هذا الزمن ان ماطاوعك طيعه
مايرد النفس عـن درب السخـط غيـر (القناعة)
و(الرضا حِكمـة) (تشدّ العزم) بالحـزن الثقيـل
مالنـا لاثـار مـوج الـهـم وإشـتـد إندفـاعـه
غيـر دعـوة رب هـذا المـوج والخافـق ذلـيـل
نوب (نضعـف) لا غزانـا الهـم وأتعبنـا شِراعـه
نفقد الحِكمـة ونبحـر بالأسـى مـن دون (حيـل)!
ونوب (تِفقِدنا) المصايـب مـن بلاويهـا الشجاعـة
ونوب نخـوات الشجاعـة (ترمي) الخافـق قتيـل
عايشين بطيب عيـش ونشتكـي (ظُلـم المجاعـة)!
في مظاهرنـا (سكـون) , وفـي مخابرنـا (فتيـل)!
نشتكي ونقـول: جـرح الوقـت يـا كبـر إتساعـه
و(الحقيقـة) لاتمايـل هالزمـن [ قمـنـا نمـيـل ]
ماخذتنـا هالليالـي .. بيـن أياديـهـا (بضـاعـة)
ليـن جيناهـا (عـروض) .. وسعرنـا جـداً قليـل
إن (وقفنا) ماوقفنا .. غير فـي [ وجـه الجماعـة ]
وإن (جلسنا) ماجلسنا .. غير عن [ فعل الجميـل ]!
وإن (حكينا) ماحكينا .. غير بـ[ فـلان ] ومتاعـه
وإن (سكتنا) ماسكتنا .. غير عن [ حق ودليـل ]!!
تشتكي منّا (أخـوّة) .. أصبحـت وهـم , وإشاعـة
(ليه) خليتوا جروحـي .. مـن (فعايلكـم) تسيـل؟!
وتشتكي منّا (صداقة) .. أصبحـت زيـف وصِناعـة
(ليه) وقفات الصداقة .. (مالقت) فيكـم [ أصيـل ]؟!
وتشتكـي منّـا (مبـادي) .. مالقـت منّـا شفاعـة
حقّها (مُجحف) وفينـا [ مالقـت ] درب وسبيـل..!
هالزمن لـو مايطيعـك طاوعـه و(إحـذر) خداعـه
نوب [ تغرينا ] ملامـح , وسطهـا (وجـه ٍبديـل)!
و[ الشقا ]وإن طال غيمه .. تالي الغيـم (إنقشاعـه)
ماخبرت الغيم (يبقـى) .. فـي سمانـا لـو يخيـل
و[ الوجع ] موجود طبّه .. بس يحتـاج لـ(مناعـة)
والمناعة (حزم قلب) , (وصبر) , مع قلب ٍ(يشيـل)!
و[ الزمن ] وإن زاد قسوة .. يبتسم لك لو لـ(ساعة)
وإن تبسّـم لـو لساعـة (إحمـد الـرب الجلـيـل)
إبتسامة (عقب دمـع ٍ) .. حـرّق الجفـن إلتياعـه
[ خير ] من دمع ٍ (فقد ضحكات) من وقـت ٍ طويـل!
بإختصار: (إرضى) بواقـع دنيتـك وإقبـل سماعـه
و( اقتنع ) بأحكام وقتـك لوغـدى قلبـك عليـل..!
رآآآآآآآقتــ لي واتمنــى تصل لمستوى ذآآئقتكم
رد: هذا الزمن ان ماطاوعك طيعه
وإن حكينا مــاحكينا ..غير بـــ((فلان)) ومــتاعهـ
وإن سكتنا مــاسكتنا..غيرعن ((حق ودليل))
قمه الأبـــداع ..
صح لسان شاعرهـــا وتسلم يدكــ
رد: هذا الزمن ان ماطاوعك طيعه
آهــــــــلين
غــــــآليتي 00الشــآمخه
يسلمكـ ربي قلبو
نورتي متصفحي بحضوركـ الرآآآئع
محبتي لكـِ
رد: هذا الزمن ان ماطاوعك طيعه
ذائــقة نرجســـيه
سطــرت لنا ابياتـاً ذهبيــه
صورت " الــواقع "
اوجــدت " الحلول "
زرعت " الأمــل "
شمخت بكــل معالمهاا
.
.
.
سعوديه حوريه بحجابهاا ...!!
تسلم يمين اللي تعنى وجابهاا ...!!
اصدق التحاياا
رد: هذا الزمن ان ماطاوعك طيعه
و[ الزمن ] وإن زاد قسوة .. يبتسم لك لو لـ(ساعة)
وإن تبسّـم لـو لساعـة (إحمـد الـرب الجلـيـل)
الله رائعه جديده من المـتألقه سعوديه
لاهنتي وصح لسانك ولسان شاعرها
تقبل مروري
رد: هذا الزمن ان ماطاوعك طيعه
سعوديه
ابيات جميله ورائعه واختيار اروع
لكي كل الشكر والتقدير يالغلا
تقبلي تعليقي
رد: هذا الزمن ان ماطاوعك طيعه
آهـــلآ فيكـ
أخوي 0000 أبوشــــــــذى
يسلمكـ يــآربـــ ....... أشكركـ
وحضوركـ شرفــ لي
عـــآفآكـ الربــــــ
رد: هذا الزمن ان ماطاوعك طيعه
آهـلآ فيكم
آخوآآني 000سيـــف ووو جنــدي
سلمكم ربي
وأشكر لكم حضوركم متصفحي
سلمتم وغنمتم