مشتاق للجنة قصيدة للامير الشاعر سعود بن خالد

مشتاق للجنة قصيدة للامير الشاعر سعود بن خالد

مشتاق للجنة قصيدة للامير الشاعر سعود بن خالد

مشتاق للجنة

قصيدة للأمير الشاعر
سعود بن خالد بن سعود الكبير

مشـتـاق للجـنـة وخـايـف مــن الـنــار
بين الرجاء والخـوف أبقضـي حياتـي
أحيـان يزيـد الخـوف عـنـدي بمـقـدار
لأنـي كثـيـر ذنــوب ومــن العصـاتـي
ولأنـي أتـوب مـن الخطـايـا والأوزار
وأرجع أطيـع النفـس فـي المعصياتـي
يالله أنــا مــن نفـسـي الـيــوم مـحـتـار
أتـعــب وأنـجـيـهـا وتـبـغــى مـمـاتــي
يـا نفسـي اللـي تآمـر بسـوء وأشــرار
أريـــد بـــك خـيــر وهــــذا جــزاتــي
يـا نفـس يـوم الحشـر مـا تقبـل أعـذار
وفـي جنـة الـفـردوس نبـغـى المبـاتـي
لكـن عـنـدي لــك ســؤالٍ لــه أســرار
وشـلــون ناصـلـهـا وهـــذي ســواتــي
حملـي ثقيـل ومنـه جسمـي قــد انـهـار
وحتى الخشـوع مضيعـه فـي صلاتـي
فيارب كيف ادعوك في وقت الأسحار
وكـلـي ذنــوبٍ فــي العـلـن والخفـاتـي
ويا كيف أنا ما أدعـوك والاسـم غفّـار
تـغـفـر ولـــو مـثــل الـبـحـر سيـئـاتـي
أنـــا أدري أنـــا الله عـظـيـمٍ وجـبّــار
وأنـــــه رحــيـــم وكــلــنــا بـنـــآتـــي
وإنـــه عـلــى خـلـقـه حـلـيـمٍ وسـتّــار
وأنــه رقـيـب وكـامـلٍ فــي الصفـاتـي
فـيالله يـا منـزل مــن الغـيـم الأمـطـار
يـا منبـت مـن الأرض خضـر النباتـي
يـا مجـري مـن القطـر وديـان وأنهـار
ومـن الحصـى منشـي جبـال السراتـي
يـا مقلـب قلـوب الخـلايـق والأبـصـار
يـــا حـاشــر خـلـقـك حـفــاة عـراتــي
أسألـك أنـا خشيتـك فـي سـر وجـهـار
وعلـى الهـدى طالـبـك ربــي الثبـاتـي
وأسألـك حسـن الخاتمـة بـآخـر الــدار
وتوبـة نـصـوح وعـفـو قـبـل الوفـاتـي
وأسألـك أنـا الجنـة مـع وفــد الأبــرار
مــع الـنـبـي يـــا رب هـــذي مـنـاتـي

المصدر: منتديات مجالس الحمادين

lajhr gg[km rwd]m gghldv hgahuv su,] fk ohg]

مشكوووور على الطرح الرائع بارك الله فيك