ديـوآن آلـشـآعـر سـعـد ضـيـف آلـلـه آلحـمـيـدآنــي

السلام عليكم ورحمة الله وبركاته


هذآ آلموضوع سوف اخصصه لقصائد الشاعر سعد ضيف الله الحميداني


واول هذه القصائد قصيده في مدح المستشار نايف المطيرات


ويستاهل ابو بدر راعي المواقف المشرفه عسى الله يطول بعمره




يامستشار العـدل جيتـك وابنخـاك
جيتك وفي وسـط الضمايرحريقـي

ودي تطمني عسـى الـلاش يفـداك
انــا بـحـالـن مـاتـسـر الصـديـقـي

زبنـت ربـي ثــم تزبـنـت شــراوك
ضاقت علي ونشف الوقـت ريقـي

يـابـو بــدر ياعـزوتـي لاعدمـنـاك
ممابقلـبـي قـمـت اضـيـع طريـقـي

ياللي على الطولات ترسيك يمناك
دايـم مــلاذ الـلـي بهـمـه غريـقـي

انـا دخيـلـك يـامـلاذن لـمـن جــاك
ماظـن صـدري للمشـاكـل يطيـقـي

قل تم يامن ينعش الـراس طريـاك
يامـن بـزود الجـود حبلـك وثيقـي

ما غرتك يا طيـب السـاس دنيـاك
دايـم علـى روس المعالـي تويقـي

ولاننصفك بالقـول مهمـا مدحنـاك
هـذا الكـلام المختصـر والحقيـقـي








وهذي القصيده في مدح اللواء منصور العلاج ويستاهل ابو احمد المدح




منصور انا جيتك على اسمك وسمعتك
يـوم العـرب تذكـرك ومطيـر تنـصـاك

بـروزت اسمـك فـي معانـي رجولـتـك
حتى اعتـلا بالطيـب ذكـرك وطريـاك

مشيـت فـي درب الرجـولـه وصافـتـك
حتـى ملكـت الطيـب فـي فعـل يمـنـاك

ماقلتـهـا قـصـدي مجـامـل لحـضـرتـك
الفعـل مـن طيـبـك مــع الـنـاس كـفـاك

نـحـت فعـلـك بالـذهـب مــن مـروتــك
واستسلـمـت لــك بالطـويـلات دنـيــاك

لــو الرجـولـه خــاوة انـسـان خـاوتـك
مـن كثـر مايثبـت علـى الفعـل مـبـداك

عطـرت شعـري فـي كتـابـة شهامـتـك
وكــررت قـولـي بالـدعـاء لاعدمـنـاك



وهذي القصيده في مدح اللواء منصور العلاج ويستاهل ابو احمد




ياسـيـدي لــو تـرسـل حـبـة الـــراس
ارسلـت لـيـن اتعـبـت متـنـك راســك

تقدير من شخصـن يعـزك بـلا قيـاس
من طيب افعالـك ومـن طيـب ساسـك

انت العلاج اعلاج من حاشه اعماس
للطـايـلـه دايـــم يــقــودك حـمـاســك

طيب وتواضع مع عزيمـه ونومـاس
للمـرجـلـه يــاقــو فـعـلــك وبــاســك

والمدح اقوله فيك من قلب واحساس
وانا اعتـذر كانـه قصـر عـن مقاسـك

مـدام صيتـك فـوق والفـعـل نـبـراس
واعـلا الرتـب حطيتـهـا فــي لبـاسـك

وفي كل ديوانن تسولـف بـك النـاس
زرعــت معـروفـك وريـحـت راســـك

ولبست ثوب العـز والـدرع والطـاس
وحطيـت فـي وجـه المعـادي مداسـك

وبروزت اسمك بالجواهر والالمـاس
واصبـح فخـر لمطيـر ربعـك وناسـك

هذه القصيده في مدح الشيخ بندر بن جاسي الحميداني امير الحمادين ويستاهل المدح ابو جاسي


يابنـدر الجاسـي يامـيـر الحمـاديـن
اميـر فعـل وقـول والصـيـت عـالـي

مـن جـدك الاول البـوك اليهاالحيـن
مـاهـي جـديـده يـاكـريـم السـبـالـي

من يعرق براجـح رجـح بالموازيـن
ماكـر حـرارن رام راوس الجبـالـي

حييـت يازبـن الضعـوف المساكيـن
ماهـو رخـى فـي معسـرات الليالـي

وحييت يامنصى الرجال الحشيمين
عـلـى الشـحـم ومبـهـرات الـدلالــي

وحييت يابيت الصخـى والصخييـن
بيت الكرم ماهـو مـن الجـود خالـي

ولاهـنـت يانـبـع الـوفـاء للوفـيـيـن
مـقـدم رجــال ومـدهـلـن للـرجـالـي

ياحاتم الطائـي لمـن جـوك عانييـن
ياذيـب ابـن شالـح بـرقـي المعـالـي

فيك اجتمع ياطيـب السـاس نهريـن
طيب العمـام وطيـب فعـل الخوالـي

مهمـا اصفـك لـو اصفـك بالعذابيـن
يقصـر عـن فعولـك وطيبـك مقالـي

شيمـه وقيـمـه بعـتـراف الرزينـيـن
غالي ومن ساسك على الكل غالـي

يابـن الرجـال الشامخيـن العزيزيـن
الـلـي بعزوتـهـم حـمـو كــل تـالــي

لاصاح صيـاح الضحـى يالحماديـن
ثـم رد صوتـه واحمـر الـدم سـالـي

تسابـقـو يــم الاصـيــلات عجـلـيـن
مـطـوعـاتـن مــاضــرن للـجـفـالـي

وارخـو اعنتهـن وجوهـم مغيـريـن
مافيـهـم الـلـي فــي حيـاتـه يبـالـي

اليا ادبحن طافـن فـروخ الشياهيـن
ماكـن فـوق الارض غيـر الظـلالـي

ثـم اعدلوهـن فـي وجيـه المعـاديـن
والروس من ضرب الهنادي تشالي

ماينكفـون الا علـى الضـد قاضـيـن
الا المـنـيـع ومــادخــل بـالـجـلالـي

ساطين في ضرب المعادي وقاسين
ولا الرفيـق يعـيـش معـهـم هـلالـي

عاشـو سلاطينـن وماتـو سلاطـيـن
ذولا جـــدودك يـارفـيــع الـمـعـالـي

والـيـوم دورك يـازبــون المخـلـيـن
بالقـبـر ماتـدفـن فـعــول الـرجـالـي

كــم ميـتـن يـرفـع بـذكــراه حـيـيـن
وكـم حــي لايـذكـر ولالــه مجـالـي





هذه القصيده في صاحب السمو الملكي الامير سلمان بن عبد العزيز اطال الله في عمره

والمدح مايوفي ابو فهد حقه



ســـلام يـامـيـرن ونـقــاد وجـلــوس
ترحيبتـن مـن قـلـب تـزهـى سـمـوك

ودي بكلماتـن مثـل سطـوة الـمـوس
تفـرح بـهـا واغـيـض فيـهـا عــدوك

ولاودي بقافـن مـن النـاس مديـوس
قـافـي يخـلـي شـعـر راســك يـشـوك

مدحـن لفعلـك ماتـرجـى بــه فـلـوس
يومـن فعلـك مثـل ضــرب المـشـوك

به ترتفع روسن وبه تنخفض روس
روس الـعـدى والـلـي يعـكـر لـجـوك

بالجـود والمجـهـود وبـكـل نـامـوس
تاقـف شيوخـن وانــت يامـيـر تــوك

ارقـاب تعتـق منـك وتفـرج احبـوس
ويفخـر بفعـلـك مــن تـدفـى بـضـوك

ودي بكلماتـن بـهـن فـعـل ملـمـوس
وابـدي سـريـرة خـاطـر فــي هــدوك

احمد نجـادا حمـع الفـرس والـروس
والـعـيـن طـيـرهـا وقــــام يـتـســوك

يمنا بـلا واقـي تبـي تمسـك المـوس
عقـب العطـب ياشـيـن لــوك ولــوك

وبغداد تعطينا عن الماضـي ادروس
وامسـى عميـل ايـران فيـهـا مـكـوك

هـذا بـلاي وجـاك قـافـي عـلـى اوس
وعـسـى كـلامــي مـايـكـدر سـمــوك



هذي قصيده في الدكتور محمد العفاسي ويستاهل ابو سعود المدح الله يطول بعمره


الـبـارحـه مـابـيـن صـاحــي وغــافــي
سهـران ليـن اقـفـا مــن اللـيـل ثلثـيـن

لانــي بمستـانـس ولا الـجــو صـافــي
بسبـاب مـن رقـد ضحـى يـوم الاثنيـن

مـشــاعــري تـرجـمـتـهـا بـالـقـوافــي
عسـى يجينـي يالعفـاسـي خـبـر زيــن

مـاسـهـر عـيـونـي رصـيــد الـخـرافـي
ولارصــيــد الـراجـحــي والـخـيـاريـن

انـــا رصــيــدي لامـشـيــت مـتـعـافـي
يامسنـدي فـي ساعـة الضيـق والليـن

مـاطـيــح لامــنــي ذكــرتــك خــلافــي
واللي بعـث جبريـل فـي سـورة التيـن

جـاك الكـلام اللـي مــن القـلـب وافــي
ماهـو كــلام لـسـان ومخـادعـة عـيـن

يازبـن مـن جـالـك مــن البـعـد حـافـي
منصا الرجال اللي على الجود ضارين

يـاطـيــب قــافــي لاذكــرتــك بـقـافــي
يـوم انـت ترفـع مــن تـذكـرك وتعـيـن

فــي كــل مـاقــف للـرجـولـه تـشـافـي
بشموخن اقوى من شموخ السلاطيـن

كـــل الـمـراجـل حـزتـهــا يالـسـنـافـي
عديـت نجـم سهيـل مـدري تبـي ويــن

حـتـى مــن الفيـفـا وصـلـك اعـتـرافـي
واسمك تعدى شهرت السـور بالصيـن

يقول الدكتور محمد العفاسي عند ماكان في لندن هذه القصيده وموجهها للشاعر سعد ضيف الله


الصوت للعفاسي



ياسـعـد مــن بعـدكـم ياحـيـف
فــقــدت زيــــن المـسـايـيـري

فقـدت مـن يكرمـون الضـيـف
مـاحـســبــو لـلـمـخـاسـيــري

ربعـن رفقتـهـم لـنـا تشـريـف
صافـيـن ظـفــران ومـطـيـري

ديـوان يصـلـح لــراع الكـيـف
وصـفــرن تـقـلـط مـبـاهـيـري

ابرك من لندن وشوف اجنيف
مـغـيـر كــــلاب وخـنـازيــري

مارتحـت فيـهـا وهـيـه ريــف
الــيــوم ســــودي مـغـاتـيـري

متى على الله نشـوف السيـف
قـصـر بـلـدنـا عـلــى خـيــري





الصدى لسعد




مدري وش اكتب وش ابغى اضيف
شــيــن بــــه الـكــاتــب يـحــيــري

الـسـيـف يـشـكـي عـلــي الـحـيــف
وده مــــــع الــرحــلــه يــطــيــري

والصـيـف بـالـدار مـاهــو صـيــف
حـــــر وعــجـــاج ومـعـاصــيــري

ولـنــدن هـواهــا قـصـيـد حـنـيــف
فــــي صــــوت راع الـمـظـاهـيـري

لاصــــار وقــتــه ربــيــع وريــــف
وقـــدمـــه بــنــاتــن غــنــاديـــري

هـوبــل وقـــام يـحــدى بـالـسـيـف
هــــــذا قــصــيـــده بـتــصــويــري

ولاانـــــت شــكـــواك بـالـتـزيـيـف
ان كــــــان مـــاخـــاب تـفـكــيــري

يـاريـف جــارك وريـــف الـضـيـف
ومـنـصـى الـرجــال المـشـاهـيـري

فـعـلـك وجـــودك وطـيـبـك شـيــف
طـيـبــك عــلــي وعــلــى غــيــري

بـالـمــال مـاحـتـجــت للـتـسـلـيـف
عـسـاك مـــن خـيــر فـــي خـيــري

وبـالـجـاه اسـمــك لـنــا تـشـريــف
لــــــواء ودكـــتـــور ومــطــيـــري

هــــذا مــــردي مــاهــو تـسـويــف
واقـــبـــل غـــلايــــه وتــقــديـــري





هذه القصيده في وزير الشؤون الدكتور محمد العفاسي





يـاوزيـر الـشـؤون وياحكـيـم الـقــرار
قلـت اهنـي رئيسـك بختـيـارك وزيــر

اكتسحت المشاكل في وضـوح النهـار
وبان قـوة نجاحـك فـي زمانـن قصيـر

وياسمـو الرئيـس احسنـت بالاختيـار
ياحبـيـب الكبـيـر ويـاآمــال الصـغـيـر

كـل حكمـة قـرارن فـي ضميـرك تـدار
والثقـه فـزت فيهـا مـن سمـو الامـيـر

فيـك مـن جـدك مبـارك امــورن كـثـار
حب ارضك وشعبك راسخن بالضميـر

خدمة اهل الكويت امست قرار وشعار
وكـل توقيـع مـن كفـك يـحـدد مصـيـر

لـتـجـاه الـيـمـيـن ولـتـجــاه الـيـســار
والكـويـت بسـمـوك كـلـهـا تستـجـيـر






هذه القصيده تفسر نفسها




البـارحـه نـومـي عـلـى شـقـة الـنـور
غـطـه وكـنــي نـاهـبـن لـــي نـهـابـه

مـن مابقلبـي خفـت لامــوت مقـهـور
كــم واحــدن سـبــة وفـاتــه عـذابــه

شارون صـف انصـار حزبـه بطابـور
وبوش الصليبـي سـاق معهـم ركابـه

سـلايـل الاوغـــاد والـحـقـد والـــزور
عصـابـتـن قـامــت تـؤيــد عـصـابــه

وين انـت ياللـي تاخـذ الحـق بالنـور
ويـن انـت ياعصـرن مضـى يعتزابـه

وين انت ياللي تحكم الـراي والشـور
ويـن انـت يالـلـي تستطـيـع الاجـابـه

حالـة خنـوع تخلـي الـراس مشـعـور
مــاكــن لــلاســلام عــــزوه ولابــــه

حنـا رضيـنـا عيـشـة الــذل والـجـور
وقـتــن ردي قـمـنـا نـطــرد ســرابــه

ان ماصحيـنـا دم الاعــراب مـهــدور
كـســرى علـيـنـا كـاشـراتــن نـيـابــه

اقرو حديـث المصطفـى وآيـة الطـور
تـكـالــبــت عـقـبـانـهــا والــذيــابـــه

معـاد بـه شيـن عـن العـيـن مسـتـور
ماهـي سحابـة صيـف ذيـك السحابـه

احمـد محـمـد يمـكـن الــدال مكـسـور
ولا تـخـفـا عـــن شــريــط الـرقـابــه

يأهل الخليج الوضع واضح ومخطور
مـاهــي قـوافــي شـعــر ولا خـطـابـه

ان ماتحـدتـم صــح واصلـكـم الــدور
بالتـفـرقـه كـلــن ضـعـيـفـن زهــابــه

لوكـان نرجعهـا عـلـى ضـمـر الـكـور
قـصــرن بـلـيـا عـــز وش ينـبـغـابـه

فيصل توفـى فـي ثـرى العـود مقبـور
شـهـيـد حـــق مكـفـنـن فـــي ثـيـابـه

وانت ابـو متعـب للصعيبـات مذخـور
خــادم بـيـوت الله وريــث الصـحـابـه

ياخـوان مريـم ملجمـة كــل مسـعـور
يـاعـيـال زايـــد كاسـبـيـن الـمـهـابـه

يآل الخليفـه زبـن مـن كـان مضـرور
يــــآل ثــانـــي طـيـبـكــم يـنـحـكـابـه

قابـوس ياقابـوس بالـجـود مشـهـور
يـامـن كـسـب طيـبـه بـــأول شـبـابـه

حكامـنـا وانـتــم ذرى كـــل مـذعــور
السـيـف عــزه فــي تمـاسـك نصـابـه

وانا ترى ماني علـى الحكـي مجبـور
بغـداد شــوف العـيـن راحــت نهـابـه

مــن لاعتـبـر منـهـا فـلاهـو مـعــذور
ايـــاك فـــرخ الـــداب تـأمــن بـنـابـه






هذه القصيده في مدح المهندس سلمان الشلاحي ويستاهل ابو سالم المدح



عسـى ولــد سـالـم يسمـيـه سلـمـان
حـتـى المسـمـى يفتـخـر فــي سمـيـه

سلـمـان دايــم للصعـيـبـات عـنــوان
يـاقـل فـــي هـالـوقـت تـلـقـى حـلـيـه

فـي كــل هقـواتـك تحـصـل كحـيـلان
شـهـادتــن مــنــي بـطـيـبـه عـلــيــه

ريف الضيوف وريف ذربين الايمـان
مـن طـيـب صيـتـه يفتخـربـه خـويـه

عــــزالله انــــه للقـريـبـيـن بـسـتــان
يمـنـاه فــي فـعــل الـمـراجـل قـويــه

يعطـي بـلا منـه ويخـفـي بالاحـسـان
ويـجـزا بطيـبـه مــن تـطـيـب بـنـيـه

منيـن ماجيـتـه تحـصـل بــه انـسـان
الا ان نـفــســه مـاتــحــب الــرديـــه

وفيه الحجازه تنكشف بعض الاحيان
عـجـلـن بمرجـلـتـه ونـــارن لـضـيـه

هذه القصيده في مدح الدكتور نواف عبيسان الحميداني ويستاهل المدح ابو مشعل




تـرى الشـك لـو يركـب صواريـخ يانـواف
فــلا يـثـر بنـفـسـي ولا يـقـتـرب صـوبــك

اعرف الرجال اللي تعدي علـى المشـراف
واعرفـك بطيـب الفعـل والفكـر واسلـوبـك

ومن يزبنك ضايق عن الهم صرت الحاف
لبسـت الفخـر لبسـك الغترتـك مـع ثـوبـك

مـن ارجالـن تنومـسـك وتـزبـن الـخـواف
علـى كفـهـم تـاخـذ مــن عــداك مطلـوبـك

علـى ذكـرك الطيـب تحيـزمـت بـالاعـراف
صبـرت وقـدرت وطـاب كيفـك ومشروبـك

من العلم اخذت اعلا شهاده بكـل انصـاف
ومـن الفعـل ربعـك لاستضاقـو تعـزووبـك





هذه القصيه لشاعرنا عندماكان في الفلبين رحلة علاج






مستـر سعـد يافاتنـه صـار درويـش
فـــي دارك الـلــي مـاتـعـلـم لـغـاهــا

والعقل صايربه من النفس تشويش
ولـوهـو بكـيـفـه ماتـنـفـس هـواهــا

قلبـه وفكـره والـعـروق المعاطـيـش
ولـهـا لــدارن ســـم حـالــه غـلاهــا

ماعيش انا في غيرها ماقدر اعيـش
ازهـابـهــا لــــو اتـغـطــى سـمـاهــا

بـس اسئلينـي ليـش واعلمـك ليـش
هـذيـك دارن مـاقـدر الـحـق جـزاهـا

دار الصباح اللي لهم راسي ايشيش
اللـي علـى العلـيـا تسـابـق خطـاهـا

دار الصباح اهل الفخر قادة الجيـش
مايـوم بـارت فـي حقـوق اقصـراهـا

وهـذيـك دارن ماتـحـب البخاشـيـش
مـن كثـر فعـل الخيـر ربــي حمـاهـا

ياكثـر ماجتهـا طيـورن بــلا ريــش
وعقـب الفقـر بالمـال قـامـت تبـاهـا

مـن زيهـا لبـس الغتـر والدشاديـش
ومـن جـودهـا كـلـن يــدور رضـاهـا

وابختصـر لاطـول الشـرح واطيـش
خـايـف اعيـونـي لاتشوفـيـن مـاهــا

خلاص تبت من السفر والمطاريـش
منكم مـرض حالـي وبرضـي دواهـا




هذه القصيده في صاحب السمو الشيخ محمد بن زايد آل نهيان اطال الله في عمره



صحيـح يمكـن بالشبـه تشبـه ابـوك
لشـك نــادر مــن يـجـي مـثـل زايــد

مدري شبـه ولا علـى الفعـل حبـوك
ومادمـت مـدري فاعتبـرنـي محـايـد

ماجيت ابمدح وانتظر فتحت البـوك
لـون ثوبـي مـن عنـى الوقـت بـايـد

ولاحـب قولـن فيـه تاويـل وشكـوك
وانــا ضمـيـري باقـيـن بــه شـرايـد

ان طبت كـل اهـل الامـارات عـزوك
ومـالـك ومـــال مـدوريــن الـفـوايـد

وان عبت صدو عنك شعبك وخلوك
الـعـيـب مـايـرفـاه زيـــن القـصـايـد

الطيب فعـل وقـول وعلـوم وسلـوك
دربـن علـى بعـض الرياجـيـل كـايـد

والامـر لـك ياطيـب الـراي مـتـروك
للطيـب درب ولـلـرداء الــف سـايـد

وانا كويتي عندي اشيوخـي املـوك
شـيـن تبـيـن يــوم صــارت شـدايـد

في حبهم امشي لو اطا على الشوك
والله ثـــــم والله مـــانـــي مـــزايـــد

وماقـل دل وزبـدة الـهـرج محـبـوك
وبالـسـرد يكفـيـنـا كـــلام الـجـرايـد

هذه القصيده في شقيق الشاعر المهندس جمال ضيف الله الحميداني ابو فيصل



القـاف لــه معـنـى ومقـصـد وتوقـيـت
ولا تــرى بـعـض القـصـايـد خـســاره

حييـت ياللـي جيـت وبسـاعـه اقفـيـت
ولا سـئـلــت اخــــوك عــمــا اثــــاره

يمسـي ويصبـح بالشـقـى والتناهـيـت
ديـــم يـــردد فـــي ضـمـيـره عــبــاره

لـو ان ابــو فيـصـل درابــي تشافـيـت
واخـذت مـن راســه حمـايـض قــراره

امـا عزمـت النفـس واقدمـت واوفيـت
وريـحـت قـلـبـن زود الـشــوق نـــاره

ولا ابتعدت وعن هواء البيض صديت
لــو كــل ضلـعـن فــي بــان انكـسـاره





ذه المساجله بين شاعرنا وبين العقيد راشد الجمهور ابو مشاري


الصوت لراشد الجمهور




ياشاكين حاله ترى الضيق لو طال
يحتاج مـن شـرواك صبـر وتـروي

قبلـك تـرى مـرت بناخـيـك يـاخـال
عـدة شهـورن والسمـا فـيـه نــوي

ماشاف شمسن والمطر دوم همـال
مابردت جاشن مـن الضيـق شـوي

وان كـان ودك ضيقـة البـال تنـزال
دور علـى اللـي مامشـت بالتـغـوي

جمـالـهـا لاشفـتـهـا فـيــه تـهـتــال
والــراس مفـلـولـن بـلـيـا تـحــوي

مثـل البـدر لامـرتـك لابـسـه شــال
لاشفـتـهـا قـلـبـك تــلــوى تــلــوي

وان طعنمـي جـدد زواجـك بشـوال
زواج مـسـيـارن تــعــدد وســــوي




الصدى لسعد ضيف الله



يـاراشــد الجـمـهـور يـاطـيــب الــفــال
ويـــن الـــزواج ويـــن قـلـبـن مـــدوي

نفـسـي تشـيـل اثـقـال وتـنــزل اثـقــال
مـاكـن دربـــي فـيــه نـــورن يـضــوي

مغير اغصب النفس واصرف من المال
تـشـتــت الافــكـــار ضــيـــع هـــــدوي

مــره اقـــول اصـبــر وهـمــي بـيـنـزال
تــرى الـتـروي يـنـفـع اهـــل الـتــروي

ومـــره اقـــول ابيـعـهـا بــيــع بــريــال
شـوفـة حمـاديـنـي عـــن الـهــم تـــوي

يـومـن معـاهـم عـــام بـديــار الانـــذال
لا لا بـعـمــري مــــن بــدايــة نــمــوي

اعـيـش بـيــن ارجـــال دلـــه وفـنـجـال
فـخــري وذخـــري لانــوانــي عــــدوي

كـد قالهـا ضيـدان مـن عــرض مـاقـال
يـــوم الـمـراجــل مـاتـجــي يـالـتـنـوي

يـوم المعيـشـه حــرب وســلاح وقـتـال
صيـتـن لـهـم فــي كــل سـاحـه يــدوي

خـيـالـهـم يــســوى ثـمـانـيـن خــيـــال
معـهـم طــرب راســي وفيـهـم سـمـوي

ابـديـت بـعـض الـلـي اكـنــه بـالامـثـال
مـاعــاد يـنـفـع قـــول لــــوي ولــــوي

هذه القصيده لشاعرنا في مدح عمه متعب ابن حمود الركن ويستاهل المدح ابو ذياب


وهو يخاطب ولد عمه محمد المتعب ومحمد المتعب شاعر كبير غني عن التعريف



العب معك من ضيقة الصدر وارتـاح
يومـن بـك مــن طيـنـة الـركـن دمــه

شيب وهو ضارن على كسب الارباح
اسـمــه لـتـاريـخ المشـاهـيـر ضـمــه

جـود اليميـن سـلاح وايمانـه ســلاح
حــتــى عــــدوه يـسـتـحـي لايــذمــه

للطيب فـي راسـه مـن القلـب مفتـاح
مـاهـو تصـنـع ماشـيـن وســط دمــه

يطيـح خشـم اطويـق والعـزم ماطـاح
صمـلـه وتعزيـمـه وسـطــوه وهـمــه

له في سجل المجد مسـرى ومسـراح
فــي نايـفـات المـجـد رفــرف مـعـمـه

منصى الرجال اللي حشيمين ياصاح
والـلــي يـــدور للـشـبـب راح يــمــه

شيمـه وقيمـه مـن يخـاويـه ينـسـاح
يتـرك اهمـوم النفـس ويشـيـل هـمـه

طاريـه مـثـل الـعـود الازرق اليـافـاح
بالطـيـب ذكـــره معـتـلـن كـــل قـمــه

وانــا تــرى مـانـي مـنـافـق ومـــداح
بـس البناخـي شيـشـه صـيـت عـمـه

هذه القصيده لها موقف وهي تفسر نفسها


الـشـك زايـــل والامـــور مـعـروفـه
والسقـم يبقـى بالنـفـوس السقيـمـه

عليـك مــن عـمـي يميـنـه وشـوفـه
بعـد النظـر كسـب العقـول الحكيمـه

للضـيـف والعـنـي يـعـلـق خـروفــه
ويسابـق الترحـيـب يمـنـى كريـمـه

ذبـح نـقـاذك يــوم جـولـه ضيـوفـه
يـوم الصخـى يحتـاج قـوة عزيـمـه

واليـوم فـي وقتـن تبـارق اسيـوفـه
خيـرن عسـى ربــي عليـنـا يديـمـه

بيـنـي وبيـنـك والامــور محـفـوفـه
الصد عـن بعـض السوالـف غنيمـه

لاصـار خـده ويـش تلـطـم اكفـوفـه
صبرك على بعض المواقف حشيمه

لـون دمـي كــد نـقـط فــوق طـوفـه
هـشـت مبانيـهـا وصــارت قـديـمـه

مدحتـهـا والشـعـر زانــت احـروفـه
واقــول كــم فيـهـا تظـلـل صتـيـمـه

قلبـي مـن النقـاد حـرصـه وخـوفـه
وكثـر الرغـى مافـك حلـق البهيـمـه





هذي القصيد لشاعرنا وهي في مدح موظفة التربيه شريفه المطيري حيث انجرت له معامله عند ماقام البعض بعرقلة المعامله وانجزتها على مسؤليتها وبيض الله وجهها على الموقف الطيب



انـتــي شـريـفـه والله انـــك شــريــف
رفيـعـة الانـسـاب مـرفـوعـة الـــراس
وانتـي مـلاك بصـورة انـس وعفيـفـه
وانتـي ذهـب ماخالـطـه ذرة انـحـاس
فـيـك الجـمـال وخـــف دم وضـريـفـه
وعيـون كنـه صايـرن فيهـن انـعـاس
نـظـرتـك مـوتــن للـقـلـوب الرهـيـفـه
وإلا الحجـر ماينكسـر كــود بالـفـاس
ومن تجلس بجنبـك تصيـر الوصيفـه
يامـن جمالـك مبهـرن كــل الاجـنـاس
ومسؤلك ابو احمـد اعزومـه ضعيفـه
مامن وراء وجه الردي كود الافـلاس
يـاوجـه كلـبـن ناهـبـن عـظـم جـيـفـه
جاه الردى من الراس ولا من الساس
لـيـت المنـاصـب تنـشـرى بالوظيـفـه
ويصيـر لـك فـراش ياعطـر الانـفـاس




هذه مساجله بين شاعرنا وبين احدى الشاعرات


سعد




لولا الحيا ناديـت لـك سـر وجهـار
حطيت اسمك في قصيدي عناويـن

يابنت منهو يكرم الضيـف والجـار
فيك الحيا شفته مع الطيب والليـن

ياعيـن حـرن قانصـن فيـه صـقـار
ياعـود مــوزن منبـتـه بالبساتـيـن

ياعيون فيهـا راجـح العقـل يحتـار
لـولا الديانـه قلـت ماخلقتـك طـيـن

يـامـاس يـالامــاس يـــادر مـحــار
يـابـاب يـاتـي بالسـعـد للحزيـنـيـن

ياريـح ريحانـن ربـا بيـن الانـهـار
يامسك ياعنبـر يـورد مـن الصيـن

يـانـور يـانـوارلـو اسـمــك انـــوار
كان اصبح الاسم مع الوجه نورين

كن اللذي صورك معطيـك الاخيـار
الطبع زيـن وصورتـك قمـة الزيـن




رد الشاعره




باسم الولـي مبـداي عـلام الاسـرار
خــلاق رزاق اليتـامـى المسـاكـيـن
--
بكتب وابا انشر بالقلم حادثن صار
بالقاف تفسير الحدث بين سطريـن

سعد مدحنـي ياهـل العـرف بشعـار
وقــام يتـحـدى سلمـنـا والقوانـيـن

ابن الفحل سجـل بـلا سابـق انـذار
ارسل بيوته ماعـرف رايحـن ويـن

والله لـــو اهـلــي درو بـالـلـذي دار
لينقسم جسمي عن الـراس نصيـن

لاياسعـد اعــرف قوانـيـن الاحــرار
طبع اللذي يرعى الغنـم والبعاريـن



رد سعد



حـي الجـواب اللـي لفـا اليـوم لـلـدار
يــامــرحــبـــا الاف ولا مـــلايـــيـــن

يامرحبـا لـو ردك اعتـاب لـي صــار
لـــون ردك حـــط بـالـقـلـب نــاريــن

يامرحبـا يالـلـي تـبـي سـابـق انــدار
اللـي تـبـي بالـمـدح نـرسـل نذيـريـن

انـذارنـا بالـمـدح مـاهــو لـنــا كـــار
ولاهـوب عيـبـن تسألـيـن وتعرفـيـن

انـذارنـا بـالـحـرب صـيـحـات لـلـثـار
الـيــا اقـبـلــو ذولا وذولاك مـقـفـيـن

لاجـا نهـارن فـيـه قـصـاف الاعـمـار
هــذاك وقــت انـذارنـا كــان تـدريــن

يالشـاعـره يابـنـت وافـيـن الاشـبــار
لاتحسبيـن انـا عــن الــدرب غـاديـن

حـنـا مشيـنـا درب زينيـيـن الاذكــار
طبـع الـرجـال الغانمـيـن الحشيمـيـن

ومدحن على فعل الشرف عز وافخار
عاداتـنـا مــن جــد جــد الياهالحـيـن

وانـا تـرى بالشعـر ماقلـت بـك عــار
ماقلـت بــك يابـنـت مايكـسـر العـيـن

والنار تحرق ثـوب مـن داس بالنـار
وانتي تـرى باسمـك وفعلـك تفوزيـن



هذه القصيده غزليه




اكـذب علـى نفسـي اذا قـلـت ناسـيـك
يامـا تناسيـتـك وانــا مـاقـدر انـسـاك
اشغلت نفسـي لاجـل ماجيـب طاريـك
لـكـن حـلـوم اللـيـل تـاتــي بـطـريـاك
ياللـي نسيـت الحـب ارجـع لماضيـك
واذكـر حبيبلـك عـلـى النـفـس بــداك
اذكــر لـيـالـي كـنــت فـيـهـا اداريـــك
ولازلت مع حبك وماشي على رضاك
حبـك ملـك نفسـي ولا اقــدر اجافـيـك
وقلـبـي عـلـى كــل المخالـيـق بــداك
وان كان موتي ياهواء البال يرضيك
المـوت سـنـه والسـبـب نــار فـرقـاك
المـوت لــه سـبـه ومـوتـي بايـاديـك
وعـزي المـن سـوى حبيبـه سوايـاك

هذه القصيده غزليه





غــرورك وهجـرانـك وبنـيـي وتهـديـمـك
جعلني احاول واجبر النفس لاجل انساك

انــا كـنــت بـــالاول احـــاول لتفهـيـمـك
ماكنت احسبك تنسى حبيبن يبـي لامـاك

حبيـبـن تمـنـى الله عـلـى عــزه ايديـمـك
وبداك عن نفسـه وانـت الغـرور اعمـاك

غرورك هـو السبـه شـف اثـار تحطيمـك
فـقـد كـــل امـالــن بـنـاهـا قـبــل ويـــاك

تـرى الوقـت يالمغـرور كفيلـن بتعليـمـك
يجي يوم تنـدم بـه علـى ماجنـت يمنـاك

هذه قصيده بين شاعرنا والشاعر محمد الشعلاني



الصوت لمحمد الشعلاني




هيضتنـي ياعزوتـي يــوم قـلـت اف
وذكرتنـي فـي صاحبـن كــان وافــي

خليتـنـي مـثــل السـجـيـن الـمـوقـف
غـريـب مـاشـاف الرفـيـق السنـافـي

جـدواه دمعـن فـوق الاوجـان يـذرف
ومـن الكسـايـف ذاق مـاكـان كـافـي

يلـفـنـي حـــب الـصـغـيـر الـمـتــرف
لـف الجرايـد عنـد مشـرف صحافـي

مشرف اليا شاف اختلافات الاحـرف
يـامــر بتـعـديـل الـغـلــط لايـشـافــي

حبه يصفصف في مقر الحشى صف
والمستحـيـل انــه يجـيـه ارتـجـافـي

مـن سـاس طاهرمايبـي لـه منـظـف
شـريـف مايضـفـى علـيـه اللـحـافـي

خلص الورق طاح القلم والحبرجف
والنـور فـي دنـيـاي بالـعـون طـافـي

اصبر واطق الكف فـي راحـة الكـف
اصبـرمـدام الـحـب بـاقـي وصـافــي

سعـد عريـب الجـد لـو كنـت تـعـرف
عـن نـار حبـي كـان جبـت المطافـي

رجــــاي بالله يـاسـعــد مـايـوصــف
الله كــريــم الله يـعـيــن الـضـعـافــي



الصدى لسعد



البـارحـه جـانـي كـتـابـن مـظــرف
من شاعـرن دارس لنظـم القوافـي

الشـاعـر الـلــي مانـظـنـه تـسـلـف
ولا ظن هرجه صـار فيـه اختلافـي

فزيـت فـي خـط الرفـيـق متـشـرف
امـش بمطلوبـه ولـو كنـت حـافـي

يشكي علـي الحـب والحـب متلـف
ويقـول قلبـي جـاه ماجـا النصافـي

ان كــان قلـبـك يامحـمـد تخفـخـف
انــا الـلـذي قبـلـك تـبـيـن خـفـافـي

بيـن عـلـي الـدمـع يومـنـه انـكـف
هلـت اعيـونـي دمعـهـا دم صـافـي

وبين علي الجسم يومنـي اضعـف
مغـيـر عـظـم وجـلــد يالله تـكـافـي

من ابو جديلن فوق الامتان منلـف
اسرف لطيف الـروح فيـه اسرافـي

شفته تكبر قلـت لـه يالغضـي قـف
مايتـبـع المقفـيـن كـــود الـهـلافـي

اظلم سماي وغاب من لي به شف
وكوب قمرنـا صـار فيـه انخسافـي

ولا انت خلك حسب ماقلت منصف
وراع الهـواء دايــم فــؤاده يـلافـي

لاتشتكـي مامثـلـي الـيـوم يسـعـف
ماشفـت مرضانـن يشيـل متعـافـي

هذه مساجله بين شاعرنا وولد عمه الشاعر محمد متعب الركن الحميداني

عندما كان شاعرنا في رحلة علاج للفلبين



يقول سعد




ابشرك علمـي مثـل طـاش ماطـاش
فلـمـن يـصـور بالفلـبـيـن تـصـويـر

عـن ماقسـم ربـي فلانـي بمنـحـاش
يالله عساها قسمتن خيـر فـي خيـر

لاماكـلـن طـيـب ولا مـرقـد افــراش
يامـن علـى همـه يـسـوق الدنانـيـر

وشـلـون كـفــار الفلـبـيـن تـعـتـاش
لو صرت ماحب الشقى والمخاسير

ادري اعلومي توقـد النـار بالجـاش
لاشــك ساقتـنـي عليـهـا المـقـاديـر

ادور اسنونـن ولــو شـبـه منـقـاش
انقـر بهـا زادي مثـل نـقـرة الطـيـر

وارجع لدارن تنعش احوالي انعاش
لـو الجويهـل وسطهـا سالـم الزيـر



الصدى لـمحمد الركن



ماكـنـت اظـنـك يـابـو حـمـود غـشـاش
تـبـي تمـررهـا عـلــى اخـــوك تـمـريـر

اثـريــك ياسـحـكـان بالـحـيـل بــكــاش
تـبــي تـخـدرنـا عـــن الامـــر تـخـديـر

الـسـن مايـحـتـاج غـربــه ومـطــراش
ادنــــاة دكــتــورن يــركــب مـسـامـيـر

اعلومـك اكبـر مــن بـطـولات منـقـاش
واتجيـر الكـذبـه عـلـى اخــوك تجيـيـر

فاجمـل بلـد بالشـرق ماعـنـدك فــراش
لاوالله افــراشــك اصــــدور الـغـنـاديـر

واللـي يغـث النفـس ويـحـرق الـجـاش
الـيــا تـذكــرت الـنـهــود المـصـاغـيـر

وراس الضبي عندك خبر مابه اعراش
تحـب دارك بــس عيـنـك عـلـى الغـيـر




رد سعد



الامــر مايحـتـاج جـلـسـات ونـقــاش
عطيـتـك اعـلـومـي بـــلا اي تـزويــر

غـرتـك دار النـيـل يـاطـيـب الـجــاش
مـع الخشـوف اتقـزر الـوقـت تقـزيـر

انت وخويك ضحككم ضحـك حشـاش
حتـى يمـر الـوقـت مــن غـيـر تأثـيـر

مصر تراهـا فـرق عـن دار الاوبـاش
دارن تشـوف ابهـا الوبـا والخنـازيـر

ومصر تعيش ابها ولـو كنـت فـراش
وهــذي عـلـيـك يـــدورون المـعـاذيـر

يوميـن فيهـا تجعـل الــراس يـنـداش
لـكـن مـصـر فيـهـا تـحـب المسايـيـر

ومصر بها تفرح وتضحك على ماش
لـو كنـت بالسفـره خـوي المحاشـيـر



رد محمد



العـود لويقطـع لـه احـدود ماحـاش
من سفرته غيـر الشقـا والمشاويـر

والراس من طول المسافات منداش
ولاهو علـى ضـن العيـال المناعيـر

كبده تحوم ولا مشى يقرش اقراش
الله يجعلـه بـس يرجـع عـلـى خـيـر

يرجع ونشريله سيريـلاك واكـراش
ماهـو بحاجـة سـن والعمـر تقزييـر


رد سعد



العـود لاضاقـت لياليـك ثــم شــاش
تلـقـا فعـولـه يـاصـبـي المخـاسـيـر

يبيـعـهـا يـاطـيـب الـذكــر بــبــلاش
النـفـس مايحـمـل لـهــا اي تـقـديـر

اليا نقز من يطمـر الجـرف لاطـاش
خذني يمينك واترك اعوير واصوير

نـقـدم اليـامـن الــردي ذل مـاهـاش
نبـرك لـزلات الـزمـن بـركـة ابعـيـر

ومن عقبها هات السميلاك بقفـاش
مـن كفـك اقبلهـا ولـوهـي زمهـريـر

كحيلان نجد


يعطيك العافيه وتسلم مجهود وابداع أكثر من رائع ، تقبل مروري ودي .

بسم الله الرحمن الرحيم اخوي كحيلان نجد حياك ربي وعسا تحيا هالاضافه الرائعه ديوان الشاعر سعد ضيف الله ونعم الرجل وصح لشانه على جميع القصايد وانت لاهنت على النقل الرائع