ياعيني اللي نظرها مايقديني

:cry: سمعتهاا شـــلة بالجوال

وعجبتني وحبيت اطرحهااا لكم


هذي قصيده محزنه وهي لشآعر آعمى فقد بصرة وطبعآ النعمه هذي مآيحس فيهآ الا من فقدهآ ...
فلك الحمد يآحي يآقيووم ..


آتركم مع القصيده ,,

للشآعر : حمدان بن محسن المري..

ياعينـي اللـي نظرهـا مايقدينـي
وجدي على شوفة النجـم اتقدابـه

وجدي على شوفة العربان ياعينـي
وجدي على شوفة المرقاب وارقابه

وجدي على شوفة صفوف المصليني
وجدي على شوفة القرآن واقرابـه

وجدي على شوفة البدو المعشينـي
في خايـع غـب سيلـه ماتثرابـه

قعدت في البيت كني فيـه مسكينـي
ماعاد عني تغطى الزيـن بحجابـه

كني سجينـاً وراه ايصـك بابينـي
غدا نهاري وظلما الليـل متشابـه

حنا ابرجـا الله عـدال الموازينـي
نرجي ثوابه وعفوه مالنـا الا بـه




وفيه رد للقصيده ,,


وكآتبهآ الشآعر : مسعود بن عايض الشلوي

يالله يالله ياللـي تقضـي الديـنـي
يامعطـي العافيـه والـرزق جلابـه

تشفي مريضاً بيوتـه ولعـن فينـي
ناراً على الوقت طول الوقت شبابـه

مع كبرسنه يعاني من عمى العينـي
مستسلمن للمرض ومنـوخ اركابـه

العافيه مـا يراهـا الا المريضينـي
اللي تزايد عمـاه وكثـرت اسبابـه

لها وساماً على روس الصحيحينـي
يشوفها اللي مرض تاجاً على اصحابه

وتـاج البصـر مايقـدر بالملايينـي
نعمه مـن الله وحكـم الله نرضابـه

وصلوا على اللي للامه بين الدّينـي
عداد من حـج بيـت الله وصلابـه


آتمنى كل شخص مر على صفحتي يشكر ربه على نعمه اللي غآفلين عنهآ ..

" اللهم لك الحمد كما ينبغي لجلال وجهك وعظيم سلطآنك "


دمتم بعآفيه ..

الللللللله من افضل الشلات اللي سمعتها قصيده قمه في الحزن والعبره

والرد كان جميل ايضاً


اللله يعافينا ولايبلانا


شكرا خيتووووووووووووووووووووو على الموضوع دايما كالعاده مبدعه مافي شي جديد على ابداعاك




خييييييييييك


سيف

مشكوووووور والله يعطيك الف عافيه
اسمح لي ابدي اعجابي بقلمك وتميزك واسلوبك الراقي وتالقك

نقل مميز شكرا يالعنيده

يعطيك العافيه
العنيده على النقل الرائع

جل احترامي

اولا: الحمدلله على نعمه التى وسعت كل شي
اللهم لك الحمد حتى ترضى ولك الحمد اذا رضيت ولك الحمد بعد الرضا
الله يشفي مرضى المسلمين اجمعين
ثــــــــــــــــــــــانيا :اشكرك ياقلبي على اختيارك للقصايد وربي قمه الروعه
وانا معجبه جدا بمواضيعك
تقبلي تحياتي

مشكورين ع المرور الطيب والعذب
لاهنتم

مشكوره العنيده على النقل الرائع


تقبلي مروري بخالص تحياتي