والله انك ما لك بقلبي شريك = لا ولا يروي ضما عيني سواك
ايه انا ما اقوى على بعدك وابيك = ايه انا اشوفك ترى بعيني ملاك
ودي اني دايم ايديني بيديك = تدري ان دنياي من دونك هلاك
انت ما غيرك على قلبي مليك = بس كيف اوصف لك بشعري غلاك
يرحم الله والديك اموت فيك = لا تعذبني وتهلكني بجفاك
اكره الدنيا بدونك واشتهيك = خذها روحي لك اذا هي مشتهاك
كل ما نامت عيوني تحتريك = في منامي روحي تهمس لي شفاك
والله ان كل الحلا في ناظريك = ولا بهالدنيا حلا الا حلاك
كل نبضه في خفوقي لك تبيك = ولا حياة لخافقي الا معاك
الكواكب كلها في راحتيك = والقمر لك والسما هذي سماك
والورود الناعمه منك واليك = وعطرها ما وده الا في رضاك
حس فيني لا تخليني اجيك = واشتكي لك يوم تحرمني عطاك
باشتكي لك واشتكي منك وعليك = واعتذر لك واعتذر منك لخطاك
بس متى اشوفك واضمك وارتويك = يلعن الله من حرمني من لقاك
العذب
