قصيدة محقَّبــه للشاعر الكبير فلاح العراك

[align=center]محقَّبــه

هذه القصيدة للشاعر / فلاح العراك المطيري [/align]


[poem=font="Simplified Arabic,5,crimson,bold,normal" bkcolor="sienna" bkimage="backgrounds/23.gif" border="solid,4,darkblue" type=1 line=0 align=center use=sp num="0,black"]
يا الأمير محقبه ماهي نهابه=أمنع التجار لا تقرب حصاها
ياحمد دربٍ يبونه سد بابه=مانكب محقبه للي بغاها
دونها ربعٍ تنوَّخ للحرابه=غير كل بريه علوى من وراها
من جنوب محقبه كل يهابه=ومن شمال محقبه حنا ذراها
لا بتي يا مطير ما بذَّل ثابه=وين حمران النواظر وومراها
أفزعوا لمحقبه من ها العصابه=الشريع يديرها والظرف جاها
أنتهز له فرصةٍ ما حدٍ درابه=ورسَّم الصمان وأهلها نساها
عام الأول با الخلا توخذ ثيابه=وها السنه يا مطير ديرتكم غزاها
علموا راعي البقر يأخذ حسابه=وش يبي بمحقبه يوم أبتلاها
ما قرأ تاريخها حضرة جنابه=كم جموعٍ عندها سالت أدماها
من كفوف مطير مشبعت الذيابه=في نهارٍ ترمي العذراء نماها
والردي يا لابتي وش ينبغابه=مافزع ومحقبه يوحي رغاها
يوم خلى ما قفه والذل صابه=قاموا اللي وصلوها منتهاها
عشرةٌ مجهودهم كلٍ حكابه=من شيوخ أبريه ملحقت أرَّدفاها
وعن جميع مطير قاموا بالنيابه=لين خاضوا جمها وأرتج ماها
والفرج نرجيه وردود الإجابه=يوم ابو فيصل براقينا قراها
وأمركم يا سيدي كل رضابه=يا ذرى كل الجزيرة وقصراها[/poem]

البريهي

بعد قصيدة ( محقبة ) تحدث بعض شعراء مطير على فلاح العراك بخصه فخذ ( بريه ) بالمدح وعاتبه الشاعر فهد بن جبرين على ذلك لأعتقاد أبن جبرين أن فلاح العراك فقط يعدد فعول ( فخذ بريه ) من مطير وقد رد عليه العراك بهذه القصيدة , مذكرا أياه بأن علوى معروفة ومهابة الجانب وفيها من القصائد الكثير وعدد الشاعر العراك مفاخر علوى من مطير وبطولاتهم .

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يافهد ضيعت عنوان الكتابه=يوم فاتك راسها رحت القفاها
عام الأول بعت علوى فى شبابه=وها السنة قرّبتك منطلق وكاها
يابو مزيد يدخل قولك فى جرابه=وشد حبل عنانها وأقصر أخطاها
الفخر بالطيبة من كل بابه=والردية من يدورها لقاها
يافهد مانشت علوى بالسبابه=نعم فى شيخان علوى وعقّدها
والدويش اللي يذري من لجابه=حامٍ الصمان والشّرف أحتماها
يوم أبو حنّوف يقّضب مع أنصابه=والأصايل راعي الكير أيحذاها
فوق بنت كروش زيزوم الحرابه=وغب كونه تغتني فيه أفقراها
والعدو شيوخ علوى هم عذابه=ولو أقول المدح كله ماكفاها
يافهد ماهو بعيب ولا عيابه=أن مدحت أبرية نطاحت أعداها
والبريهي مايجي وسط الدبابه=يلّحق الفاطر أليا حنت هواها
طرشنا الحد الشمالي كد رعابه=والحنيه كد رعاها ثم رعاها
ومعجزات أفعولنا كلٍ درابه=ودي أذّكر فهد كانه نساها
يوم كون العاذرية وش جرابه=يوم شبت في شري الباطن لظاها
وجاء نهارٍ يرحم الله من غدابه=يوم تكسير المواتر بمعداها
ذاك مات وذاك يشكي من صوابه=وأم سالم يجبر المولى عزاها
ويوم زل الكون لحقٍ من غبابه=طايراتٍ من ركب فيها قداها
وأمطرت من فوقنا مثل السحابه=ثم رموها لابتي والله رماها
وكون ماجد يم فلجا يندعا به=ونعم بالصعران يوم أنه نخاها
ضربهم بالراس من حد العصابه=والمواتر كسروها في نباها
وأحرقوا عباس يوم الله دعابه=صاب كبدة نطح مخباطٍ فراها
ويوم مشذوبه يشيب به شبابه=ونطحت البيرق عوايدنا تراها
كم شجاعٍ مات ماكمل زهابه=وسابقه راحت توطا فى شواها
وأحتمينا العشر من بيرق ولابه=وهقوت اللي فوقهن محدٍ هقاها
وقالوا الشقران صبيان الحزابه=مانرد ركابنا عند إمنعاها
وماذكرته طيّب العقل أكتفابه=يوم أقول محقبه حنا ذراها
يافهد ترى الخطا محدٍ رضابه=مير خل أقبورها فوق أشهداها
وأن بغيت الصلح قلنا مرحبا به=وأن عصيت أبريه وصلوك أشعراها[/poem]

مشكور ابن رويل
الله يعطيك العافيه
دمت بخير