........مْن لا وقََْف لي وَقْفة َرجْْال ماَبْيه..........

هذا الخطا اللي ماتوقعت يخطيه ..
شف كيف كشـّر طيب القلب نابه ....؟

أثر الحسد لاعشعش بصدر راعيه ..
يجعل من قلوب الحبايب ذيابه .....!

اللي تعلـّم من سكوتي تماديه ..
علـّمني استقبل خطاه برحابه .....!

والواجب انه لو جَحَد فزعتي فيه ..
مايجحد حقوق النسب والقرابه .....!

وانا اللي يوم ان المصايب تبكيه ..
كنت اقرب إله بضيقته من ثيابه .....!

اللي تعاف اوله ينعاف تاليه ..
وانا كفى صدري من الغيظ مابه .....!

من لا وقف لي وقفة رجال مابيه ..
يغني عن حضور المقفي غيابه ......!

من لافزع بالكايده مع بني خيه ..
وقت الرخا مايحسب حساب لابه .....!

علمت غيري كيف لا صد ما أجيه ..
وانا تعلـّمت الصبر والصلابه ........!

لأن الشجاع إن ما لقى من يواسيه ..
ان مانشدته ماعلمت بمصابه .....!

مادام بعدي عن رفيقي بيرضيه ..
نذر(ن) علي اني فلا أطق بابه ......!

عيب التفت في جاه مخلوق وادعيه ..
وللمبتلى ساعة دعا مستجابه .....!

الضعف ماطيقه ولا أطيق طاريه ..
والدمع لايرقى ولا ينرقابه ........!

والحلم يغنيني عن الكبر والتيه ..
والظلم محصيني كآبه كآبه .......!

ان ماجمعت وجيه ما أفرق وجيه ..
ومن لابنيته ماسعيت بخرابه .....!

وانا لو اني بالتفت .. بالتفت ليه ..؟
الرمح غـالي .. والفريسه ( ذبابه ) ....!

بدري عليه احسب له حساب وآجيه ..
وبدري عليه يشيلني من حسابه ......!

كأني عتقته .. أبعتقه رأفة ً فيه ..
وألا الطلابه ماخشيت الطلابه ......!

ماهوب على شانه ! عشان المشاريه ..
سامحت طيشه وإبتليت بعذابه ......!

إليا كسر في خاطرك شخص تغليه ..
حتى المعاتب تستحي من عتابه .....!

اللي سكن صدري من الغيض يكفيه ..
ملـّت تفاصيلي سكوت ورتابه .......!

اللي بيدخل في مزاجي بسوّيه ..
وباخاطب الفض الغليظ بخطابه ......!

مثل الغلا اللي بآخذه منه بعطيه ..
ويسمع جوابي مثل ما أسمع جوابه .....!

دام احترامي للقرابه مجرّيـه ..
ياشيخ .. يلعن امها من قرابه .........!

لو كل شخص بيحتقر فيّ اخاويه ..؟
ما أكون حزت من المراجل مهابه .......!

ياهيه مثلي مايقولون له : هيه ..
مدري متى تتعلمون الذرابه .........؟

اللي معلـّمك الكتابه على إيديه ..
لمحة بصر .. ويبعثرك من كتابه .........!

ومثلي إليا من قلت لك قول أبوفيه ..
والقرم لا من وكـّد العلم جابه .........!

سمّه تحدي .. سمّه اللي تسميه ..
بس الوكاد انه مهوب استجابه .....!

اللي مهوب قد المواجه يخلـّيه ..
ومن لا قدرت تهيّبه منك .. هابه .......!

الله يعز وجيه ويطمـّن وجيه ..
وحنا بشر .. لكن بشر وسط غابه ......!

ومن لا فزع بالكايده مع بني خيه ..
وقت الرخا مايحسب حساب لابه ....!


م/ن

غلااااااااوي

صح لسانك ودام نبضك

قصيدة رائعه وقويه في معانيها

ربي يعطيك العافية

الله يعافيك يا الغلا

منوره لاعدمتك

تحياتي

رآق لنا ماراق لك

أهنيييك على الذوق الرفيع

الف شكر لروعة أختيارك حبيبتي

لشاعري المفضل حامد زيد

بانتظار جديدك بشوق

(همسس)

العفوو يا الغلا

منوره بطلتك لاعدمتك

تحياتي

صح لسان القايل وسلمت يد الناااقل

ربي يعطيك العافيه خيتوووو .,’

تحياتي

هالله هالله ^-
أبيات رائعه لاهنتِ
ع النقل
ودي

اقتباس:

---

المشاركة الأصلية كتبت بواسطة منابع الطيب

صح لسان القايل وسلمت يد الناااقل

ربي يعطيك العافيه خيتوووو .,’

تحياتي

---

الله يسلم قلبك خيوو منابع

منور بطلتك لاعدمتك

تحياتي

اقتباس:

---

المشاركة الأصلية كتبت بواسطة العنيده

هالله هالله ^-
أبيات رائعه لاهنتِ
ع النقل
ودي

---

ولا هان غاليك ياقلبي

منوره لاعدمتك

تحياتي