ردية قديمة بين عزيز محيسن وعبيد بن علي

السلام عليــــــكم


واسعد الله مساكم...


هالقصيدة ردية بين عزيز محيسن وعبيد بن علي

انا لدي قصيدة عزيز واتمنى من الذي لدية قصيده عبيد بن علي ان يضعها هنا



-------------------


يا مل قلب ٍ صار ملجأ للامراض
.....والجسم يبدي له على شوك حاذي

اعراض يا عبيّد حسب جملة اعراض
......مدري شوصف بين هاذي وهاذي

ياليت جرحي جرح وان طاب نعتاض
......وياليت لي من بيض الايام حاذي

ليت الضحايا هجوس وافكاري انقاض
......لانفّذ اللي ما بعد له نفاذي

غارات بقعا بين حابي ومركاض
......مثل الغريق اللي تمنى نقاذي

مواقف الدنيا طويلات واعراض
.....وعلى صليب الراي تلقى مواذي

يابو محمد والفتى كل ماهاض
......يبني حسب عرفه بليا هذاذي

هقوة ونخوة حملها عوّد اجهاض
......توقفت عنها جميع المغاذي

برقن نحسبه ناض والبرق ماناض
......مافاد قرب الناس لو هو رذاذي

فكرن تغذى بالتجاريب من ماض
......ماشذ فكره يوم غيره يشاذي

هذا حسب مخزون الافكار وان فاض
.....ملاذ منهو ما لقى له ملاذي

عزيز محيسن

الله الله صح لسان شاعرنا ابو محيسن على القصيده الجزلة


برقن نحسبه ناض والبرق ماناض
......مافاد قرب الناس لو هو رذاذي



اتمنا من احد الاخوان ان يضيف قصيدة عبيد بن علي ان كان يعرفها !!!

وشكرا اخي الكريم على الرائعه لشاعر عبدالعزيز بن محيسن الحميداني



اخيك


سيف

مشكور اخي على النقل المميز

ولك كل الاحترام

الله الله يبووو محسن على الرديه تسلم على النقل الرائع

شاكر لكم مرورك اعزائي

ولا زلنا في انتظار قصيده ابو محمد

مشكور يابن ربضان ع النقل