ترى العيون يوصلن الرسايل

يازين راسلني من العين للعين ***ترى العيون يوصلن الرسايل

قبل امس ماشفتك ولا قلت لي وين ***واظن لو مسألك منته بقايل

ماعاد عندي يالغضي كود ثنتين **حاولت في كل الطرق والوسايل

ترى حياتي وضعها بين قوسين **لا تذبح اللي شاف منك الهوايل

صبري تعدا الحد ياكامل الزين **ياما من اسبابك من الهم شايل


نسيت وقت فات بين المحبين **صرنا كلام الناس قاصر وطايل


عليك قلبي تقل وسطه سكاكين **ناظر بوجهي كان تبغى الدلايل


واللي جرح قلبي إلى قلت بعدين **وبعدين طال وعين خلك تخايل


ياليتنا عن مقبل الوقت دارين ***ما ضاع وقتي بين بريده وحايل


وداعة الله يا حباب عزيزين *** وانا لي الله كان محد بسايل
قلم تلميذ الحمادين

الله الله على الابيات الرائعه ياصافي النوايا ..

صح لسانك وجعلك سالم وغانم ..

والله توني دريت انك شاعر يالغالي ..

ولاتبخل علينا بأبياتك العذبه ..


ودمت بود ..

صافي النوايا


يقولون بداية الغيث قطرة ولكن الحمد لله الذي جعله ديم سالت على اثره كل اودية منتدى الحمادين .


ولاتزال السماء ملبدة بالغيوم حتى اعداد هذا الخبر ..



صح لسانك واستمر ابداعك والله يشهد انه يسعدني هذا التدفق العذب .



رغم أن الشعر ليس مستغرب على صافي النوايا لانه من اسرة كلهم شعراء .




مع تحياتي