مشاركة: يامن شراله من علاله حلة
عدنـــــــــــــــــا
طلعت من المستشفى وانا كارهن شي اسمه علاج داخل المملكه ومستشفيات المملكه من خدماتها السيئه وعلاجاتها
ااااااااه يا علاجاتها
لو تجيهم وفيك ايدز يعطيك علبتين بندول وحلاو مص
يا شيخ وقسم بالله مسخره
مالي الا اسافر برا بس;)
والله وهي الصمله
قلت مالي الا تشحذ امير لاني مو قد سفرات علاج برا وقلت راس مالها قصيده و تنحل اموري
وكتبت له قصيده تحكي معاناتي... قلت في بعض ابياتها:
يا طويل العمر انا رجالن مريضي
نفسيتي تعبانه والوضع نت ول(not well)
خشمي يقوطر و حالتي بالحضيضي
ابي مساعدتك ولا قوتوهيل(go to hill)
الشيخ قام يضحك ويقهقه ووافق يوديني على حسابه للخارج;):p
انا ما صدقت خبر وشريت اربعين طقم لفريق النصر بجميع اشكاله عشان اشرف المرضى السعوديين وانا امثلهم بالخارج
ركبنا الطايره وكانت رحلتي ليوغسلافيا الصفراء
واول ما وصلت رحت للمستشفى عشان انسق الموعد
شفت المستشفى من برا شي يفتح النفس
ودخلت داخل(اجل وين بتدخل يا حمار؟؟)..شفت الوجيه المنوره اللى تشرح الصدر
وآآه عالصدر ......خلونا ساكتين بس..اللهم اني اكتب الموضوع وانا صايم
اول ما شافوا اوراقي شفتهم يتساسرون ويضحكون..وواحد حاط يده على بطنه ويحركها ويضحك
والممرضات يضحكون :confused:
وانا ما ادري وش السالفه لكن لما شفته يأشر على بطنه قلت شكلهم بيسوون فيني منكح ...
مانيب ماكل من عندهم خايف يحطون لي لحم خنزير وخمر عشان ما اكفر<<<يا شينك لا سويت بريء
الموهم زينت الموعد وجيتهم عقب يومين ودخلوني على الدكتور
الدكتور كان كبير بالسن عليه اثار الوقار والهدوء
كان يكلمني بإنجليزيه ركيكه(<<<واضح ان الروايات لاحسه مخك):D
الدكتور: وتز يور بروبلم
(وش مشكلتك )
علي: ماي نوز از واتر قو قو اول تايم .. ماي ايز لايك فمتو ..ماي هيد اح اوتش نو سليب
(خشمي يقوطر طول الوقت.... عيوني حمر تقل فمتو.... راسي يعورني وما غير صياح وما اقدر انوم)
الدكتور:اها...دونت ووري وي ول فكس افري ثنق
( لا تخاف بنصلح كل شي )
علي: نو نو فكس..ماما سايد فكس قود..بت مي دونت لف فكس..ريها كاويا
( لا لا الفكس ...امي ازعجتني فيه لكني ما احبه ريحته قويه )
الدكتور: وات؟؟اوكي وي هاف تو دو سيرجري
(ماذا؟؟ حسنا لازم نسوي لك عمليه)
علي: سيرجيو؟؟يس يس اتحاد لائب قود قود بت هي لوف قو اوت اوليز
( سيرجيو؟؟ايه لاعب الاتحاد فنان وبطل بس يحب ينطرد دايم)
دكتور: فك*** .... يو ار ايديت
(يا**** انت غبي)
علي: وت؟وت فك؟؟أي دونت كاتش يور كلوثز؟؟احلى والله اني افت انقليزي
( ماذا؟ماذا افك؟؟انا مانيب ماسك مع ملابسك عشان افكك..احلى والله اني افت انقليزي)
والله والدكتور يمسكني مع ايدي ويصكني بالطفايه على نخاعي
وفقدت الوعي
عقب مده صحيت وانا بغرفة العمليات
وما اقدر اشوف زين من دخان زقاير الحشيش اللى قابعها الدكتور والممرضين :rolleyes:
وكأني المح ستاره بين وجهي وبطني
قلت يمكن جاهم حريم يتقهوون معهم بغرفة العمليات وعيب اشوفهن..والله وعندهم علوم قبايل..
وش ذا؟؟اشوف الدكتور يمد للمرضي مصارين وكبده وكلاوي؟؟يلعن ام الفله؟يشوون؟؟؟هوااااا؟؟يا حظهم والله..
ورجعت الغشاوه على عيني وفقدت الوعي
......
بعد مده ليست معلومه
استيقظت على سريري بالمستشفى وانا التفت حولي واشوف مكونات غرفتي...ابريق ماء..كنبة قديمه..
كرسي من الخشب.....تلفزيون بدون شاشه وبدون ازرار...اربع جثث معلقه على الجدار للزينه...
وعدت فاقدن الوعي<<<يلعن شكلك انت وقصتك اللى كلها فقد وعي... :D
بعد ربع ساعه استيقظت على وجه الدكتور وهو مبتسم وواضع يده خلف ظهره ويده الثانيه تمسح نغافته بشعري
الدكتور: قود مورننق
(صبحّـوه بالخير)
علي: واتر بليز واتر
(مويه تكفون مويه)
دكتور: اوكي اوكي ويت فور اوايل
(طيب ما يخالف..اصبر لحظه)
علي:نو اوايل.. قصب واهد اتنين
( ما عندي اشتراك اوائل..ما غير غصب واحد واثنين):D
الدكتور: اوه دام يو ستيوبد
(اخخ عليك العنه يا ابله)
علي: نو ادام بليز كبده هاشي
( ما ابي ادام ابي كبدة حاشي):):)
واخرج الدكتور يده من خلف ظهره وبها نفس الطفايه القديمه التى عرفت طريقها لنخاعي
ذي المره ما فقدت الوعي...
لاني تحركت بسرعه وتجاوزتني الطفايه بمليمترات قليله وقفزت من السرير لكي امسك الدكتور قبل ان يخرج..
وما ان لامست قدمي الارض تعركفت بسلك المغذي وصفق راسي بالارض واغمي علي :D
بعد رحلة العلاج الطويله يسر الله لي العوده لارض الوطن
وعدت لوطني وانا كلي اشتياق لها ولرائحه ترابها
وذهبت لاقرب مستشفى لاكمل بقية تقاريري وفحوصاتي النهائيه واضعها في سجلي الطبي حسب طلب الدكتور اليوغسلافي
دخلت المستشفى السعودي وجالس اقارن بينه وبين المستشفى اليوغسلافي وقلت صدز..فرق هيفاء وهبي عن مزعل فرحان..:D
دخلت على الدكتور المصري ولقيته صاف ستطعشر مريض كلهم مفصخين ونايمين على بطونهم ومعه سوط ويجلدهم ويقول شدوا الهمه هيلي يالله شدوا الهمه
التفت عليه ورميت عليه الاوراق وقلت :كملها يا حمار..التفت علي المصري وقال:آهلن يا باشا أخبارك علي:لا يكثر وشف لي الفحوص ذي انا تعالجت برا ابرك من مستشفاكم الزباله ذا
الدكتور: عاوز الفحص يعني؟؟يالله انت بتعرف شغلك
جيت وفصخت وانسدحت على بطني
الدكتورقام يفحصني.
وانا حاس بشي غريب...
كل شوي يقول الدكتور:الللللللللله..!! آيه ده؟؟
وقلبني على ظهري وبدا يلمس بطني ويتحسس وهو مستغرب ويقول: ايه ده؟؟:confused:
الدكتور جاب لي كاس مويه وقال: اشربه يا اخ علي عاوز اتأكد من حاقه..
انا شربت الكاس والوضع عادي
شوي الا ســّري بدا ينقط مويه؟؟؟؟؟؟؟؟؟
الدكتور:اها طلع كلامي صح
علي:وشو؟؟وشو ذا يا دكتور؟؟سري يهرّب مويه؟؟
الدكتور:انتا تعالجت برا فين؟
علي:بمستشفى الملائكة السعيده في يوغسلافيا الصفراء
دكتور: يا ابني ذولا اكبر ناس بتسرق اعضاء
علي: اعضاء؟؟
الدكتور:هو بتعمل ايه؟مالك؟بدا يهرّب من تحت يا باشا؟؟ممكن اكشف؟؟
عليي:اقول كل تببن؟علمني بالضبط وش سرقوا مني؟
الدكتور:هههههههههههه قل وش خلو لك يا حمار ههههههههههههههه
علي: اهااااااااااا وانا اقول ذاك اليوم لما دخلت عليهم لقيت الممرض يأشر على بطنه ويضحك..اجل زرفوني عيال الكلب..يا رجال...
اهم شي ما وصلوا لشمعة حياتي
الدكتور:والله يا ابني هم ما سابوش لك من القهاز الهضمي كلوه....الا حتة كيس نايلون بدل المعده بس
علي:طيب يكفي الكيس يا دكتور؟؟
الدكتور: بالنسبه لك لو ما سابوش الكيس,,, انت حتعيش لانك بدوي..يعني بالسعودي ضب..
وطلعت من المستشفى وانا كلي يأس وحيره؟كيف اكمل حياتي؟وانا جالس اصيح واهيم بالطرقات ...وقفت جنب حديقه يلعبون فيها البزران..
والتفت عليهم وارتسمت على شفاي ابتسامه حزينه..
التفتو علي المبزره...وبادلوني الإبتسامه
واكملت طريقي..واحسست بحصا يرتطم برأسي والتفت والقى الوراعين وراي يرجموني ويصيحون: ابو معده بلاستك ابو معده بلاستك....
واللي يذب ويقول بالله سلفنا معدتك نبي نجمع فيها حبوب الكيرم..والثانين يضحكون
وصلت للبيت وانا حالي مكركب و كلي يأس وبغيت انتحر اكثر من مره لكن ما مت..
بيوم من الأيام قمت من النوم
وصحت باعلى صوت
انا ضحية..بس لازم ما اقضي حياتي وانا كذا
يكفيني وجود شمعة حياتي...
ومرت الأيام..
وتزوجت بحمدالله وحده لها نفس حالتي وزارفينها كلش ما عدا الهيكل العظمي والشعر.. يعني تخيلو زوجتي هيكل عظمي وشعر بس..لا وأسمها بعد ورده
...(قارنوا بين شكلها والورده ..بيطلعون متشابهين)
واكملت طريقي بقوه نحو المستقبل
وجبت ولدين
صح اشكالهم غريبه شوي
العوذا / فخذ بنصه عين وحده
عنظيل / راس ورجل بس
الحمدلله على كل حال
وسرت بطريق حياتي ورأسي مرفوع وانا اصرخ..انا ضحية الجهل فلا تكونوا جهلاء..انا ضحية اكياس ابو ريالين بدل المعده..لا تقلدوني..
وظللت اصرخ واصرخ واصرخ حتى انفجر حلقي اللى اكتشفت بعدين انهم زارفينه بيوغسلافيا الصفراء وحاطين بداله بواجي ددسن وليّ مويه
ذي اند
ALNEHAYAH
ما يستفاد من القصه/
1- ابعد عن كل مستشفى تلقى الانتظار فيه جنب الحمامات
2- الله يخسف بكل ممرضه فلبينيه ويجعل بدالها لبنانيه
3- يا وزاره الصحه ترا فيه ادويه ثانيه غير البنادول...
4- اذا دخلت عند دكتور مصري افهمها وفصخ وانسدح
5- انتبهوا من العلاج في مستشفيات بالخارج غير معروفه..كثير صارت لهم مشاكل وزرف كلاوي وكبدات وحتى شمعة حياتهم
6- قصة واقعيه حصلت امامي:في احد المرات كنت في انتظاراحد المستشفيات المعروفه .... .وبينما كنت جالسن في الانتظار...
سمعت اصوات صراخ وزعيق فذهبت استطلع الأمر فوجدت ان مجموعة من الشباب احضرواصديقا لهم لدغته عقرب
فقال له الممرض:اذهب الى بيتك وضع عليها ثلجا وستكون بخير فغضب الشاب وقال اعطوني المصل المضاد..
فرفض الممرض وقال هذه حاله تحصل دائما فقط ضع عليها الثلج وستصبح بخير..
فغضب الولد ورفع السلاح وبدا اطلاق النار وقتل اربع ممرضين وسته مراجعين يعني المجموع عشره..
اذا ما حسبتو الاربعين سكرتي المذبوحين<<<ترا من سالفه السلاح وبعدها نصب ..لكن اللى قبلها صدز والله اجل لدغه عقرب يحط ثلج..
اجل لو اندعس من دباب وش يسوي؟؟يلف على حارتهم هروله ؟؟؟....
7- خلاص بح
جميع الحقوق محفوظه لـ القلب النــابض©