ما ون ابن جدلان من لايع لاع-قصيده لمحمد بن علي الحميداني

هذه القصيده للشاعر:محمد بن علي الحميداني مرسلها الى
الشاعر:مشاري النثري العتيبي

[poem=font="simplified arabic,6,black,normal,normal" bkcolor="transparent" bkimage="" border="double,4,white" type=0 line=0 align=center use=ex num="0,black""]
واقلبي اللي تطحن فيه الاوجاع=من تشرق الدنيا لحد المغيبي
ما ون ابن جدلان من لايع لاع=ونيت مثله من قرادة نصيبي
ياللي من ضروف المقادير مرتاع=حسبي عليك الله والله حسيبي
ضيعتني واللي بقالك معي ضاع=واصبحت مصيوب ولاني مصيبي
اشرف على النايف واعدي عن القاع=لولى الامل مااقول جرحي يطيبي
تضحك وانا جفني تساقيه الادماع=وتغيب لو ماانت بعيوني تغيبي
لو تنطق حروف الضماير للاسماع=نطقت شي منه والله تشيبي
ياراكب اللي من جديدات الاصناع=لونه عجيب وهو غريب عجيبي
منهو ملك مثله من الناس ماباع=انتاج من قلد عليه الصليبي
يازين طبعه ماهو بمثل الاطباع=لا شان لك وجه الزمان الكئيبي
يفزع مفازيع الذي جاك فزاع=شيخ كسر فالحرب شوك الحريبي
مورسدس خمس اميه للارماس قطاع=يودع بعيد الدار عندك قريبي
قصر بنوه اقوى شركات الابداع=تصميم فن ولا يجي فيه عيبي
في مظهره ماخذ من الهيبه انواع=وفي داخليه فايح ريح طيبي
عينه مثل عين اشقر الريش نزاع=نزاع راس الخرب حر ربيبي
مشاعري له ضاميه دوم وجياع=هذا طليب لي وانا له طليبي
نصه على النثري وروح وهالساع=يالين تاقف عند باب العتيبي
لاقاسوا الاشعار بالشبر والباع=شعره يطول المجد ماهو غريبي
قل يامشاري محمد اوضاعه اوضاع=مافاد فالعله علاج الطبيبي
اشكي عليك الحال من صايع(ن)صاع=يوم ادبرت مالي بغيرك مجيبي
التعت واللي فالحشى منه ملتاع=من صاحب بيح على الناس غيبي
لو تمحل الدنيا له القلب مرباع=حتى مقيضه فيه لا يستريبي
لو الغلا يحصر وسط عوج الاضلاع=مااقفيت من عهد المحبه صويبي
تعبت من حظ رقد مابعد فاع=مره يصيب ومرتين يخيبي
هذي حكاية مغرم ذاق الاوجاع=جرحه بوسط القلب جرح عطيبي[/poem]

ابك

ابك

ابك

عزلله قصيده

صح لسان شاعرها

مشالله لا نسدحه


يـالـلـي مــــن ضــــروف الـمـقـاديـر مــرتــاع حـــســــبــــي عـــلــــيــــك الله والله حـــســـيـــبـــي


لعنبو من لامه نروح جاهيه لبوها علشان ها البيت



تـضـحـك وانـــا جـفـنـي تـسـاقـيـه الادمــــاع .. وتـغــيــب لـــــو مــاانـــت بـعـيــونــي تـغـيــبــي
لــو تنـطـق حــروف الضمـايـر لـلاسـمـاع .. نـــطـــقــــت شــــــــــي مـــــنــــــه والله تــشـــيـــبـــي



تصدق يالنوخذه

من القصايد الي اتمنى انها لي ورب الكعبه


ماقلتلكم ان محمد صاروخ قادم لساحة شعار الحمادين

اشهد بالله انه تبرابه الذمه




ذويق في كل شي يالنوخذه


لك جل احترااااااااامي

نعم الحق يقال هذه قصيده جزله وقويه ستحتق الاعجاب لايقولها الا شاعر متمكن

صح لسان الشاعرمحمد بن ضاوي ونتمنى له التوفيق والمزيد من الابداع

لاهنت اخوي النوخذه على النقل المميز .


تقديري





.

شهاده يعتز فيها محمد بن ضاوي
من شعار
فحول في الشعر لهم وزنهم وثقلهم في الشعر

صحة ابدانكم
ابو نادر
وشقران

والله لا يهينكم

تحياتي

شقران هههههههههههههههههههه
عد انك مشيت فالجاهيه

وانت من الرياجيل اللي
ينتوجه فيهم


لاهنت مره اخرى
تحياتي

بيض الله وجهك يامحمد ولاهنت

صح لسانك

شاعر مبدع مافي شك
تقبل مروري يالنوخذه

أخي النوخذه

بيض الله وجهك على النقل الرائع المتميز وصح لسان ا لشاعر الغالي محمد علي الحميداني

قصيده يتخللها جزاله ومعنى والله يوفقه ويحفظه , تقبل مروري وجل احترامي لشخصك الراقي .

النوخذه
سلمت يمناك يالغالي على النقل المميز

قصيده جزله من شاعر جزل وابوعلي لو بنمدح فيه ألى بكره مانوفيه حقه

شاعر من الشعار اللي نتعطش لسماع قصيدهم بكل شوق

لك فائق أحتراامي

يالنوخذه سلم الله يمينكـ على هالنقل الرائع ,,

وصح الله لسان شاعرها .. الشاعر : محمد علي بن ضاوي

وتقبل فائق ودي واحترامي لشخصكـ الكريم ...

ذيب الجزيرة
غنام العرافه
الملكي
ابو عجايب


مروركم للصفحه زاد نورها نور وزادها فخر
وصحة ابدانكم

والله لا يهينكم

تحياتي

لاتعليق

القصيده هذي اتذكرني بأيام حلوه مير الشكوى لله

مبدع يابوضاوي والله من افضل القصايد اللي سمعتها


صح لسانك ولاهنت


:( شكلي بدن الهاشميه ههههههههه

سلمني على محمد يالنوخذه ولاهنت على ادراج القصيده

واقلـبـي الـلـي تطـحـن فـيـه الاوجـــاع....مـــن تـشــرق الـدنـيـا لـحــد المغـيـبـي
مــا ون ابــن جــدلان مـــن لايـــع لاع.....ونـيــت مـثـلـه مـــن قـــرادة نـصـيـبـي

ودي انحت البيتين ذول على خط العاير الثامريه :) واقراها كل يوم هههه

سيف ابو حدين الله يذكر ذيك الايام بالخير
صح بدنك وتسلم يالغالي
جبتها ع الجرح
ههههههههههههههه
حلوه على طريق العاير الثامريه

ابو حدين يبلغ سلامك انشاء الله