فمااااان الله

فمان الله يا أول من سكن بين الضلـوع العـوج
عسى دربك سفير و يا عسـى الله مـا يخلينـي

توكل لا توادع رح عسى درب الجفـا المسهـوج
يصادف درب فرقى عقبهـا مـا تلمحـك عينـي

سمحت من الهوى ومن القصيد ومن زراق الموج
ورميت أغلى مجاديف الغـرام وجيـت بيدينـي

أبغرق في عذابك لا رحلـت و يصبـح المنتـوج
قصيد في حياتـي سلوتـي و أن مـت يرثينـي

واذا هبن بنات الريح للذكـرى بـدون سـروج
أبسرج مهرة النسيان و أرحـل مـن عناوينـي

وبنسى لين أسج و برسل الونـات فـوج فـوج
وبنسى دمع عيني ينتثر و أنسـاك مـن حينـي

صبور ؟ أي و الله اني ما ثنيت العزم قبـل أدوج
بريضان الجفا و أظمـا لوصلـك ليـن تسقينـي

شجاع ؟ اي و الله اني ما عرفت الذل قبل أسوج
قدم رجلـي علـى درب لبيـت أهلـك يودينـي

كريم ؟ اي والله اني ما عرفت الشح قبل تـروج
دموعي في عيوني ثـم أشـح بحسرتـي فينـي

أحبك ؟ حسبي الله ليت مالك في سمـاي بـروج
و لا لك بالبسيطـه كـود شـي بينـك وبينـي

دخيلك لا تلتفت رح بفالـك و أتـرك المرجـوج
تغانم ما بقـى لـك و لا أنـا مـا عـاد يمدينـي

فمان الله سق ركبك على درب السنيـن العـوج
و لكن طالبـك لا أقفيـت عنـي .. لا تخلينـي

قصيدة في قمة الروعة والجزاله ومعبره بكل معانيها

الف صح لسان شاعرها الذي لم يذكر اسمه

والف شكر لعيون الريم على الاختيار والنقل ..



تقديري



.

صح الله لسان شاعرها
الابيات الجميل
وتسلم يمنآك على طرحها
http://vb.arabseyes.com/uploaded/296364_1221312172.gif

الله الله عليك
كلمات في قمة الابداع
صح لسانك ولسان شاعرها
ومشكووره ياغاليه والله يعطيك العافيه
وبنتظار جديدك

يسلمووووووووووو احبتي جميعاااا علي المررررررررررورر والاروع تواجدكم