السلام عليكم ورحمه الله وبركاته
قصيدة الشاعر عطالله عبيد الشيباني موجهه الى النقيب ناهس محمد بن حبشان
على الموقف النبيل الذي قام به النقيب ناهس بن حبشان
اترككم مع القصيده
الشعر لولا هاجسه ماكتبناه =ولولاه يجري في سياج الشرايين
يقلط على صدري بقافه ومعناه=وادونه في دفتري بالعناوين
قامت بحوره تلتطم في زواياه =هاجت وغصت ومكسبي دره الزين
والمدح للي تفعل الطيب يمناه=اشتاق له شوق الفرج للمساجين
شعرا" لياغنيت به فيه يزهاه= ماهوب مدح اللي ورا المدح راجين
طبعا"لنا ماننحني للمحاباه=غريزة تفرض علينا القوانين
من مدن بالطيب بالطيب نجزاه=ومن مدنا بالشين يصبر على الشين
ون وجات فزعت واحدا ما طلبناه =يبقى جميله في رقبتي كما الدين
غمرني بطيبه وجاني من اقصاه=لو كان والله ماطلبته ولا شين
لكن عقيد القوم هذي مزاياه=يقدر ضروفي مع العسر واللين
تدرون قافي وين نيه مطاياه= الخط واضح كان منتم بدارين
يقلط على ناهس عسا الخم يفداه=يحمل شعوري كلها لاحمر العين
شكرا" جزيل الشكر والشكر لله=ثم للرجال للي على الطيب ماشين
يابو محمد يافتى الجود والجاه=الله على ردة جمايلكم يعين
لك خوتن فيها ابعد الناس ودناه=تثني عليها ياحفيد الكريمين
نفسك على كسب الجمايل مضراه=يانسل شيخا" من شيوخ الحمادين
الطيب يرسمصورتك في محياه=منته معه في حين وتغيب في حين
يلقاك لن ضيعك ون ضاع تلقاه=فيكم تجاذب يالثنين متخاوين
والضعف لا عرض برجلك توطاه= مال الضعافه في حدودك ميادين
شيخن على وكر المروات مرباه=من لابتن تخلف ضنون المعادين
اهال الخيول المسرجات المحذاه= وسيوف هند تقسم الراس نصين
حمادينن يوم الرجل فهله بشلفاه=تاريخهم محفوظ وسط الدواوين
وانا حفيد" للفهود الغذاه=اسمن تسموبه عيال الشيابين
ربعي عتيبه توصل العلم منهاه=برقا وروق مرجحين الموازين
لاجاء نهارا"ماعن الموت منجاه=يفرح بهم من ينتخي بالموالين
وباقي القبايل فعلها ماجحدناه= قبايلن بالطيب تقل امتواصين
واليوم صار الذيب يمشي مع الشاه=مافيه فرق الا با لاخلاق والدين
ظفا علينا الامن والحمد لله= في حكم اخو نوره صعوط المجانين
---
منقول
