مركب الشوووووووق فلاح ابن مبرد

[poem=font="Simplified Arabic,5,deeppink,normal,normal" bkcolor="transparent" bkimage="backgrounds/22.gif" border="ridge,9,purple" type=0 line=0 align=center use=ex num="0,black"]
مركب الشوق



البارحـه يـوم استمديـت الافكـار=واستدرجَن هاجوس راسي على الفور

اخذتِ لي في محوَر الكـون مشـوار=من هجعت الغافـي الافجـت النـور

رَهَجت أحاسيسٍ تناجـت بالاسـرار=منها وفيها وافـر العـرف ميسـور

تـواردن فكـري بتعقيـد الاخـبـار=ودفعت زفرات الغضب عقب حاشـور

زفرات مبلـي تنكّـس علـى الطـار=لا سيطر الخاتم علـى روح مزيـور

ضيعت درب المعرفـه والقـدم حـار=مما يخصّ الروح بالـروح مقصـور

روحٍ توقد في جسدهـا لهـب نـار=يهزهـا هـز البراكيـن لصـخـور

بأطرفها سيل الحمـم مثـل الانهـار=تثور ممـا يرهـب العقـل وتفـور

لين الشجر حتـت ورقهـا والاثمـار=النار ماخلـت لهـا عـروق وبـذور

عظايم التشبيه من عمـق الاضـرار=نار القلوب الصادقـه مالهـا سـور

أنا بـدار وهافـي الخصـر فـي دار=دونه زمت جرد الجراهيـد والقـور

حبه جذب روحي على الشرق محدار=وأمسيت دار اللي له الروح ماسـور

أرجي وأراجى وأترجـا اهـل الـدار=رجوى يهود المانيـا وعـد بلفـور

من دافع الواقـع ومكتـوب الاقـدار=لازم يجي لو قلـت للنفـس حـاذور

جابتني القدره علـى غيـر مااختـار=يزعلني أغلا غالي يبديلـي الشـور

كنه يحش عروق جسمـي بمنشـار=ليا قال ماعندك خبـر قلـت مجبـور

قال أي اساس وقلت تأسيـس تيـار=والناس كل له مـن العـرف مقـدور

ادركت عرفه من تصفحت الاسطـار=وحقي من اللي تسمع أثلاث وعشور

فكرت فـي جوهـر معانيـه تكـرار=مجهـود مشتـاق وتحليـل دكتـور

في منتهى الدقـه مقاييـس وعيـار=حتى هقيت انه من الـروح مشقـور

واللي ستـر بالعنكبوتـه رع الغـار=وبجنح الدجا ناجى نبيه مـن الطـور

لاسابقـه حـب ولاغيـره اخـتـار=وزاده الله فـي جمـالٍ مـن الحـور

قلبي عشق حلو النبا ظبـي الاقفـار=هذا وأنا قلبي من الخـوف مذعـور

ناصيه منصى المتهـم لابـن عمـار=غصبٍ عليه لملحس النار مصخـور

كني من اللي يطرق الـروح والـزار=قبر الحسين بكربلاء عشر عاشـور

اسباب من عسكر على الكبد مسمـار=معاد خلابـي مـن الصبـر مذخـور

إن كان غير عـن قـراره بالانكـار=تايه وفي مسعـاه ماهـو بمشكـور

راع الغنـم يتبـع مواشيـه بحمـار=وراع البقر يسقي غروسه على الثور

يموت بذر الهون بنفـوس الاحـرار=وبذر الوفى فيها من الساس مبـذور

رجلي مدارجهـا رفيعـات وعسـار=وبالدرب ماتنساق مـع كـل مثبـور

والعين مالدت علـى حرمـه الجـار=ولا ساقة النظره ورى كـل غنـدور

خفيـف نفـس ليـا تلقيـت خطـار=نقـال كبـر بمجلـس فيـه مغـرور

لاجيـت تقطـع سالفـة كـل هـذار=داب الخبايث بمجمع الطيب مشهـور

ياللي خذابك مركب الشـوق معبـار=فكر ترى المخلوق منهـي ومامـور

ارفع شراعك كان شفت الهـوى دار=خله يفرق هـادي المـوج بالـزور

وليا استوى صنع الطبيعه بالانظـار=بيـن أزرقينـن لامعالـم ولا نـور

قده على النجم الشمالـي اليـا سـار=وباق الكواكب لـو تعلـى حـدر دور

يرضيك ربـان السفينـه بالاسفـار=البـر بيـن والمتـاهـات ببـحـور

احذر ليا ضاق الفضا والبحـر جـار=
عن الغرق يرسي مراسيـه بنجـور
تمت وصلي الله على سيـد الابـرار=عداد مايذكر علـى الكـون مذكـور [/poem]

كني من اللي يطرق الروح والـزار
قبر الحسين بكربلاء عشـر عاشـور

يعطيك العافيه يابندر
تصوير روووووووووووووعه

أرجي وأراجى وأترجا اهـل الـدار رجوى يهود المانيـا وعـد بلفـور

الله الله .. كبير يابن مبرد ..

قصيده جزله .. شاعر جزل ..

صح لسانك يابندر وصح لسان الشاعر الكبير فلاح بن مبرد ..


أخوك .. رااعي الدهماء

صح لسان شاعرنا الكبير / فلاح بن مبرد


رائعة من روائع ابوبدر الكثيرة التي لانجروء على التعليق عليها إلا بالاعجاب .




تسلم يابوفلاح على اتحافنا بمركب الشوق .



تحياتي لبو بدر و لك الشكر ،،



ابونادر

عندما أشاهد قصائد الشاعر الكبير فلاح بن مبرد ............................ ارها ترقص من معاني الكلمات والتصوير الفكري لهذا الشاعر النادر من نوعه من الشعراء العرب والذي يتميزون في اعطاء قصائدهم نكهات متنوعه من الاقوال والافعال سواء كانت تجريبيه او كانت خبره معرفيه لهذه الحياة وليس لدي الا شيء واحد واقول عسا الله يطول بعمره لنا وعسى الحمادين ما تخلى منه ومن امثاله ...
شكرا لك على نقل القصائد الرائعه والعصماء في قولها وفعلها التصويري وفكري ايضا
اخوك المحب صافي النوايا

اول شكراّ اخوى بندر على نقل هذي القصيده الرايعه

الشاعرنا الكبير فلاح بن مبرد

ورجو قبل هذى البيت من قصيده لى فى شاعرنا الكبير ولااعلم هل هي وصلت له او لا

يقول البيت


فلاح شعره نور يجل الظلامي
نوره مكفينى عن سراج وتريك


اخوك 1غزاي العليم

صح لسان شاعرنا الكبير / فلاح بن مبرد

يعطيك الف عافيه يا بندر

احتر////////مي

اشكر الجميع للمرور ولاهنتم


وكل عام وانتم بخير



اخوي غزاي الظاهر وصلته المعلومه لاكن القصيده لااعتقد


انا سمعتها مره على جهاز لاسلكي مسجله بشريط
والله يرفع قدرك وماقصرت
تحاتي للجميع


اخوكم بندر

الله الله


قيصر الشعر


فلاح الشعر



فلاح الأبداع



لاعدمناك يابو بدر



اسمك وسام على صدور شعراء الحمادين



وعلى هدي شعرك نسير



تحياتي للجميع

تسلم اخوي بندر على النقل ويعطيك العافية





وصح لسان الشاعر فلاح الحميداني



قصيدة جزلة من اروع ماقريت تستحق القراءة بالفعل




احتراااااااامي





مزوووووووووون

سعد الحميداني اشكر لك مرورك الكريم وبعدين لي عليك عتب يالبناخي وانت تعرف عتبي عليك


تقبل تحياتي

هلا وغلا في مزون منوره القصيده بمرورك الكريم واشكر لك المرور


تحياتي لك وننتظر جديدك