( النشبة ) دعوه للمساعده

ياناس ياعالم 000 الي يجيبلي حل لمصيبتي له مني سبع أسماء يكتتب

فيها بينساب ( هديه عصرية)0000 تكفون ساعدوني فيها000

القصة من أولها :

أنا إنسان أجتماعي بطبعي ماعندي مشكلة بتاتاً في الناحية هذي

وعلى فكرة هذي مهيب ميزة هذي مصيبة المصائب00000

كانت بداية القصة قبل ثلاث سنوات تقريباً عند دخولي للجامعة ، ويايليتني ما دخلت

هذيك الجامعة ، ليتني رحت لبعثة لسنغافورة ولا لزائير ولا دخلت هالجامعة000

المهم الأيام الأولى في الجامعة كانت صعبة علي شوي 000 غرابة المكان

والوضع000 المهم ماكان لي علاقة في البداية إلا بمجموعة من شباب

الثانوية 000 ولا فيه بقاعتي إلا واحد منهم أسمه طارق000

كثرت شوفاتي بطارق بحكم أننا بقاعة وحدة ونفس المحاضرات 000

من فطور وغداء وطلعة يمين ويسار وكان معنا خوي طارق بالحارة واحد

أسمه (فهد) يجي معنا وبحكم طبيعتي خشيت فيه ، ما أحب الرسميات000

مع الوقت الآدمي هذا ما خش مزاجي أبد : نصاب ، مصلحجي

ثقيل دم ، موسوس 000الخ 000 وفوق هذا كله نشـــــــــــــــبه000

المهم فهد هذا مع الوقت خق معي ( ماأدري على أيش) يمكن عشاني

عطيته وجه ، يمكن لأني أجامله000 ماأدري ليش ونشب فيني نشبتن

الله لا يوريكم ولا غاليكم إياها000

وين مارحت في الجامعة معي 000 برا الجامعة معي 000 مع ربعي

معي000 أذاكر معي000 لا وأزيدكم من الشعر بيت يوم طلع جوال

صارت معاناتي بحق وحقيق 000 عشرين ثلاثين أتصال باليوم

وينك ؟ وش أخبارك ؟ تجي بكرة ؟ ملييييييييييييييييييييييييت منه

وزيادة على هذا كله ، أي شي يهتويني يغصب نفسه عليه ، صار

من متابعي الدوري الأسباني وهو في حياته ما شاف مباراة هلال

ولا نصر000 صار يحب الأفلام الأمريكية وهو عادل أمام يخب عليه
:
:
:
:
:
حولت إنتساب ومع ذلك أستمرت معاناتي معه00000

المشكلة أني ما أعرف أطقها بوجهه000 لمحت كثييييير ، تهربت

منه ، والله ثم والله ثم والله إنه جت شهووووور ما أرد عليه ومع

ذلك مافهم 000 والله إني أحياناً القى فوق 100 مكالمة لم يرد عليها

منه 000 أهلي مبرمجين عليه إذا طق الباب : مو موجود000

وإذا شفته ما كأني جاحده ، يسألني وينك وراه ماترد ، وأصرفه

بأعذار سخيفة أبيه يفهم الكمخه ، ولا على باله 000

طيب وش رأيكم بها التصريفة 000 جت فترة مارديت عليه شهرين

ويدق علي من أرقام غريبة وأرد وأقول : الو 000 وأذا سمعت

صوته قفلت بوجهه( وش أكثر من كذا يا عالم) وبعدين شافني

وقالي وينك وراك ماترد ، قلت له خطيبتي تقول ما أبغى أشوف

انتظار بجوالك000:D ياحبيبي على هالتصريفة 000 والله لو هو

حمار ( وأنتم بكرامة) كان فهمها 000 ولا كأنه صار شي000

تبون تقولون لي غير جوالك 000 غيرته كم مرة 000 بس كل

أغيره وارتاح فترة أصادفه يمين ولا يسار 000 ولا يفكني إلا

وهو متصل من جوالي على جواله ، ما يثق فيني أنقله الرقم

( داري أني بعطيه رقم سوا لباكستاني ميت برفحاء):p 0000
:
:
:
:
ما أدري وش شايف فيني على كثر ما أطنشه ، لا يروح بالكم بعيد

والله أني مقشع أجيب الهم :D
أنا مليت وطفشت ، إذا شفته صديت ولا تلطمت كأني مديون:( 000

أفكر البس لبس باكستاني تمويه ، ولا أنقل ركاب من الرياض لحفر

الباطن000 عجزت أقوله ياخي مالي خلقك أقطعها0000

خلاااااااااااااااااااااااااااااااااااااااااااااااا اص مليت0000000

ساعدوني بالحل ولكم سبع أسماء للأكتتاب :cool:

القلب النابض لقد قرأت هذه القصه وأستنتجت الاتي0000000000000
1- انت تجامله وهذه نتائج المجامله
2-هو يحبك ومن الحب ماقتل
3-هو مالقى أحد غيرك لانه غير محبوب
4-لايريـــــــــــــــــد ان يخسر صداقتك مثل الاخرين
5-هـــــــــــــــو يعلم انك تهرب منه ويسوي نفسه مايعرف0وهذ انفصا باالشخصيه
الحـــــــــل بوجهة نظري
1- اصلاح امره يمكن يسمع منك وتشرط عليه اذا ماعدل اسلوبه تقول انك لاتريده
2-اذا كان موسوس وهذه مصيبه لافيها مجاملاتولايحزنون قله انت رجال موسوس
وانا مااحب الموسوسين
3-اخر العلاج الكي0000000000طقها بوجهه قل ماابيك00الا اذا كان صاحب معروف عليك في بعض المواقف
صاحب المعروف ينصبر عليه0000000
هذا ماحبيت اشاركك به لعل يفيدك وانت ابخص
تحياتي اخوك
برق الوسم

هلابك اخوي برق الوسم
ماشاءالله عليك استنتاجي درجة اول
واعتقد حلك الاقرب لي
ابطها بوجهه
ههههه
بنتظار الاعضاء
تكفون ردو ياخي االي ماودة يكتب كلام كثير يرد بي شئ اهم شئ الردود ..>> يشحذ

[poem=font="Traditional Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
والله ياخوووك مشكله

قد حصلة معي نفس الموقف بس انا عطيته كاش وصخيته وفركلها

المهم هاذا يابن الحلال يايبي يطيحك في مصيبه ولا يبي خوتك لكن !

صخه وقله ان شفتك قدام وجهي منت بخير ولا تفتح على نفسك باب انت غني عنه

:)[/poem]

السلام عليكم ورحمة الله وبركاته

اخي وعزيزي القلب النابض الواضح انك طيب جدا والرجال الطيب يجيه اهل الردى واهل الطيب من كل الجهات ويجيه الناقص والزايد لكن لو انا في محلك ما اسبه ولا ارده ولا اصرفه اخليه عندي مثل الاراقوز وصدقني البليد طول عمره بليد مراح يفهم الا في حل واحد فقط ؟؟؟؟؟


انك تمشي معاه وشوفه عاد اذا هو عزيز قوم ويفهم صدقني كرامته مراح تسمح بأنك تهينه وانه راح يتركك

اما اا انه بليد ولا يفهم ولافيه عزه هذا هو المطلوب خله عندك مثل العبد تامر عليه مثل ما تبي

اما اذا هو ثقيل دم بس انه راعي فزعات وطيب هذا لا والله هونك عليه وخلك على طريقتك تصريف على مشغول على ضروف والخوي اكيد بيفهم خويه اجل ليش سموه خوي مدام هو راعي فزعات

اخيرا وليس اخرا ................. اخي العزيز من السهل انك تكسب عدو ولكن من الصعب انك تكسب صديق ..........وعلى ما يقول المثل لا تجرح صديق من شان ما يغدر ولا تصادق عدو علشان ما يجرحك


اخوك المحب صافي النوايا