اجمل ماقيل في الوالدين من اشعار ارجو التفاعل

الموضوع هو عبارهـ عن أجمل ماقاله الشعار
في الوالدين .
و أتمنى تفاعلكم مع هذا الموضوع
بأن يكتب كل شخص يدخل ويقرأ هذا الموضوع خاطرة أو
بيت شعر أو كلمة لوالدينه

أجمل مااقيل عن الوالدين في الشعر.............
[ الشاعر / محمد السليس ]
ابوي مات ولا بقى غير العجـوز
أنا على طـول العمـر خدامهـا
هي رمزي اليا طاحت بعيني رموز
يالله عسى موتي يجـي قدامهـا
واروح من دنياي للجنـة وافـوز
اللي خلقهـا الله تحـت اقدامهـا

[ الشاعر / فيصل العتيبي ]
اخطب الجنّة ومهر العقد بـرّ الوالديـن
ربنا وصّى النفوس اللـي تخاف..تبرّهـا
ماقرن رب العباد بطاعته في الدين ديـن
غير طاعـة والدينك..لاتحـاول ضرهـا
برّهُم من صغر سنك لين شيب العارضين
برّهُم بين الحلاوة فـي الحيـاة ومرّهـا
دام قال الشرع تحت اقدام بـر الوالديـن
جنـة الخلد..انتبـه ولا تقصّـر برّهـا
[ الشاعر / علي عبد الرحمن الأسمري ]
للوالدين اجمل عبيـر القصايـد
من شخص جرب فقد ابوه وغيابه
احقوقهـم ماظـن فيهـا مزايـد
احرص عليها واوفو حق القرابه
جنة عدن ياللـي تبـي للفوايـد
في برهم والموت ياخـذ نصابـه

[ الشاعر / سعيد العمودي ]
أبوي وأمي.. بس في أربع أبيات؟!
لاياجواهر صعب مااقـدر أوفّـي
هيهات لو حاولت هيهات هيهـات
أشعار هذا الكون مااظـن تكفّـي

[ الشاعر / فايز ماجد ]
و الله لـولا خوفـي اشـرك مــع الله
لسجـد انـا لـك يـا عزيـز المقامـي
اجلس هنا في داخـل الصـدر و حمـاه
و ارتك علـى قلـبً حمتـه العظامـي
ان كان به شخصً هدى لشخص و اعطاه
يبغـى يعبـر مـا قصـر بالكـلامـي
انـا تـرا بهديـك عمـري و لا ابغـاه
بعدك عسـى عمـري مجـرد حطامـي

[ الشاعر / زايد الروقي ]
أمي وأبوي إلهم بقلبـي مكااانـه
مكانت(ن) ماحازها شخص بااااقي


[ الشاعر / خالد عبد الكريم ]
ياللي نسيت مع الزمان اللي ربوك
الحق قبل سـود الليـال تلفهـم
ياكبرها نعمه تشوف امك وابـوك
وياكبرها نعمه تعيـش بضفهـم
ياما تحرّوا جيّتـك كـم ارقبـوك
ياما تمنـوا لـك تحقـق شفهـم

[ الشاعر / نياف العتيبي ]
الوالدين الهم مواثيق وحقوق
وحنا علينا انّانقوم بوفاهـم
وقارهم من ربنا حق موثوق
يالله عسنا كاسبينن رضاهم

[ الشاعر / هاني محمد ]
والله مانلحق جـزاء الوالديـن
لو كان نشعر من طرفهم بالرضا
قاموا علينا زي منتـم شايفيـن
ويضيق فيهم لو تضايقنا الفضـا
في برهم واكرامهم يالله تعيـن
ونبرهم فالمقبل وفاللـي مضـا
ويالله يالله يامجيـب السائليـن
طالبك على وجيههم حرم لضـا

[ الشاعر / سعد الغنامي ]
حقوق الوالدين ومرتضاهـم
طريق الخير فيه وبه عبـاده
بقلبي ما حدِِ ياصـل غلاهـم
أعيش بقربهم كـل السعـاده
هدف عندي أحقق مبتغاهـم
وبعد تحقيقه أبحـث للزيـاده
أصير لهم عصاهم ما عصاهم
فرض ماني بـأدور للإشـاده

[ الشاعر / مهدي بن مسفر بن عليان ]
ابوي وامي حبهم ماله اقياس
لو اكتب الاشعار ليل ونهاري

وسلامتكم

بانتظار مشاركاتكم!؟!؟

روعـــــــــــــــــــــــــــه
ولو قلنا ماأوفيناهم جزآآآآآآآآآءهم وجميلهم ......

يالله يامعطي الوالدين حقــوق
ترزقني برهم قبل المماتـي

ربــي يحفظهم لي ويرزقني برهم

يسلمـــــــو حبوبتي

مشكوره غاليتي ع المرور الطيب
دمتي على احسن حال

الله يقدرناااا على طاعتهم ورضاااهم .... عندهم يقف الكلام ( امك .. وابوك)

عندي ملاحظه على البيت الاول بالقصيده الاولى كلمت (العجوز) من وجهة نظري لا يجوز لفظها للام مهما بلغت من السن مو محدود الشاعر على هذي العباره....
مشكووووره على الاختيار الرائع للموضوع لما فيه من اهميه نظرا لكثره الغافلين عن والدينهم وحقوقهم.
( بارك الله فيك اختي العنيده)

اشكرك اخي ع المرور وع الملاحظه
دمت كما تحب