جديد الشاعر/يوسف الشيب الميموني

بسم الله الرحمن الرحيــم...

وبـه نستعـيـن...

هـذه قصـائد للشـاعـر/يوسف الشيب جديده وحصريـه

على منتديات الحمادين أتمنى أن تنـول أعجـابـكم وتحوز على رضاكـم


(لاتقول أنزح وراك)

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يافريد الوصف ياسبة أطعوني كفاك = لاتزيد أطعوني الله يرحم والديك
العواذل لاتخيب مساعيك و رجاك = كل ماقالت و عادت تأكد ماتعنيك
أنت محد ٍ في كلامه يوصّل مستواك = لن قدرك مرتفع وأرتفاعه محتويك
و دام تدري كل مملك به الدنيا فداك = ليه ودك في عذابي وأنا اللي مشتريك
ماعرفت الا أعشقك و تلذذ في جفاك = وأبتدي بك و أنتهي و أنتهي بك و أبتديك
غايتي قربك بعد لاتقول أنزح وراك = ماني بنازح وراء لعنبو جدك أبيك
أقرب أقرب بسكنك و تربع في حشاك = و كان ماودك تجي ابك أنا كلي أجيك
لاتحسب حساب أحد و أنت ماعندي سواك = يعني أفهم يابشر ماعلي و ماعليك[/poem]

الشاعر/يوسف الشيب

** ** ** ** **

(عجاجة القيض)

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياساعي ٍ في طريق الظلم و النمه = عجاجة القيض قبل قوم طاربها
مافرقو لمه ولا جمعو لمه = بالعكس كل ٍ من الصوبين حاربها
معناي واضح بوجه خصوص و عمه = للي تميل الحموله في غواربها
ماجيت أعلمك علم وقلت لك سمه = لاصرت تدري ببانيها و خاربها
و أغلب أمور الحياه إلزام و مهمه = مريت فيها وفادتني تجاربها
و مهما قسى وقتها ببداه و تمه = وأن قالها الله تبا تصفي مشاربها
مطنوخ و أشوش لشدات و الهمه = طناخة ٍ كايده و الراس ثاربها
إنهض لاجاني رفيقي ناشف ٍ دمه = بسباب ساعة لقاء دقت عقاربها
أورد احبال عزه صافي الجمه = وكرب محازم تباها بسم كاربها
العمر أبيعه عشانه و أتجه يمه = لو وجهتي موت أبقربها و أقاربها
رجلي ماسارت دروب ٍ تجلب مطمه = مادام ولد الردي و اللاش ساربها
و أصل الزمن فيه ناس ٍ مالها ذمه = لابيّن الحق كن الكون داربها
و أنا بلا شك مسمع هرجة الخمه = أرفع مقامي عن الخمه و جاربها
شرذمة ٍ تجتمع برياسة الرمه = و أعمالها في قفا عطب ٍ مضاربها
مافيهم أحد ٍ معرب خاله و عمه = و مدري على ويش تفتل في شورابها
خلاصة الهرج من يرقى على القمه = مشارق الشمس لايجهل مغاربها[/poem]

الشاعر/يوسف الشيب

** ** ** ** **

(حكايتك وحكايتي)

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

لاقفيت عنك لاتلحقني ملام = الوقت بيعلمك ليه قفايتي
معاد فيها لاحلال ولا حرام = و بدايتي وياك مثل نهايتي
أصد عنها و البلا غاية مرام = مطروحة ٍ بكتابتي و قرايتي
و مشاعر ٍ ماتت بدون اي أهتمام = ياليتني خليتها برعايتي
ناظر عيوني ماتهنا بالمنام = سهران والي و الهموم ولايتي
تقول كيف الحال أقول أبد ٍ تمام = و أنا لكف الحزن أسلم رايتي
الله يغفر لي ذنوبي و الأثام = و أنه ينور لي طريق هدايتي
تبي تعرف الحين زبدة هالكلام = هذي تراها حكايتك و حكايتي
لكن أبى وصيك في مسك الختام = و أنته لزوم أنك تحفظ وصايتي
أحرق على بعدي مراسيل الغرام = و أنسى لليال ٍ كنت فيها غايتي[/poem]

الشاعر/يوسف الشيب


يسعدني مروركم و ردودكم

قصايد اكثر من راائعه

صح لسانك ولسان شاعرها

يوسف الشيب

اسم جميل .. تاريخه واعماله جيدة رغم صغر سنة

شاعر قادم بقوه للساحه الشعبية

شاعر جزاله شاعر كلمه

اتمنى له التوفيق في مسيرته الشعريه

مشكور أخوي على الطرح الرائع

صح لسانه والله

وسلمت يمناك يالذيب

تحياتي

صح لسان الاخ الشاعر يوسف الشيب الميموني

على القصيدة الجزل وقصايده كلها رائعة

لاهنت اخي مطير وصح لسانك


تحياتي
..

صح آلسآنك يآيوسف
وعتلآ شآنك
قصائد جزلة بيض آلله وجهك..
تقبل مروري البسيط ...

قصاائد رائعه صح الله لسان
شاعرهااااااااا
وتسلم يمناك على طرحها
لاهنت

همس الغرام لاهنت وصح بدنك واشكرك على المرور

منابع الطيب صح بدنك ولاهنت على المرور

صح بدنك ياابو نادر ولاهنت على المرور

سلطان المضحي
صح بدنك
اشكرك على المرور

العنيده صح بدنك وأشكرك على المرور