ياااااوجووووودي وجد

ياوجودي وجد من يبسـت شنونـه
في محـل يذهـب الشـوف لامـده
رمثن أشهب يقصر الشوف من دونه
فالمضامـي والمواريـد مـن لـده
في لهوب القيض والكبد مشحونـه
والضما يطويه والنفس مـن حـده
طاح من حمرن من الجيش مجنونه
ويتخطـف للرسـن ميـر ماشـده
ماوطتـه خفوفهـا غيـرت لونـه
يـوم قفـت ضامـرن كنـه القـده
كن في فمها مـن الغيـظ صابونـه
ومن صطرها حيلها واصلـن حـده
في محاول قبضها خابـت ضنونـه
يـوم يمـه شافهـا مالهـا لــده
ورد له عـدن هلـه قبـل يردونـه
مير دون العد خمسة عشـر شـده
والليالـي مامشتلـه علـى هونـه
لابغالـه حاجـة عـودت ضــده
من هوا خلن بـه الـروح مفتونـه
ماهقيت انساه لـو طالـت المـده
اتخيـل دورت الوجـه وعيـونـه
ومثل ماقال المثـل ماعنـه صـده
وردة بيـن البساتيـن مصيـونـه
غايت المطلوب بالوصـف والعـده
أكسبوا معـروف ياللـي تمرونـه
خبـروه أنـي نصيـح علـى وده
دون حبـه قفـل القلـب كالـونـه
ومـن لفانـي بالغـلا قلتلـه وده
كن شلفا ذيـاب بالكبـد مركونـه
وبين صفحات الضماير رسم حـده
عـادت الايـام ماهيـب مضمونـه
كـم وليفـن قبلنـا خيبـت سـده
يوم سـدي بيـح الوقـت مكنونـه
سامحونـي ياسلايـل هـل الـرده
ليت صندوق الضمايـر تشوفونـه
محرقن قلبـي ورف الحشـا قـده





لشــــــــــــــــــــاعر ناااصر العرهاااااااااااااااااااااااااان

::’

مشكوووورة الغلــآ
ربي يعطيييج العأآأآفيَّة
ننتظر جديدج (=