أأحبك لآخر عمري هي مسك الختام

لا صار بيتك على درب المجي والرحيل
وأطياف شوقك تباشرني بحلو السلام


عينك تناظر عيوني من بعيد وتميل
تخاف من هرجة العذال وأهل الملام


في وسط عينك لقيت الحب ماله بديل
والصد والبعد والغيبه عليها حرام


أرجوك لا تلوم قلبي دام حظي بخيل
داري بعيده وتحكمني ظروف الدوام


جيتك وأنا من كثر ما غبت جيتك هبيل
والحال في غيبتك صارت حطام وعدام


جيتك وكلي وله ودموع عيني تسيل
أبغا يدينك تحّضني بوسط الظلام


جيتك وكلي غرام وحب ماله مثيل
ساري وأحث الخطاوي يم دارك همام


جيتك ويفدون عينك ساكنين الجبيل
وأهل الحسا كلهم وأهل الخبر والدمام


جيتك وأنا أعشق عشانك قولة المستحيل
شجاع قلب وعقيده وفي يميني حسام


جيتك وأنا يوم جيتك جيت ماني ذليل
يسوقني للوصل شوقي وكثر الغرام


حبيبتي شوفي القلب الشقاوي عليل
يشكيلك أرجوك مليت الصبر والصيام


حبيبتي أسعفي قلبن بحبك قتيل
دواه وصلك وشوف عيونك أم السهام


سبحانه اللي عطاك وصورك يا جميل
مثل البدر لا اكتمل وأصبح تمام التمام


فيك الحلا والدلع والغنج شي(ن) قليل
وكثيرك أعجز أحصره في مجرد كلام


فيك الوفا والموده والسهر كل ليل
وفيك الحنان وعظيم العشق وزود اهتمام


فيك البهاء والحسن خليل يعشق خليل
وكل الوصوف العجيبه في سموك زحام


وإن كان تبغا دليل أعطيك مية دليل
أأحبك لآخر عمري هي مسك الختام..

صح لسانك ولسان شاعرها

الله يعطيك العافيه على هالقصيده الجزله والرائعه

قصيدة استمتعت كثيراً بقرأتها لأكثر من مرة

دمت بخير

ابيات قمة بالروعه
تسلم يمناك على طرحها
الله يعطيك العافيه
دمت بأحسن حال

مشكورين على مروركم العطر
والله يعطيكم العافيه يارب
فلكم كل خاص الحب والتقدير

جندي خفاره

لاهنت على القصي\ه الجزله اختيار رائع اخي الكريم


تقبل مروري



اخيك



سيف

هلا وغلا اخي الغالي سيف
ومشكور على مرورك العطر