هذا الرصيد وراس مال التجاره** ماهو رصيدن في بنوك الهوامير

هات القلم واكتب خلاصـة عباره= من صدرمشحون الهجوس المغاوير
نقطة هجوم احساس وتشن غـاره=ومركز دفـاع المفردات الاباكير
اسوقهن سـوق النضى بالنظاره=لا ناحرن والا تقافـن مدابـير
لراع القعود اللي قصيرن اهجاره=لامفرجن كربـه ولا كاسبن خير
حتى ايش لوعدل بعوجـة جـداره=ارشاه مايلحق علـى قاعـة البير
اسباب ماهيض ضميري واثـاره=وقتن تساوت فيـه روس المعايير
صمل على رايه وصـدرقـراره=معاد فيهـا يبلج الوجه تاخيـر
لو ذقت مـن لـذة حلاته مـراره= يسقيك من سـم الافاعي مقادير
اخير مضمـون الكـلام اختصاره=بطش الشجاع ولا حيـات المعيثير
قافي على شفي موجـه مسـاره=ومفسـر مـادار بالفكـر تفسيـر
دار الزمان ودارنـي مـع مـداره=وتذكر الماضي غرابيـل ومثيـر
ذكـرت شبـت نارنـا بالـزبـاره=شمالي الجودي جنوبن من الضيـر
منـول مداهيـل المهـا والحبـاره=واليوم عنها من الفضا ينزح الطير
فركونهـا الشاوي مقيـد حماره=وبيض النعيم تقشرالارض تقشيـر
تقـول فيرانـن تحـرث الجحـاره=افميهـا بالقشـع مثـل المناشيـر
افنت يباس العـود قبـل خضـاره=معـاد لصقـار فيـهـا معابـيـر
ما من سنـع وابطلـب الاستخـاره=بامره يدبرنـا علـى خيـرتدبيـر
امـا يميـن الارض والا يـسـاره=مع درب مرماع الوسـوم المباكيـر
سيل ادعوبه ليـن ملـت ابحـاره=السدر وسطه مثل روس العصافيـر
وبعد اسبوع القاع بـش بخضـاره=قفرن خلا ومن الدبش مابعـد ذيـر
متماسكـن ريحـة نـداه وعفـاره=ومخالطه ريـح الكـداد المباشيـر
نبغى لنـا يمـه اسبوعـن زيـاره=حيـث ان لربـدا عليهـا معابيـر
لحضرالصقارمن راس قاره= واخذ على اللي يسبرالارض تسبير
خطاة فنون راس عيبه نـزاره=هزعن متونه مثل روس البواكيـر
لا زاولت له هزراسـه واداره= وسمرعلى روس الظهورالمناحير
اما ارتفع والا عطى الحزم زاره=ياخذ على كبد الخضيرى مغامير
لاهو وني ولا سريعـن طياره=لا شافهـن متطـاولات المشاقير
حول عليهـن مرتفـع بنحـداره=وعيونهـن للجـو يمـه مطايـيـر
استفـرد الحفـان بكـفـه واداره=كفن يخلي الـدم الاحمـر شخاتير
هذي حلات الطير وقـت انتصاره=اصورالواقع على الغيـب تصوير
اخيرمافي الطيـر نظـرة شنـاره=لا صار وافـي بثـلاث المشاهيـر
خطواشعلن يدلج شعالـه شقـاره= يفرق بوجهه عن وجيه المغاتير
عليه من منصـورعيـن النـداره=منصورعبدالله زبـون المخاسير
شبل تسلسل مـن عريـن النماره=ما يلحقه من كل الاطراف تقصير
هذا الرصيد وراس مـال التجـاره=ما هورصيدن في بنوك الهوامير

( الرجــــــــــــم )

..

[poem=font="simplified arabic,5,black,bold,normal" bkcolor="transparent" bkimage="backgrounds/25.gif" border="solid,3,red" type=0 line=0 align=center use=ex num="0,black""]
هات القلم واكتب خلاصـة عباره= من صدرمشحون الهجوس المغاوير
نقطة هجوم احساس وتشن غـاره=ومركز دفـاع المفردات الاباكير
اسوقهن سـوق النضى بالنظاره=لا ناحرن والا تقافـن مدابـير
لراع القعود اللي قصيرن اهجاره=لامفرجن كربـه ولا كاسبن خير
حتى ايش لوعدل بعوجـة جـداره=ارشاه مايلحق علـى قاعـة البير
اسباب ماهيض ضميري واثـاره=وقتن تساوت فيـه روس المعايير
صمل على رايه وصـدرقـراره=معاد فيهـا يبلج الوجه تاخيـر
لو ذقت مـن لـذة حلاته مـراره= يسقيك من سـم الافاعي مقادير
اخير مضمـون الكـلام اختصاره=بطش الشجاع ولا حيـات المعيثير
قافي على شفي موجـه مسـاره=ومفسـر مـادار بالفكـر تفسيـر
دار الزمان ودارنـي مـع مـداره=وتذكر الماضي غرابيـل ومثيـر
ذكـرت شبـت نارنـا بالـزبـاره=شمالي الجودي جنوبن من الضيـر
منـول مداهيـل المهـا والحبـاره=واليوم عنها من الفضا ينزح الطير
فركونهـا الشاوي مقيـد حماره=وبيض النعيم تقشرالارض تقشيـر
تقـول فيرانـن تحـرث الجحـاره=افميهـا بالقشـع مثـل المناشيـر
افنت يباس العـود قبـل خضـاره=معـاد لصقـار فيـهـا معابـيـر
ما من سنـع وابطلـب الاستخـاره=بامره يدبرنـا علـى خيـرتدبيـر
امـا يميـن الارض والا يـسـاره=مع درب مرماع الوسـوم المباكيـر
سيل ادعوبه ليـن ملـت ابحـاره=السدر وسطه مثل روس العصافيـر
وبعد اسبوع القاع بـش بخضـاره=قفرن خلا ومن الدبش مابعـد ذيـر
متماسكـن ريحـة نـداه وعفـاره=ومخالطه ريـح الكـداد المباشيـر
نبغى لنـا يمـه اسبوعـن زيـاره=حيـث ان لربـدا عليهـا معابيـر
لحضرالصقارمن راس قاره= واخذ على اللي يسبرالارض تسبير
خطاة فنون راس عيبه نـزاره=هزعن متونه مثل روس البواكيـر
لا زاولت له هزراسـه واداره= وسمرعلى روس الظهورالمناحير
اما ارتفع والا عطى الحزم زاره=ياخذ على كبد الخضيرى مغامير
لاهو وني ولا سريعـن طياره=لا شافهـن متطـاولات المشاقير
حول عليهـن مرتفـع بنحـداره=وعيونهـن للجـو يمـه مطايـيـر
استفـرد الحفـان بكـفـه واداره=كفن يخلي الـدم الاحمـر شخاتير
هذي حلات الطير وقـت انتصاره=اصورالواقع على الغيـب تصوير
اخيرمافي الطيـر نظـرة شنـاره=لا صار وافـي بثـلاث المشاهيـر
خطواشعلن يدلج شعالـه شقـاره= يفرق بوجهه عن وجيه المغاتير
عليه من منصـورعيـن النـداره=منصورعبدالله زبـون المخاسير
شبل تسلسل مـن عريـن النماره=ما يلحقه من كل الاطراف تقصير
هذا الرصيد وراس مـال التجـاره=ما هورصيدن في بنوك الهوامير [/poem]

( الرجــــــــــــم )

___________

اخوي / الرجم


صح لسانك على هالقصيدة الجزلة بكل معانيها لاهنت

والمعذرة القصيدة في متصفك لاتقبل التنسيق

وان شاالله يتم اصلاحه قريبا ..




تحياتي

أشكــــرك ع الابيات الرائعه
دمت برعايه الله

صح لسانك يا الرجم

تحياتي

صحــــــــــت ابداااانكم ـــــــــــ مشكـــــــــــورين على مروووركم