الشاعر الكبير

أخترت لكم هذا الأســــــبوع أحد رموز الشـــــــعر النبطى --

الشاعر الكبير محمد خلف الخس «البستان» احد اعمدة الشعر بل عمالقة الشعر الخس شاعر كبير له جمهور شعري واسع متابع له ومحب لسماع شعره اعطى الكثير للشعر اجاد واصاب وحقق النجاحات الواسعة وكون جماهير عشقته وتابعته... النجاح دائماً حليف للشاعر الكبير لما يتمتع به من روح شعرية انجذب لها الناس... عندما يتحدث تنصت له باهتمام وعندما يقول الشعر تعيش معه.. وحديث ان الخس يقول الشيء الذي لا يقوله غيره... من اشعار جزلة... وكبيرة...
قدم الكثير الكثير... وكانت له شهرته الواسعة والجماهير الكبيرة المعجبون والمتابعون دائماً يتساءلون ويبحثون عن أشعاره... عندما ننشر لشاعرنا الكبير قصيدة في الوان فاننا نجد التجاوب الكبير... والاتصالات التي تثنى وتشكر... شاعرنا الخس له مع الشعر مواقف وبطولات.
ومحاورات ما بين الشعراء... وكان دائماً التميز مصاحباً له والنجاح حليفاً له... الخس حقق النجاحات الشعرية واعطى الشعر الكثير... وفي مقابلة له مع الوجد مع الاستاذ الشاعر المبدع فايز الدمخ.. رد على سؤال عن الشعر الذي يندفع مع محمد الخس: فأجاب قائلا: «القصيدة اللي من شوق.. وقصيد الشاعر الممتاز مثل دبيان بن عساف وصحن بن قويعان، وعبدالله بن عون، وغيرهم من الشعراء الكبار.. وصحيح ان الشعر للعالم كلها، ولكن بعض الشعر مثل «ضيفة العرس» تلقى فيها «نضجان» وفيها «ني» وفيها «محروق» .. وبعض الشعر مثل «المرقوق اللي محطوط عليه دهن ينملص مع الحلق»..
ويقول الشاعر الكبير محمد الخس عن لقب البستان .. «بان اللقب منحني اياه الملك عبدالعزيزبن عبدالرحمن آل سعود رحمه الله واسكنه الجنة».
ومناسبته قلت فيه قصيدة يوم اعلن الحرب على ألمانيا.. راح في لنش وقابل روزفلد رئيس امريكا في ذاك الوقت وقلت فيه قصيدة .. ويوم قلتها قال انت ما انت بالخس.. انت البستان «بستان الشعر» والى ان مات رحمه الله ما كان احد يناديني عنده إلا البستان..






[poem=font="simplified arabic,4,black,normal,normal" bkcolor="transparent" bkimage="backgrounds/4.gif" border="solid,4,black" type=1 line=0 align=center use=ex num="0,black""]
عبد العزيز اللي يهد الاصاعيب=
=سماني البستان وانا الشرف لي[/poem]



[poem=font="simplified arabic,4,white,normal,normal" bkcolor="transparent" bkimage="backgrounds/38.gif" border="double,5,black" type=1 line=0 align=center use=ex num="0,black""]
انا لي ثمان سنين اجامل وانا مجروح =ا كن الموده داخل الصـدر واكتمهـا
يجيني بلا صندوق قلبي يزوحه زوح= خطيرٍ معاليقي من القلـب يصرمهـا
سبايب موده جادل ما بهـا مصلـوح =تبهذلت منها مـا بـه احـد يعلمهـا
خذتني وجرتني بضحكة غلا وامزوح =تهايفت معها لين طحت ابمراحمهـا
غرقت بغلاها مغرما مثل غرقة نـوحوح= لا ادري عن ايام الغلا وش خواتمها
وانا مبتلا فيها ولا لي وراها شبـوح =مفاتيح قلبـي فـي يديهـا مسلمهـا
إليا قلت خفي حبك اللي تعدا المـوح =تجيني بنغمات على القلب ترسمهـا
تجيني بأساليب تزيد الجروح جروح =خذتني بضحك حجاجها مع تبسمهـا
تبسم ببيضاي كنه الولو المصحـوح =هو الدر من بكري سريعي ترزمهـا
عليها الحلا والملح كنك تكوحه كوح =حظيظ الفؤاد المسعد اللـي يلايمهـا
هكالغره اللي مثل برقي لنوره ضوح =سنا مزنةي ترعد وتبـرق مقادمهـا [/poem]


.........................................


وقد أشتهر بكثير من قصائده الغزلية الجميلة وقد سمعت له شريط كاسيت ذكر به بعض قصائده الغزلية ومناسباته بكل صراحة فإليكم ماقال :

يقول عند قصيدته التي مطلعها


[poem=font="simplified arabic,4,black,normal,normal" bkcolor="transparent" bkimage="backgrounds/5.gif" border="solid,5,blue" type=1 line=0 align=center use=ex num="0,black""]
سبحان من سوى الأوادم من الحور=أنا اشهد أن الله هو اللي يسـوي [/poem]


يقول هذي بنتٍ كنت أكشخ عندها وهي تقول ابيك وانا والله نافعتني قولت أبيك لو انني داري انها تكذب على . وكان عند أهلها صبي يعرف مابيني وبينها من موده وفي أحد الأيام رجع الصبي للبيت لين اهلها جايينهم ناس من جما عتهم يخبرونهم بربيع على جو الثور بالصمان ويمدحونه لهم ويبون يشدون الصبي يوم جاء للبيت لين البنت جالسه مع أمها وخواتها على ضو نار الذبيحة وكانت هي معها عود بيدها تلاحق النار فيه وبطرفه جمره فقال لهال الصبي .
يافلانه لعيون محمد الخس انك تكوين يدك بها العود قالت بس بالعود إلا بالنار كلها فغمست يدها فالنار وفي الصباح نفطت يدها من اثر حرارة النار.يقول وقابلتها بعد ذلك عند البل وقالت لي الذاهبين ـ يعني العرب ـ يبون يشدون ـ يقول يوم شفتها لين الله مصورها صورة عجب فقلت هذه القصيدة

:


[poem=font="simplified arabic,4,black,normal,normal" bkcolor="transparent" bkimage="backgrounds/1.gif" border="double,5,black" type=1 line=0 align=center use=ex num="0,black""]

سبحان من سوى الأوادم من الحور=أنا شهد ان الله هو اللـي يسـوي
زول ٍ خلق من نور وبخدته نـورنور= من الخالق ماهو نور ضـوي
أدعج غنج خده به الملـح منثـور=تقـول بـدرٍ بـان بفتـوق نـوي
وعيون تذبح بالهوى كـل منعـور=سود ومضاليلٍ على القلب سـوي
نيشانهن رمانتن القلـب ياسـرور=وحرابهن مـن دم قلبـي تـروي
هو مسرفٍ فيه وانا فيـه مجبـور=حبه ملا قلبـي وجوفـي وجـوي
من زود حبه كن كل البنـي عـور=لا غاب عني قمـت ادوج وأهـوي
أبو جديل اشقر على المتن منشور=يا هني من بيديـه فيـه أمتلـوي
أنكان شـدوا يـم وسميـة الثـور=واحسرتي لا قالوا البيـت طـوي
وان مت من مركوز العيان معـذور=اللـي عليـه هالزمـان امتكـوي
ولوهو عطاني صاحبي كبر الأظفور=قلت الدوا منك ، وعلى الله بـروّي [/poem]



يقول وفي يوم الشديد مريت من قدام بيت أهلها كني أبا اروح يم الناس اللي على البير يسقون حلالهم يقول ويوم تعديت البيت وهي تطلع من خلاف البيت وتشر لي على قلبها .
قلت منهو له : قالت : لك
قلت واللي محجرينه : قالت أبوهم بعشرين ضو
فخرجت أمها ورأتنا ثم قالت لعل عينك للطرفة ما انت بيم الشديد والقامة ثم أخذت عصا تريد تضرب البنت ثم استحت ورجعت .

فقلت هذه القصيدة :





[poem=font="simplified arabic,4,black,normal,normal" bkcolor="transparent" bkimage="backgrounds/6.gif" border="double,5,green" type=1 line=0 align=center use=ex num="0,black""]
بلاه ياهـل البيـت لا تشلعونـه =خلوا عيوني من حبيبـي تـروى
ثم لا تهوزونه تبـي تضربونـه =جعل اليدين اللـي تطقـه تكـوى
خده حريرٍ لـو تبـي تلمسونـه =مثل النفل لو تلمسه لمـس ذوى
غروٍ نياشين الغـلا فـي عيونـه =يضحك ويشر لي على القلب جوى
يقـول هـذا لـك ولا يقربونـه =وأبو الذي يزعل بعشرين ضـوى
وأنا مليك رضاه ماجـوز دونـه =قلبي معه بيديه من حيـث مـوى
حيث اني افهم ماخفى من ضنونه =وأدري بقلبه مـن قديـمٍ وتـوى
وأخشى عليه من العرب ينظرونه= انا أشهد ان اللي مسويه سـوى
نبنوب مـوزٍ مايـلاتٍ غصونـه =عرقه من الجـم الزلالـي تقـوى
والجبين براقٍ تكاشـف مزونـه =مثل المشاعل من مقاديـم نـوى
عنـق الغـزال مخلعـاتٍ متونـه =والثوب من قفوه عليـه يتطـوى
في خاطري ما فالبشر مثل لونـه =مما خلق ربي مـن آدم وحـوى
الله على من شد مجمـع قرونـه =وأكنى عليه وفي رقبتـه تلـوى [/poem]

تسلم يابو محمد على النقل المميز واختيار المواضيع المميزه

هلا والله ومليون غلا تو مانور المنتدى
في وجودك ياصادق الود
اجمل ورق التحايا

تسلم اخوي عزيز النفس
بصراحة استمتعت بقصص وقصائد
الشاعرمحمد خلف الخس
يعطيك العافيه عالطرح.

محمد خلف الخس من الشعراء الكبار في الساحة ومن فطاحل شعراء قبيلة مطير


لاهنت على ذكر بعض قصائده اخي الكريم



اخيييييييك


سيف