5,red,bold,normal" bkcolor="transparent" bkimage="backgrounds/1.gif" border="ridge,6,orange" type=1 line=0 align=center use=sp num="0,black""]
انا اليوم مدري ويش عندي من الحاجات = ولا تنقضي حاجات الايام بالمره
يدور الفلك والوقت وانسابق الساعات = وساعات به حلوه وله ساعة مره
ولا يانديمي لاتحسف على مافات =ومافات مات ولا يعورك في حره
ودنياك ماتصفي وتقلب لك الموجات = شف العلم يومه طلع الارض مفتره
ودنياك قافيها ترى هادم اللذات =الا مبخت اللي حلو دنياه ماغره
ونوب لها رونق ونوب لها غارات =وعندك خبر ماصار لمحمد الدره
وانا باطلب الله ربنا يغفر الزلات =لان الذنوب تسبب الشر وتجره
واذا جاتني زلة رفيقي تقل ماجات =ولا نطري الزلات ياخوي بالمره
وترى الفعل دايم وقعه اقوى من الاصوات = على الهون ياللي ترفع الصوت واتجره
وانا خابرك ياخوي دايم ورى الهقوات =رجال القبيله كلها منك منسره
ومن بعد ذلك يابو تركي لنا عادات =اذا جاء رفيق وده لثوبه يطره
نصفي له النيه ونقضي له الحاجات =واجي ثوبه وبيديني اقوم وازره
نبي دام حنا فوقها نرفع الهامات =واذا مت يلقون الاواليد لي جره [/poem]

صح لسان الشاعرماطرالعليم على هالقصيده الجزله بما تعنيه الكلمه

تسلم يمينك اخي غريب الدار على نقلها لاهنت ..




احترااامي لك ..

صح السانك ياماطر بن بن خالد العليم على هالرائعه ولاهنت وسلمت ياغريب الدار على نقلها ولك تحياتي

صح السانك يا العليم
ولاهنت يا غريب الدار

صح لسانه ولاهان الشاعر ماطر على القصيده الرائعه

واذا جاتـنـي زلـــة رفـيـقـي تـقــل مـاجــات......ولا نــطــري الــــزلات يــاخــوي بـالــمــره


كفو والله

وانا باطلب الله ربنا يغفر الزلات
لان الذنوب تسبب الشر وتجره

لله درك غريب الدار
صح السان شاعرها مدد بلا عدد
وبيض الله وجهك على هااالنقل
ولا هنت يالغالي

[poem=font="simplified arabic,4,black,normal,italic" bkcolor="transparent" bkimage="backgrounds/23.gif" border="groove,4,gray" type=0 line=0 align=center use=ex num="0,black""]
واذا جاتني زلة رفيقي تقل ماجات
ولا نطري الزلات ياخوي بالمره
وترى الفعل دايم وقعه اقوى من الاصوات
على الهون ياللي ترفع الصوت واتجره
وانا خابرك ياخوي دايم ورى الهقوات
رجال القبيله كلها منك منسره [/poem]

غريب الدار

السلام عليكم ورحمة الله وبركاته

قصيدة جميلة وغاية في الروعه وصح لسان شاعرها الرائد/ ماطر بن خالد العليم


دمت بخير



تقبل أجمل تحياتي

صح لسان الشاعر الرائد / ماطر العليم قصيده رائعه وجميله

وتسلم غريب الدار على النقل الاكثر من رائع والتمييز , تقبل مروري وودي .

جاتني زلة رفيقي تقل ماجات
ولا نطري الزلات ياخوي بالمره


صح لسان الشاعر ماطر العليم ولا هان على هالجزلة