أباحوا الدم الزكي.. في الاشهر الحرم اسفكوه ،، قصيدة روعه
[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
فكر الخوارج والعميل اللي خدعهم واسمعوه = لا دين لا رحمة ولا تفكير في يوم المعاد
اكبر خيانه في وطن.. مهد الرساله سجلوه = شرذمة فيها شبه.. من قوم فرعونٍ وعاد
كم من حلال حرموا .. كم من حرام حللوه = تدمير تخريب وقتل.. يعثون بالأرض الفساد
أباحوا الدم الزكي.. في الاشهر الحرم اسفكوه = ما هم على خير وهدى .. قد خالفوا درب الرشاد
يا رب تحفظ أمننا من كل فكر لوثوه = وان المنافق تلبسه يا رب ثوب من سواد
استكبروا وأعمى بصرهم من تسيد وارتضوه = يا ويل من يفتي لهم.. يقول انتم في جهاد
رموا عطا الله غيلة .. وابن القضيبي باغتوه = وسرور وعبيد بعملهم باغتوهم باعتماد
ومسعد تضرج في دمه هو وزميله ما ادركوه = كما يتموا طفل صغير اليوم مجروح الفؤاد
حتى المواطن ما سلم هو والعوايل هددوه = ما فيه رحمه عندهم غير التعامل بالزناد
وش ذنب طفل ما بلغ سن الرجوله يتموه = وكم من عفيفه رملوها ولبست ثوب الحداد
عزام ذا طفل صغير ينشد امه وين أبوه = يقول من جاب الضحية غاب عنا ما اعاد
والجد خفى عبرته واطفال نجله قبلوه = والام وأخته يطلب له مغفرة رب العباد
من شاف عود بعبرته والدمع بالكف مسحوه = ولاة أمر المملكة حصن المواطن والبلاد
اللي قتل صلوا عليه وعزوا اهله ودفنوه = وتكفلوا بأطفالهم كبير والا في المهاد
اما الجريح اللي تصوب زاوروه وشجعوه = اللي نقوله شوف عين المجتمع شي وكاد
أقولها من قلب مخلص وارثي اللي ما رثوه = يقولها اللي هل دمعه يوم شاهدهم فراد[/poem]
جميل محمد العنزي /الرياض
رد: أباحوا الدم الزكي.. في الاشهر الحرم اسفكوه ،، قصيدة روعه
لله در هالشاعر على هالقصيدة التي تدل على صدق انتمائه وحسه الوطني .
الذي ترجم ماقموا به عصابة ألاجرام وسفاكي الدماء الزكية والانفس البرية . محقهم الله .
وشكرا لك . يا بندر على النقل تسلم يمينك ،،
تحياااااااااااتي
ابونادر
..
رد: أباحوا الدم الزكي.. في الاشهر الحرم اسفكوه ،، قصيدة روعه
مشكور اخوي بندر على الموضوع والقصيده الصادقه
لاكن مانقول الا الله يدلهم طريق الحق والخير ويهديهم الى الصلاح
تحياتي
رد: أباحوا الدم الزكي.. في الاشهر الحرم اسفكوه ،، قصيدة روعه
ابو نادر &&&& بندر فلاح المبرد
مروركما شرف كبير لي اعتز به
