على خط جسر بقيق مريت جسر بقيـق

[ALIGN=CENTER][TABLETEXT="width:50%;"][CELL="filter:;"][ALIGN=center][ALIGN=CENTER][TABLETEXT="width:70%;background-color:black;border:1px solid red;"][CELL="filter:;"][ALIGN=center]السلام عليكم ورحمة الله وبركاته
كلمات الشاعر .. محمد بن الذيب ..








على خط جسر بقيق مريت جسر بقيـق
وأنا غترتي من فوق راسـي ورابطهـا
دوي الرعد في أذني دوي طايرات الميق
أبـي ديـرةٍ مانـي بجاهـل خرايطهـا
على شان من يحلم بزولي قبل ما يفيـق
وإذا فاق ذاكرته علـى الحلـم سلطهـا
معاه العذارى لو تهايـط مسـا وشريـق
علي من غلاه إن قـد يوقّـف مهايطهـا
عليه الوصوف النـادرة راكبـة وتليـق
تحوطـه مـن زود الميانـة وحوطهـا
كساير ذهبه اللي لها في النحـر تبريـق
تغبطه على منحـره والنحـر غابطهـا
يا غصن الغـلا يالله بالخيـر والتوفيـق
تبا تغنـم الفرصـة معـاي أو تفرطهـا
جدايله ما تدري وش المشط يابن زريـق
تعرض على شهب الهبـوب وتمشطهـا
أبسمعـك بيتيـن مـا هـي بللتلفـيـق
وبيتين تصلـح لـك وبيتيـن سافطهـا
وبيتيـن يلحقهـا مـن المنتقـد تحقيـق
وبيتـيـن ماتعجـبـك ولا تعابطـهـا
ألذ الوصال مواصلك وأحلـى مـا ذيـق
عسل نحلتـه شفتـك والثغـر مسقطهـا
غرامك غصن جمره يفوح عليـه بريـق
ترفق على كبدي ترى البعـد شاحطهـا
تخبر الدموع اللي سرت من عيونك ضيق
لقاهـا هـدب عينـي حزينـة وقلطهـا
وقامت تجمع من على محجري وتويـق
وإذا حولـت مـا عـاد يمديـه يلقطهـا
لكن ماعليها خوف خلق الدمـوع تريـق
خدودي لدمـعٍ مـن سبايبـك باسطهـا
صغاير الأمور أشلها والكتـوف تطيـق
وعظايـم الأمـور تهزنـي وأتباسطهـا
وأنا ما علي من شلة الضحك والتعليـق
أعرف الخيول النـادرة مـن مرابطهـا
وأدوّر على الجزلة ولو إنها براس طويق
وضعاف النفوس الله من الأرض يسخطها
أبي شوفتك من دون موعـد ولاتنسيـق
لو إنك ما بين أقوى الرياجيل وأنشطهـا
عذاب الممات مـن التوجّـاد والتفريـق
ولذيذه ما بين أطراف كبـدك وواسطهـا
لو أحملك ذنبي خطـا يـا لذيـذ الريـق
( أنا قبل أعرفك رايحٍ في خرايطهـا )!!

:rose: وسلامتكـــــــــــــــــم
العنيده[/ALIGN][/CELL][/TABLETEXT][/ALIGN][/ALIGN][/CELL][/TABLETEXT][/ALIGN]

صح لسان كاتبهاوسلمت يمين ناقلها

وعسى بقيق واهلهادوووووم سالمين

سلامي لاهل الشرقيه والهوى شرقي

ياسلام قصيده في منتهى الروعه والعذوبه وسلاسه المعاني والمفردات

صح لسان الشاعر المبدع ابن الذيب على هذه القصيده الجزله

تسلم يمينك يالعنيده وشكرا لك على حسن الاختيار والنقل المميز

كل التقدير والاحترام ..


.

فتاة الســراب
تسلمين يالغاليه ع المرور الطيب
لاهنتِ

لاهنت اخوي ابو نادر ع المرور الطيب
يعطيك العآفيه

العنيده


أبدعتي وتميزتي بالاختيار والله يعافيك ويسلمك ، وصح لسان الشاعر المعروف / ابن الذيب تقبلي مروري وودي .

الله يعطيك العافيه على النقل
وصح لسان محمد الذيب
قصيده جزله من شااااعر جزل
مشكوووره حبيبتي
تقبلي تحيااااتي

اخوي
غنام العرافه
صوح بدنك ولاهنت ع المرور الطيب تسلم

اختي هموسه
صوح بدنك ويعافيك ربي
أشكر ع المرور الطيب يارائعه