يا بندر الجاسي يامير الحمادين // سعد ضيف الله الحميداني

بسم الله الرحمن الرحيم

اسعد الله اوقاتكم بخل خير

هاذي القصيده مهداه الى الشيخ : بندر بن جاسي بن محمد الحميداني

يابندر الجاسي ياميـر الحماديـن
امير فعل وقول والصيـت عالـي

من جدك الاول البوك اليهاالحيـن
ماهي جديـده ياكريـم السبالـي

من يعرق براجح رجح بالموازيـن
ماكر حرارن رام راوس الجبالـي

حييت يازبن الضعوف المساكيـن
ماهو رخى في معسرات الليالـي

وحييت يامنصى الرجال الحشيمين
على الشحـم ومبهـرات الدلالـي

وحييت يابيت الصخى والصخيين
بيت الكرم ماهو من الجود خالـي

ولاهنت يانبـع الوفـاء للوفييـن
مقدم رجـال ومدهلـن للرجالـي

ياحاتم الطائي لمن جوك عانييـن
ياذيب ابن شالح برقـي المعالـي

فيك اجتمع ياطيب الساس نهريـن
طيب العمام وطيب فعل الخوالـي

مهما اصفك لو اصفك بالعذابيـن
يقصر عن فعولك وطيبك مقالـي

شيمه وقيمه بعتـراف الرزينيـن
غالي ومن ساسك على الكل غالي

يابن الرجال الشامخين العزيزيـن
اللي بعزوتهم حمـو كـل تالـي

لاصاح صياح الضحى يالحماديـن
ثم رد صوته واحمر الـدم سالـي

تسابقو يـم الاصيـلات عجليـن
مطوعاتـن ماضـرن للجفـالـي

وارخو اعنتهن وجوهـم مغيريـن
مافيهم اللي فـي حياتـه يبالـي

اليا ادبحن طافن فروخ الشياهيـن
ماكن فوق الارض غير الظلالـي

ثم اعدلوهن في وجيـه المعاديـن
والروس من ضرب الهنادي تشالي

ماينكفون الا على الضد قاضيـن
الا المنيـع ومادخـل بالجـلالـي

ساطين في ضرب المعادي وقاسين
ولا الرفيق يعيش معهـم هلالـي

عاشو سلاطينن وماتو سلاطيـن
ذولا جـدودك يارفيـع المعالـي

واليوم دورك يازبـون المخليـن
بالقبر ماتدفـن فعـول الرجالـي

كم ميتـن يرفـع بذكـراه حييـن
وكم حي لايذكـر ولالـه مجالـي

الشاعر : سعد ضيف الله الحميداني