((( ابو جراح )))

(( ابو جراح ))
[poem=font="Simplified Arabic,6,white,normal,normal" bkcolor="transparent" bkimage="backgrounds/9.gif" border="groove,6,deeppink" type=2 line=0 align=center use=ex num="0,black"]
ليتك تويق بخافقي يابو جراح=حتى تشوف سهوم زاه التغلي
أللي ذبح قلبي وانا منه مرتاح=وشلون ذي تصير بالله قلي
لخبط كياني فوق عرشه ولاراح=ويطق بأصبع للعرب مسفهلي
يقول ذا ملكي وانا راع الارباح=كل يجنب قبل فعل المغلي
يلعب بقلبي لعب شاعر بمسباح=لقام من زين القوافي يهلي
بأسباب فعله دخت بالحيل ياصاح=مغير ادوج والعباير تهلي
بالليل اهوجس بين همي والاشباح=والصبح كني فاقد كل كلي
ضيعت كل اسمي ورا طعس الاسياح=مدري غدا يالقرم يمة حولي
وكتبت بأسم البرق والبرق وضاح=خلوني ادله في هواه وهوى لي[/poem]



أخوي الغالي أبوجراح هذه مداعبه لك يوم تقول ((بس حرام عليك وراك ماتكتب بسمك الحقيقي)) واعلمك أنني ضيعت اسمي ........... وباقي المعنى عندك.

أخــوك
برق الوسم

والنعم فيك والف نعم
فيك يالغالي

وصح لسانك وبدنك والله يوفقك
وتمنيت باللحظه هذي اكون شاعر وارد عليك
لانك احرجتني جدا
بس ابي اطلب خالي
ابونادر

لعله يسد عن بناخيه وهو راعي المسد
ياخال بالله عليك ترد عن بناخيك
وانا ليش اطلب منك تقول اسمك الحقيقي من اجل ان حفظ قصيدك
وجدا جميله القصيده يابرق الوسم
وانا يااخوك

تراي
خالد بن غازي بن حبشان الحميداني
ولااحد يعرف منه ابوجراح
الا الان
بسبب قصيدتك يالغالي
ولافيها شي كل علومنا مرجله ولااحد يتعدى على احد من اجل اخفاء اسمه الحقيقي
وخالي منوخ بن نادر يعرفني منذ تسجيلي بهذا الاسم
المهم يابرق الوسم
صح لسانك زننتظر جديدك
في امان الله وحفظه

[align=center]الى ابو جراح
اخي الغالي ابو جراح انا ماكتبت القصيده علشان احرجك او اطلب منك الرد ولافيها أي أحراج وانما كتبتها علشان اخبرك بأني ضيعت أسمي وكتبت بأسم برقـ الوسـم وأرجوك ان لاتطلب أبونادر يرد عنك وانا مستعد اذا كانت الدعوه فزعه ان ارد على برقـ الوسـم بس المهم ماتورطني مع الشاعر المخضرم ((ابونادر)) وانا اعرف اسمك قبل ان تقولي والله والنعم فيك وفي ابوك وجدك وكل القبيله وللمعلوميه انا اكن كثير الاحترام والمحبه لك ولجميع اعضاء المنتدى والمشاركين.
وتقبل فائق احترامي.


اخوك
برقـ الوسـم[/align]

ضيعت كل اسمي ورا طعس الاسياح = مدري غلا يالقرم ولا حولي
وكتبت بأسم البرق والبرق وضــاح= خلوني ادله في هواه وهولي


الله عليك ياهالبرق ماحلا رفيفه يعجني والله رغم اننبي لم اتشرف بمعرفته حتى ألان واكيد هو يعرفني لانه مجاريني في قصيده رائعة وتعتبر صعبة القافيه
ولكن لايهمك ادله على كيفك ملعون صدادك وردادك وانا اخوك وأنت حر في اسمك ودامه ضاع بطعوس الاسياح معذور .
صح لسانك ابداع انت في كل شي ورئع يابرق الوسم اللي يبرق ويمطر قراح زلال كلسلسبيل .

ابوجراح

وراك عديت طبلونك كله الله يهديك وجبت العيد . رد على الرجال ولا قل ماني شاعر وخلاص لانه مايبي منك شيئ بالقصيدة
انما حب يجاوبك على سوالك وكثر خيره اللي خلاني وانا اول من طالبه بنشره بسمه الصريح وذلك من باب حفظ الحقوق لانه لو شاعر كتب بنفس ألاسم من يفرق بينهم ومن هو الصح فيهم هذا قصدي ...



لكم جميعا فائق التقدير والاحترام





....

هلا بك ابونادر
هلا
صبحك بالخير والحاضرين
انا خابر يابرق الوسم
الدعوه بسيطه بس من باب تفعيل وتحريك المنتدى الراكد
فقط لاغي ر
ويسعدني انضمامك الينا كما انني مادامك عارفني قبل ابلغك اسمي
انا بغاية الشوق للتعرف اليك
واسعد فرصه لي بالمنتدى معرفتك ومعرفة شرواك
وياهلابك
في امان الله وحفظه

هلاوغلا بالجميع وصح لسانك برق الوسم ولا هنت

ابو غازي وسبعين نعم فيك ولايهونون الربع

واشكر لك كل جهودك لمنتدى الحمادين


تقبلو تحياتي

اخوكم بندر

والنعم فيك مليون وفي شرواك
يابوفلاح
مفاجأه صح ولا لا
ابوفلاح العذر والسموحه عن الغياب المتقطع لكن بصراحه المنتدى ركد وانشاءلله هذا للشرب والهانئين بالغدير بعد السيل
في اما ن الله وحفظه

هلا وغلا ماعليك زودابو غازي اكيد مفاجئه


ومثل ماقلت المنتدى ركد شوي لاكن انشاالله عودتنا

بتكون قويه انشاالله


تحياتي

منورين يالربع كلكم دمتو بخير
اتمنى لكم عووده

تحياتي برق الوســــــــــــــــم

رد خاص ابو جرااح وينك
تعال شف الامور بعدك الله يذكرك بطيب ذكره ياابو جرااح

والله لك وحششششششششششه

اتمنمى وجودك يالغالي برق الوسم