[align=center][tabletext="width:80%;background-color:white;"][cell="filter:;"][align=center]ياهاجسي هات البيوت الجزايل =بالابه اللي تسكن بمحجر العين
ومتربعه بـــالقلب والـشك زايـل =ولها علي حقوق من اول وهالحين
والله لا أمثلها بزين المثايل=ولعيونها لا أكتب بيوت ودواوين
شاعر واعز النفس عن كل مايل =ولي الفخر بمدح الرجال الميامين
يشوش راسي لاسمعت القبايل=تقول تلقى العز عند الحمادين
أهل الكرم والجود وأهل الفعايل=ماهو كلام يقال توجد براهين
فـرسان لا ركبوا ضهور الاصايـل=من فعلهم وشيب عين المعادين
كم راس شيخاً طاح حول النثايل=وأمسى عشاء للذئب وسط الميادين
وكم من عقيداً عقب ما كان عايل= عود معيف ويشكي الهم والبين
ويكفي شريد يوم سوا الهوايل=فكاك ذوده يوم جوه المغيرين
سبعه جلدهم مبتدي بالأوايل= ويقول دون الذود حنا مضحين
حنا الدويله لا أقبسن الفتايل=نلهد كبود خصومنا والحسودين
لنا مواقف وللمواقف دلايل= عادتنا لاجاء الوغاء نوفي الدين
كون الحريقه فز صدعان قايل=أنا لها وأبا أفتح الريع قسمين
نارد حياض الموت مابه بدايل=والانعيش بعز وللعز ضارين
جتكم من اللي مايعرف الهزايل= شاعرعرافه من الرجال الوفين
حنا هل الوقفات والفعل طأيل= حنا الفخر حنا الرجال السلاطين [/align][/cell][/tabletext][/align]
غنام العرافه
تحياااااتي وأشواااقي
