تـدري وش اللـي ردّنـي مـا انـاديـك نفـس" تقـول الــذل نــار" وقـي

http://i33.tinypic.com/21jn2bm.gif

جرّيـت طاروقـك وحبّـيـت اجـاريـك
وجاريتنـي وغيّـرت طــرق القصـيـده

وابشـرك مـن يــوم خلّـيـت مغلـيـك
بـدعـت لعيـونـك قصـيـده جـديــده

موضوعهـا ؟... مانـي بذاكـر خوافيـك
يـوم اوضحـت لـي فالظـروف الشديـده

وتعبيرها ؟ .... لا تطـرد اللـي مجافيـك
وعانـد .. ليـا شـفـت الاوادم عنـيـده

يعني قبـل لا اجيـك ((بالخيـر امسّيـك))
اشعـل غـرورك وافعـل اللـي تـريـده

ولا تحسبـنّـي يــوم تقـفـي ابدعـيـك
لا والله ان هقـوتـك مـنّــي بـعـيـده

تـدري وش اللـي ردّنـي مـا انـاديـك
نفـس" تقـول (الــذل نــار" وقـيـده)

ابـدفـن المعـنـى وابغـبـن معـاديـك
ولا تلتفـت يمنـاك .... والـدرب سـيـده

واحذر .. تحـدّد ويـن وجهـة مساريـك
دامـك وحيـد" مـا عـرف مـن عضيـده

هـاك الـكـلام الـصـدق والله يعافـيـك
كـلام" اصـدق مـن كــلام الجـريـده

ومن شان .. تصرفلي .. ليا احتجتلك ..شيك
((بنـك الوفـا )) لازم تــزوّد رصـيـده

الاّ علـى طـاري الـوفـا لازم اوفـيـك
يـوم الوفـا ذا الوقـت خصـلـه فـريـده

صح ما نسيتـك .. غيـر مانـي بناصيـك
هـذي الصـراحـه والعـلـوم الوكـيـده

تبغى السبـب؟ لا قلـت مانـي بناسيـك !
لانّــك مـدرّسـنـي دروس" مـفـيـده

ودرس الغدر .. خلاّني .. اقفي ولا اجيـك
واقول لـك مشكـور ((فرصـه سعيـده ))



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,................ http://i36.tinypic.com/o1019y.gif

سعوديه
يسلمو على النقل الراقي
لاهنتي خيتوه وددي برقوووه

آهـلآ فيكـ
أخوي برق الوسم
يسلمكـ يـــــآربــــ
أشكرلكـ حضوركـ هنآ
بوركتـ

الله الله ع الكلمات الرائعه
صح لسان شاعرها ولسانك
تسلمين يالغلا على طرحك للقصيده
تقيييييييييييمي

من طول الغيبات جاب الغنايم كلمات راقيه ونقية واختيار موفق


شكرا اختي سعوديه


خيك


سيف

هـــلآ وغــلآ
حبوبتي عنـــــــــودهـ
يسلمكـ ربي يــآغاليــــــــه
فديتـ عمركـ على هالتقيييم
سلمتـ الأيادي
نورتي متصفحي بحضوركـ

سعوديه يعطيك الف عافيه
وانا اهنيك على ذوقك الراقي
تقبلي خالص تحياتي

آهـلآ فيكـ
أخوي ســــــــــــــيف
أشكـــركـ
تشرفتــ بحضوركـ متصفحي
سلمتـ