ارفع مقام النفس عن كل الانذال و اشوف لي ناس على مستوايه

ما كـــــل ما يسمع من الناس ينقــال
أكثر كلام الناس مثــــــل الدعــايـــه

اسمع ودع تسلم من القيل والقــــال
لو قلت( كلــمة) طوروها (حكايـــه)

السر خله من وراء سبعة أقفـــــــال
وراقب مفاتيح الضميــــــر بعنايـــه

لا تحسن الظن في كــــــــل الأحـوال
خلك حريص ولا تســــــــوي كمايـه

ما كنت أفرق بين( طيب) و( بطـال)
حتى جمعت من (التجارب) كفايــــه

ورتني الأيام في الناس عقـــــــــال
ما تنخدع بين( الفتن) و(الوشايـه)

ورتني الأيام في الناس (جهـــــال)
دار الزمان ولا لهم به درايـــــــــه

ولقيت في الدنيا تجاريب وأمثــــال
ميزت فيها (صاحبي) من (عدايه)

لقيت بعض الناس صاحب ومحتال
يضحك معي ويسبني في قفايــــــه

ولقيت بعض الناس (للهرج نقال)
تلقاه نقل الهرج عنده(هوايــــــه)

هذا دواة البعد لو عشت رحـــــــال
حيث الردي (فرقـــاه) غاية منايــــه

دار بها يمسي الفتى خالي البــــال
ودي بها لو كان ما ألقى عشايـــه

وإن كان مال الوقت والوقت ميـال
أصبر على جرحي وأدور دوايـــه

(وأشيل همي) في ضميري ولو طال
رجاي في اللي ما يخيب رجايـــــه

(رب) كريم يبدل الحال بالحــــــال
ويطيب جرحي من خلاي بخلايـه

وليا زبنت أزبن على (طيب الفـــال)
اللي يهلي يوم يسمع ندايـــــــــــه

وارفع مقام النفس عن كل( الأنــذال)
وأشوف لي ( نـــــــاسٍ )على مستوايــــــه

وارفع مقام النفس عن كل( الأنــذال)
وأشوف لي ( نـــــاسٍ )على مستوايــه

ياسلام صراحة قصيدة في منتهى الروعة والجزالة والحكمة

صح لسان شاعرها وسلمت يمين ناقلها ..




..

وإن كان مال الوقت والوقت ميـال
أصبر على جرحي وأدور دوايـــه

(وأشيل همي) في ضميري ولو طال
رجاي في اللي ما يخيب رجايـــــه

تسلمين غاليتي ع الابيات الرائعه
صح الله ذووقك

أهـــــــــــلآ فيكـ
أخــــــــــوي بـــــــــو نـــــــادر
يسلمكـ يــــــــــــاربـــ ..........
أشكرلكـ حضــــــــوركـ هنـــــــــا
سلمتــ

صح لسان شاعرها وسلمت يمين ناقلها ..

(وأشيل همي) في ضميري ولو طال
رجاي في اللي ما يخيب رجايـــــه

(رب) كريم يبدل الحال بالحــــــال
ويطيب جرحي من خلاي بخلايـه

مشكورره يالغلا قصيده روعه
الله يسعدك وماننحرم من جديدك

قصيده رائعه الله يعطيكي العافيه

هـــــــــــلآ وغــــــــلآ
حبوباتي .............
عنـــــــــودهـ ووووو غــــــــــلاوي ووووو همـــــــوسه .......
يسلمكن ربي ياغاليآتـــ
نــورتن متصفحي بحضوركن الرآآآآآآآئع