يمه يقلون عشق البنت موعااادي

يُمَه ذبحني بغلاه ... وطبعه الهادي
هو صاحب الفضل في هالعشق ... والمنة


مدري انا البادية ... والا هو البادي
بس المهم الهوى فينا غرز سِنه



والله يا حضنه حضن ... وشفاهه تنادي
وجوارحي كلهن يُمَه يلَبِنه



يُمَه وربي انا مالوم حسادي
ادري بهن حاولن بالكيد يغونه


وهو يتحمل غثاي ... ويعشق عنادي
يموت بي موت وغيري ما درى عنه


يُمَه تماديت به والقلب متمادي
ومشاعري ضيعن قلبي ... وذلنه


من قبل اعرفه وقلبي بالهوى غادي
وعقبه عرفت النعيم وريحة الجنة


انفاس صدره اذا فاحت زهر كادي
اقرُب من شفاهه الحلوات وآكنه


ادري الهوى شين ... لكن ربي الهادي
يمكن يجي يوم وانسى ... بس ما اضنه


شابت عيونه على فرقاي وبعادي
وذابت حوايف خصر سلمى من الحنة


اقول خذني " من الوادي ... الى الوادي "
ويقول بس اركدي واجيك بالسنة


وركدت يُمَه ... ولكن طَوّل ركادي
متى البشاير يجن قلبي يهزنه ...؟!


اقلق مزاجي هواه ... وعكر رقادي
وعروق قلبي من النشوة يحزنه


افز من عز نومي بحلمي انادي
اوِن بإسمه ... وترجع لإذني الونة


اللي عشق غير خلي ... بالهوى غادي
واللي عشق غير خصري ... بايخٍ فنه


يُمَه يقولون عشق البنت "مو عادي"
والا الولد لو عشق يمكن يجي منه ...؟!

لاهنتي اختي عيون الريم على النقل الجميل والرائع صح لسانك ولسان شاعرها

اقول خذني " من الوادي ... الى الوادي "
ويقول بس اركدي واجيك بالسنة

يازين الركاده خخخخخخخخخ


خيييك


سيف

عيون الريم

صح لساااااااانك اختي

قصيده راااائعه كما عودنا عليك مبدعه

لا تحرمينا من جديدك

دمت بحفظ الله اختي

يعطيك العافيه اختي عيون الريم عن جد قصيده قمه الروعه
ميرسي على الطرح الجميل