رواية ( بنات الرياض ) دعوه للتمرد والعهر !!!

بسم الله الرحمن الرحيم

كلنـا أو أغلبـنا سمـع عـن روايـة

http://albdr.net/up/Pictures/aiu0b262b46bf.jpg

" بـنــات الــريـــــاض "
http://albdr.net/up/Pictures/aiueb54207da8.jpg


رجاء الصانع

حاصله على بكالوريس طب أسنان

جامعه الملك سعوود

الريـاض

أستضافتها قناه العربيه في برنامج أضــااءات


وطرحت عليها أسئــله متعـددهـ

ولمـاذا الهجووووم على شبـاب الـرياض في روياتكـ


قالـت أنـا أسمع عن شباب الرياض أنهم كذااا


سؤال آآآخر يعني أنتي تعتمدين على ماتسمعين


قالت :: لا بس هذا الي معروف عن شباب الرياض


أهااااااااااا طيب يابنت الصـانع هل شباب الرياض كلهم مثل ماقلتي عنهم

في روايتكـ الي تكلمتي فيها كلام فاضــح

وصورتي حال صديقاتكـ وتقوولين في المقابله أن هذااا


مجتمع أغلـب البناااات


لا يابـنت الصــانع هذااا مجتمعكـ أنتي بـــس


هذااا كله من واااقع تربيـــتكـ


وليس كل من تقوولين فيـه أو تحكمين عليــه


راااح ينبطق أو يتعمم على الكـل


الروايـه تقص علينا قصة خمس بنات (لا أربع) يعشن في الرياض .. .. ..


والروايـه بكل ماتحمله في صفحـاتها أشيــاء الواحـد يستحي يقوولها لكـم


ليـه يابنت الصـانع تبحثين عن الشهرهـ من هذهـ الأبــواب ؟؟؟؟؟؟؟

::::::::::::::::::::::::

أنا بقوول لكم عن مقاطع في كتابها وأنتم أحكمووو أووكي

............
1-

تشاركت لميس مع ميشيل تلك الليلة في شرب زجاجة شامبين، أخذتها من خزانة والدها للمشروبات الخاصة بالمناسبات الهامة، فزفاف قمرة كان جديراً بزجاجة من الدون بيرنيو، فميشيل تعرف الكثير عن البر اندي والفودكا والواين ص 26 .......





وش عرفها بأنوااع الشرااب والله أنها قالت أنواع ماعمري قد سمعت فيها
والله من التربيـه الحلوووهـ


............

شوفو وش قالت في قناهـ العربيه ::
روايتي جاءت من الحياة الاجتماعية وصداقاتي ومعارفي لتلقي الضوء على أمور مرت فيها كل بنت
انها رواية تراكمات لسنوات تمر بها كل بنت سعودية

^

^

تخسين واللـه مو كل البنات مثلكـ


شوفووو وش تقوول في بدايـه روايتها ::::
سيداتي سادتي
أنتم على موعد مع اكبر الفضائح المحلية و أصخب السهرات الشبابية


يعني أغسل يدينكـ
http://albdr.net/up/Pictures/aiu42d564acb5.jpg

حسبنا الله ونعم الوكيل

صرااحه روايتها مدري وش تبي
شوفو وش كاتبه ::

المجتمع السعودي المتزمت ومجتمع تدخل الجميع في شؤون الجميع"
"تهاون سديم بالصلاة لأن اهتمام سديم بالدين مرتبط بفراس، وحنقها عليه يجعلها تحنق على أي شيء يذكرها به حتى الدين".
"لا تعتبر السعودية الدولة الإسلامية الوحيدة، فالإمارات دولة إسلامية؛ لكنها توفر الحرية الدينية والاجتماعية للشعب."
"هذا المجتمع فاسد؛ لأنه يربي أبناءه على التناقض والازدواجية"
"ميشيل الأمريكية: أنا لم أترب في هذا المجتمع مجتمع أش قالت واش سوت".
و وصفت البنات في عيد الحب يمشين بورود حمراء في الشارع، والشباب يستوقفون البنات ليهدوهن وردة حمراء قبل أن يتم منع مظاهر الاحتفال، مرددة "كم أنت مضطهد أيها الحب في هذا البلد"، .
^

^

ياللـه لكـ الحمـد .. صار الدين تزمت !!!!!

طيب اتركوا اللي فوق .. واقروا الحوار اللي صاير بين بنتين من ابطال الروايه .. وشوفوا الكلام السوقي الواطي اللي ورد .. وكيف .. انها بكل وقاحه وبجاحه تنشره !!! والله لولا إثبات الحقيقه والوقوف أمام هذه الرذيله لا مانشرت هذا الحوار .. لأن انتم وانا ارقى من هذه العبارات الماجنه !!!
http://albdr.net/up/Pictures/aiuc171fd36e0.jpg


وماخفي كان أعظم !!!!!

ومختصر الكلام .. والسؤال الذي عجزت دونه الإجابت

" من وراء هذه الشرذمه !! وهذه الأفكار المنحله !! "

اتمنى من كل من قرأ هذا الموضوع بأن يسجل حضوره بما يرضي الله في سجل زوار " كاتبة الغفله "


سجل زوار رجاء الصانع
http://www.rajaa.net/guest_book/index.php


ودمتم بخير

الغالي بندر

شكرا لما ذكرت

ولكن هذه الكاتبة ارادت الشهرة فقط

واظهرت الجانب السلبي فقط

وهذه الظواهر هي موجودة في بنات الرياض وغيرهن وفي شباب الرياض وغيرهم

ولكن سلبية وليس قاعدة

الكاتبة ارادة الشهرة والمال فقط ولا يهمها الاخلاق

حتى محتوى واسلوب الكتاب جدا رخيص

نتمنى لها الهداية والعودة لطريق الحق

وبعدين انظر لاخر اسمها ولا تستغرب

شكرا

[align=center]" فلانة كتبت عن بناتنا ؟!"هذا ما تناقلته المجالس الأدبيه و الــ( هذرولوجيا ) في مدينة الرياض بعد صدور رواية الكاتبة السعودية الدكتورة ( رجاء الصانع ) <<<< تراها دكتورة طب أسنان يعني مهنا ذاك الدكتره اللي انت تبي ؟! (أغدي ضرس عقل مصاب بسوسة النخيل الحمراء يا شيخة)

تقول الدكتورة : ان بعض اللي نقدو روايتها ( مع الخيل يا شقراء ) وانهم نقدوها عشان فيها ( كب عشاء لبنات المفروض انهن نموذج للفتاة السعودية لطبيعة مجتمعهن المحافظ ) وكانت الدكتور تحتسي وهي ضاقين صدرها وشرهتن على فرقة حسب الله ( تقول ورى ما زفيتوني الين اوصل مكتبة العبيكان ) !!


وابتسمت ابتسامه صفراء وهي تقول : ( رب ضارتن نافعة ) !! <<<< طرّاه ان ربيعنا في ذا الديرة يقدرون الممنوعات !!

وحرصاً منّا على إثبات شغفنا باللقافة وعشان نحتك بكتّاب فرقة حسب الله لإيلاف الجماهير على الخنبقة !!!

.. نستعرض معكم الرواية وبطلاتها الاربع ..

أربعن من البنات المزايين ! <<< خشة واحدن ملتفت على ( الحاج متولي ) يقول وينك عن ذا الأربع تبرد تسبودهن؟؟

ترى عاد ان بغيتو الجد المفروض ان ذا الأربع أروبيات على شغلهن في الرواية ! ( أجل الله لا يخزينا يشربن براندي وشامبانيا .. وطوال الشوارب منشحطه حلوقهم من الوطني المضروب ) لكن هذا حال الدنيا .. فقد شاء الله ان ذا الأربع المارجات يعيشن في الرياض ( موطن الحفاااف والجفاف الحسي والمعنوي) << حتى على مستوى أداب الحديث فيه شح ملحوظ ! ( طرّاه محاتسيكم )

أولى البطلات .. اسمها ( قمرة ) <<


( قمره ) مطلقة بعد أن حكمت على زوجها بالخيانة ! <<< أبراي لله هو خاينها .. والا هي اللي خاينته !! خاصتن وان مفهوم الخيانة عند ( حواء ) يشطح بعض الأحيان شطحات مهيب يم سنع ! ييزي ان الحرمه اذا أعرس زوجها عرس شرعي قالت عنه خائن وشهّرت به في المجالس تسنّه ذاحبن (الحريري) !! واذا سافر بنيّة الفسوق والعصيان تجهّز شنطته وتوصيه على الهدايا بكل روح رياضية تسنّه بيروح للحج !!


البطلة الثانية .. اسمها ( سديم ) <<< شكل ابوها تخصص لغة عربية على ذا الأسم ( القابع في غياهب اللغة )! ( على طاري سديم .. سيك بالخير اخوي ابو مشعل )!!

سديم .. تعتبر في عرف المجتمع المحافظ .. من النعاج القاصية اللي توهقت مع ذئب !
قدّر الله على ( سديم ) وصدقت ( سعاد حسني ) وطلعت مع خطيبها أكثر من مرّه الين صار يمون عليها وقطف زهرتها !! ( ما أدري متى صرنا مصاريه ونعترف بسالفة الخطبة على حساب حكم الخلوة الشرعية ؟ بس يالله بنقول ان مجتمع بنات الرياض مطاط وفضفاض في كل ما يتعلق بدلع بنات الجامعه وجيل " ولكموووو .... يسلمووو .. برب " !! وان سديم وخطيبها ما سوو شي غلط !! عشان ما تزعل علينا الدكتورة ) !!

الحاصل ان ( سديم ) صارت مطلقة وهي ما بعد أعرست ؟!! ( مع انها تعرف ان مجتمعنا له نظام خاص وصارم وما يعترف بوزارة التجارة .. وانه المجتمع الوحيد في العالم اللي مخترع سالفة البضاعة المباعة لا ترد ولا تسبدل .. مع هذا كله .. سوت زحمة تحسب انها في أمريكا .. وهذي هي باحلتن بذا البضاعة اللي تشققت تغليفتها ولا عاد يصلح ترجعها ولافيه زبون يرضى ياخذها لأن مالها استماره او فاتورة تثبت ملكيتها ) !!

البطلة الثالثة .. قالت العرب انها "مشاعل" وقالت الفرنجة " ميشيل " وهي تقول عن نفسها انها من العرب المستعربه !!

هذي لها حبيب ( من يوم حبته وهي تحتري السماء تمطر عشان تقعد تغني معه ويتبطحون في المطر ) << عليهم من الله ما يستحقون ذا الهنود لعبو في عقول ذا البنات !!
حبيب " ميشيل " رخمه وولد عجوز .. عييت امه عليه ياخذ " ميشيل " وقالت له : ما بقى الا هي تاخذها وانا ما اخترتها لك وتقول أحبها ؟! حبّتك القرادة !!

(( تساؤول بسيط للدكتورة ... كيف يتسنى للفتاة في مجتمعنا أن تحب شاب مع سعي المجتمع لمنع الإختلاط وتأييد الشارع الحكيم لذلك ؟؟ ))

وكيف يصير فيه حب وعلاقة وديرتنا مافيها نهر نيل .. ولا عبدالحليم يغني ؟!
كيف يصير فيه حب وعلاقة صحيحه ومجتمع الشباب والصبايا .. مقتنع بأن ذا السوالف فترة لغرض تقطيع الوقت والتعرّف على خدمات شركة الاتصالات !!

^
^
يا دكتورة رجاء .. ترى ما بني على باطل ... فهو باطل !! ( وجه واحدن فاصخن العقال وموزيه وراء ظهره ) !!

**

أخيرا .. الرابعة .. " لميس " << هذي امّا ان امها متوحمتن بــ( تميس ) ! أو ان ابوها فيه عرق أفغاني

تحب تفزع لصديقاتها وتوفر لهن مزبن اذا دعت الحاجة .. واذا فيه مشروع طلعة رومنسيه قالت تراهم عندي في الحفلة .. ( هما التسذب بلاش ) !!

شلّة ذا البنات الأربع .. تقطن مدينة الرياض وتحب تقهوى في الأماكن العامة وتذب على الشباب .. ! ( وجه يقول الله من المصاله في ذا الشلة .. ييزي ان معهن وحده اسمها لميس ) !!

هناك شعرة رقيقه .. بين .. مناقشة وطرح المشكلات .. وبين .. نشر الغسيل !
هناك شعره رقيقه .. بين .. فن كتابة السيره الذاتية .. وبين .. مقالات الصحف وشغف تتبّع الفضائح !!
هناك شعره رقيقه .. تنبت في شحمة الأذن .. كل اسبوع ينتفها الحلاق .. وكل اسبوع تنبت ؟!! ( وجه مستغرب ) !

هناك شعره رقيقه .. بين ( حب نشر الفاحشة في الذين أمنو ) وبين محاولة الوصول إلى حل .. أو التنبيه إلى خطر قادم !!
هناك .. ألف شعره وشعره .. ( شعره نحافظ عليها .. وشعره نحاربها ) وشعرات واجد ما درينا عنهن !!

وسلامتكم ..!! [/align]

يسلموا اخوي بندر على الموضوع الرائع

بس لا تعليق الان لو بعلق يبقالي صفحه هههههههههه بس على العموم يسلموا يارب

وماننحرم من مواضيعك يارب


تقبل تحياتي

روايه سخيفه جدا جدا لاتمتلك اي موهبه

المضحك ان اغلب الصفحات كانت مليئه يايميلاتها

شكرا لك اخي العزيز بندر

لاتعليق
انرت واستفضت لله درك

يابندر يابعد عمري


ياجماعة علامكم على هالمسكينة بنت الصانع قاعدين حش فيها . رويدا رويدا ياقوم .


هذي رواية رواية ماهي حقيقة واقعية اش قومكم عليها . البنت كاتبة روائية والرواية تعتمدعلى الخيال .


والله شكلكم ماتعرفون الخيال . اخص ياهالفيلسوف عاد.

الخيال يعني بالبدوي الفصيح الخرطي . القلهي هذي صعبة شوي .. يعني السرد بس بطريقة تلامس هموم المجتمع حتى يتأثرفيها المجتمع سلبا أوايجابا ..


والله حرام عليكم ظلمتو البنية المسكينة ..ياعيني على الحنان يابونادر .


شكلها كسر خاطري الصانعة هذي ألآمورة ..


والمشكلة االبنات مع الربع عليها بنت القلوب وليلى بنت الزير سالم .

دافعو عن بنت جنسكن أيه الفتيات وقلن ..بالروح بالدم نفديك ياصانعة ..

الظاهر خايفات من بعارين بندر اللي في توقيعه كنها تعويذة كاس العالم في اليبان ..



لا طولت بالخرطي ..


سلام لم ..



..

ابونادر هل قرأت الروايه السخيفه


لي سؤال لهذه المعتوهه وناقصة العقل والدين ؟!

هي صرحت بأن الروايه لفئه معينه من المجتمع اي شريحه محدده

فأذا كان كما تقول لماذا عممت السخيفه على بنات الرياض وصورت مجتمعنا بالأنحطاط

معلوم يأبونادر ان مجتمعنا مغلق جدا وله عادات وتقاليد ولاوجود لهذه السخافات وان وجدت فهي مقصوره على الشاذات من مجتمعنا

فأين ماتقوله هذه السخيفه عن مجتمعنا؟؟





أجبت بإيجاز في السابق لان هناك من كفى ووفى بالردود

نعم ياليلى قريت الرواية وهي فعلا سخيفه لاشك ومنحطه . علما نها لم تعمم وكماقلتي هي تقصيد شريحة معينة من بنات الرياض . وبنات الرياض هن بنات المملكةكلها .

وتعليقي السابق كان من باب المداعبة لاغير.

والاخوان ماقصروا اشبعو الموضوع قبلي بمايستحق .



ارجو أن لاتظنين أنني اشجعها لاسمح الله هي وامثالها من المنحطات استغفرالله ...



ولك احترامي







....