هي باشة الغيد يـوم العيـد مرتنـي // هي نور عيني وأنـا ودي بنظرتهـا

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
باشة الغيد[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أقول : ياهاجسي وش فيك علمني=أحوالك أليوم شانت عقب شوفتها
لا باس لا باس قلي ثم فهمني=عساني ألقى دوا حالك وعلتها
ثم قال لي : حبها هاليوم طوعني=من يوم ما شفتها ودي بضمتها
عليها شعـرٍ سواد الليـل غطني=منثور من متنها لا حد مشيتها
أما العيون الوسيعـة دوم تسحرني=ومكحلة بالسواد بكحل خلقتها
والخد كنـه ليون القطن دوخني=ومن شامةٍ غربلتني تحت شفتها
وأما خشمها بركزه ركز يقتلني=سلة سيوفٍ عريبة بدق ركزتها
ومبسمْ كما الورد عذبني وجنني=واشوف خصلة تدلت فـوق وجنتها
وغمزة وبسمة وبالنظـرة تولعني=خلتني أكتب قصيدة لأجل حضرتها
وأما بطنها ضمورة حبكة الفني=وأما نحرها برسمه زاد لفتتها
وأما عطرها عطـور الهيل والبني=والعود الأزرق معتق ريح طخمتها
والصوت صوت الكناري يومها تغني=وزانت حروفي عقبها يوم غنتها
هي باشة الغيد يوم العيـد مرتني=هي نور عيني وأنا ودي بنظرتها
ثم قلت : يا هاجسي وقف وسندني=جود يديني ترى ما اشوف هامتها
طالبك جـود يديني ثـم وخرني=خايف أسوي مصيبة وأنت سبتها
من يوم وصّفتها ذا الوصف مشغلني=أجبرت نفسي على فكـرك وفكرتهـا
مبعد ومبعـد مشاويحـي وما كني=ويزول فكري عقب ما شلت غطوتها
ثم قال : خالد عساك أليـوم تعذرني=وأقول : ما أقوى الوقوف بشكل حالتها
ثم قال : لوم الخلايـق دوم غربلني=وأقول : هين بلا ما شافـوا صورتها[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أخوكم / خالد الرشيد[/poem]

هي باشة الغيد يوم العيد مرتني = هي نور عيني وانا ودي بنظرتها




وحنا والله مشتاقين لك ولها ودنا بعد بنظرتكم



ابومساعد دام ابداعك وصح لسانك على هالباشة الجميلة والرائعة كروعت خالد الرشيد.



اجمل هدية وعيدية لنا من شاعرنا المبدع وكعادته دائما


عيدك مبارك وكل عام وأنت بالف خير



المخلص للابد




ابونادر

والخد كنـه ليـون القطـن دوخنـي
ومن شامةٍ غربلتنـي تحـت شفتهـا


مشكور اخوي خالد الرشيد ولاهنت يالغالي


على هالجواهر يعطيك الف عافيه


تحياتي

صح السانك يا ابو مساعد


قصيده جميله

وكل عام وانت باااالف الف خير يا القرم






احتر////////مي

اقتباس:

---

المشاركة الأصلية كتبت بواسطة ابونادر

هي باشة الغيد يوم العيد مرتني = هي نور عيني وانا ودي بنظرتها




وحنا والله مشتاقين لك ولها ودنا بعد بنظرتكم



ابومساعد دام ابداعك وصح لسانك على هالباشة الجميلة والرائعة كروعت خالد الرشيد.



اجمل هدية وعيدية لنا من شاعرنا المبدع وكعادته دائما


عيدك مبارك وكل عام وأنت بالف خير



المخلص للابد




ابونادر

---

يا هلا والله يا أبو نادر

وتشتاق لك العافية جعلك تسلم

وإنشاء الله بنشوفكم عما قريب بإذن الله

وصح بدنك جعل عمرك طويل

والله يجمل حالك

وكل عام وأنت بخير وصحة وسلامة

لا هنت

صح لسانك
يا خالد الرشيد
ولا هنت على النقل
واتمنى منك ان لا تقطع عنا الجواهر الجميله