اجمل القصائد العاطفيه للشاعر النجم سلطان الركيبي

http://www12.0zz0.com/2010/05/01/22/420603528.jpg
الشاعر سلطان الركيبي


لاعاش ابو ذا الحب لاعاش لاكان
اللي طعني تحت حدب المحاني

حتى غديت لنايد الناس عنوان
سيرة الم مابين قاصي وداني

وحتى شمت في عثرتي واطي الشان
وزود طعوني مع بلاوي زماني

ماقال سالم وان عثر كبوة حصان
همه الى قالوا زماني وطاني

وهمي مطارق والزمن صار سندان
مابينها صامد واعاني مكاني

مجروح جرحين ٍ توارت بالاحزان
جرح ٍ يصيح وجرح صمته معاني

وانزف مواويل الغلا وارسم الحان
واكتب على ليل المواجع مغاني

واشيل فوق اكتوفي دهور وازمان
واحس حتى الدرب دربي جفاني

أحيان احس اني بلا روح واحيان
احس روحي في جسد شخص ثاني

انشهد انه موت لاهمت فـ انسان
لاصار لا يرحم ولاهو يعاني



ودام الغلا خضب خفوقي بالاحزان
ابنتقم من كل جرح(ن) خذاني



انا ومن بعدي يجي الف طوفان
دام الجسد في تربة الارض فاني



ما عاش من يكسر شموخي ولا كــان
حتـى ولو هو تحت حـــدب الـمحانــي

شعر/ سلطان الركيبي

انا ومن بعدي يجي الف طوفان
دام الجسد في تربة الارض فاني

ما عاش من يكسر شموخي ولا كـان
حتـى ولو هو تحت حـدب الـمحاني


لله درك الركيبي على هالقصيدة الجزلة بالمعاني العذبه

صح لسان الشاعر/ سلطان الركيبي

وتسلم يمينك ياخوي نايف على النقل المميز لاهنت


تقبل ودي واحترامي


..

صح الله لسان شاعرهااا ع الابيات الرائعه.
وتسلم يمناك ع الطرح.
http://vb.arabseyes.com/uploaded/296364_1221312172.gif

قصيدة رائعة من شاعر رائع

معبرة عن ذاته وصح لسان الشاعر الكبير

والله يعطيك العافية على النقل المميز

ابو نادر تسلم على الكلمات الطيبه ومشكور يالغالي

العنيده شكرا لطيب عبارتك

اقتباس:

---

المشاركة الأصلية كتبت بواسطة همس الغرام

قصيدة رائعة من شاعر رائع

معبرة عن ذاته وصح لسان الشاعر الكبير

والله يعطيك العافية على النقل المميز

---

الله يعافيك وهلا وسهلا