مادام مطير ياخبل تجيب العلم زود خبال 00000 تربع عرشها فوق الشموخ وطال مسراها

زمـــا مـــزن ٍ من القبلـه وحــّـده من خـــلاه خيـال
00000 يتـلـه طــاري بـيــوت ٍ عـلــى الصـمـان ملفاهـــا

على ديــرة هلــي ربعــي ذراي إلى شكيت الحــال
00000 أهل الشدات والفــزعـات ساس الطيب مجناهــا

بني عـمـي إذا قــالـوا بنــي عــمك أقــول أهــوال
00000 حشا مايلحق الباغي على الطارف من أدنــاهــا

مادام إن الشيوخ اللي على روس العرب هم آل
00000 يخيب الهاقـي اللي مانشــد عنهــا وش أقصـاهــا

جبـــال ٍ من جبـــال خلقت عقـب الجبـــال جبـــال
00000 كـــذا يبقــى مـع الـــوقـــت سلايلهـــا ومجراهــــا

طحاطيح ٍ على المركا زحــول ٍ ساعــة الأفعــال
00000 شيــوخ ٍ لازمـــا وجـــه الكــــلام وزان مركــاهــــا

وسقـــاك الله يــادار مـن شـــرق محقبه تختـــال
00000 فــعــــول ٍ خــلّـد التـــاريــــخ بالله كيــف ينســاهــــا

من أم قـــريـــن للخّمــه إلــى درب لقطــه مــــال
00000 نــحــر وجــهــه شــمــال وقال هذي من بقايـــاهـــا

ديار ٍ لو تبــي تنطـــق تقـــول أسكنتهـــم أبطــــال
00000 عليها وش كثــر خــلّــد قصيـــد المـــدح ذكـــراهـــا

مــادام مطـيـــر ياخبـــل تجيب العلـــم زود خبـــال
00000 تربع عرشهــا فــوق الشمــوخ وطـــال مســراهــــا

فلا تبكـي من الدنيــا ولا تشكـــي علـــي أحـــوال
00000 فعــايــلنـــا مــن الأول علـــى الثانـــي جــردنـــاهــــا

لنا في ماكـــر الأمجـــاد مجد ٍ صار عــز وظــلال
00000 ولنــا يمكـــن يـجـــي ألفيـــن ٍ نـــادر مــاجحدنـــاهـــا

نحط الراس فــوق الــروس ياربــي لك الإجـــلال
00000 أنا من قـــوم ٍ يشـــرب لهــيــب القــيــظ من مـــاهــــا

تبي تسمع بعد إسمع قصص وإضرب بها الأمثال
00000 أهـــل عشــر ٍ غـــدو جيش ٍ علـــى ركـــب ٍ تعـــداهـــا

تبي تسمـع بعد إسمــع وعلّـق صــورة الأجيـــال
00000 تــذكّـر طــايـــره طــاحـــت بيمنـــى مطيــــر مثـــواهــا

تبي تسمع بعـد إسمــع وصوره هـــزة الــزلــزال
00000 تـــزلـــزل تحت قطعـــان الجيــــوب اللـــي لحقنـــاهـــا

وأنا صعيري وأعرف إن الدلال الصفر ذيك دلال
00000 ولكـــن جـــدد الفــنــجـــال وأقــــدع لا تـــحــــراهــــــا

لاصاروا عز والعز على روس الرجــال رجــال
00000 أجـــل لا تـقـعــد تردد عـــلـــوم ٍ مـــاأنـــت ويـــّــاهــــا

القصيده للشاعر الشاب : سلطان الأسيمر

لله درك يالاسيمر شاعر عملاق متمكن من صياغة المفرات وتطويع القوافي

تستاهل ياسلطن الفنجال والقدوع وهبة الريح

وصح لسانك على هذه القصيدة الشامحة كشموخ قبيلتك العريقة مطير

ولاتهون بقية القبائل الاخرى ..

حرة بغلاي الف شكرلك وتسلم يمينك على النقل المميز

دمتي كما تحبين ..



.

اقتباس:

---

المشاركة الأصلية كتبت بواسطة ابونادر

لله درك يالاسيمر شاعر عملاق متمكن من صياغة المفرات وتطويع القوافي

تستاهل ياسلطن الفنجال والقدوع وهبة الريح

وصح لسانك على هذه القصيدة الشامحة كشموخ قبيلتك العريقة مطير

ولاتهون بقية القبائل الاخرى ..

حرة بغلاي الف شكرلك وتسلم يمينك على النقل المميز

دمتي كما تحبين ..



.

---

يسلمك ربي يا ابو نادر

لاهنت ع المرور طال عمرك


تحياتي

صح لسانه مليون مع مليون

وشكرآً لك مليون بعد :)

تحياتي

اقتباس:

---

المشاركة الأصلية كتبت بواسطة منابع الطيب

صح لسانه مليون مع مليون

وشكرآً لك مليون بعد :)

تحياتي

---

تسلم منابع الطيب

شرفتني بمرورك لاهنت

تحياتي

صــــــــــــــــــــــــح السان الشاعر سلطان الاسيمر