جديد القصم ( مــسـكــون )

السلام عليكم ورحمة الله وبركاته

هذا اخر ماكتبت

وانشالله يحوز على رضاكم


[poem=font="Simplified Arabic,6,white,bold,normal" bkcolor="white" bkimage="backgrounds/21.gif" border="groove,4,white" type=2 line=0 align=center use=sp num="0,black"]
هقيت واحيان هقوات البنادم تخون = الله على النفس يعلم وش مطاليبها
يالله يالله ياللي بكل شيٍ تكون = رحمتك من ساعةٍ توقد مشاهيبها
عبدك تذرى بجنابك بين كاف ونون= يامستغيث العباد وعالمٍ غيبها
وقفت مابين لحظات الندم والجنون = واشوف بعض الحقايق ضايعن طيبها
ياليت ماف الخواطر يبين وسط العيون = عشان بعض الوجيه تعرف اساليبها
عجايب الوقت خلت كل شيٍ يهون = فيها الجوارح ماتتعب في مخاليبها
دورات الايام تجرح والزمن له طعون = وسود الليالي محد يذكر مكاسيبها
مخزون قلبي من الايام زايد شحون = منه المشاكل غدت ترسم مضاريبها
تاريخ الامجاد له مصدر وقانون = ولا كل لحيه نقدرها بشانيبها
العز ماكنه الا سيف طلعت هارون = وعزي لمن خطوته تاهت مراقيبها
متى نعز العرب ونزيح منها شارون = واشيب كل مسلم من القدس واشيبها
قلته وانا شعري من الجن مسكون = والله يعين القوافي فى مطاليبها [/poem]


تم تعديل الأخطاء الإملائيه والحقيقه انني كنت مسافر وتم إنزال القصيدة من قبل اخي

وعليكم السلام ورحمة الله وبركاته

صح لسانك اخوي القصم ولاهنت على الابيات الجميله

وننتظر منك الجديد

تحياتي

تسلم يمينك اخووووووووووووووي


وصح لساااااااانك


ولاتحرمنا كل جديدك


اختك
حميدانيه

السلام عليكم ورحمة الله وبركاته

اخوي القصم اشكرك على هذه الابيات التي تفتقد لبعض الوزن واللحن

متمنياُ لك التوفيق والاستمرار مع التركيز على ماذكرت ونحن في انتظار

جديدك باذن الله وهذا ولك مني التحية

اخوك: ذيب الغداري

اب
اب
اب

القصم
صح لسانك واشكرك على موضوع القصيده

ملاحظه بل سؤال
هل انت تلعب المحاوره بكثره
لان الطرق طرق محاوره



اما من يسال عن الوزن فهذا طرق محاوره عندما تقراه هذاً تلاحظ بعض الوزن
بصراحه توقعي بان المحاوره اخذت منك اللحن بقوه


دمت بخير