عقوب الحميداني
عقوب بن فاضل بن مسلط بن شلاش بن مسعد " أخو هبساء "
شيخ وفارس مشهور عاصر الملك عبدالعزيز أسس هجرة فريثان عام 1334 هـ
أسس وتأمر في هجرة أم دباب بعد أخذ الأذن من الملك عبد العزيز انضم إلى قوات الملك عبد العزيز 1322 هـ فتزعم مجموعة من فرسان قبيلته - انضم لعقوب كثير من جماعته أما قبيلة الحمادين كانت بعيدة عن الحواضر وأميرها مليح بن قاسي – وأخذ يغزو بهم على القبائل المعادية لإبن سعود وكان دليلا وسبرا للملك في طريقه مع خل الثويرات متجها إلى روضة مهنا عام 1324 هـ .
اشتهر بكرم أخلاقه وطيب معشره وتدينه وكان لذلك أثرا كبيرا في إستقرار الناس حوله , كان الملك يحترمه ويجلسه إلى جانبه .
ومن حدائه :
يا ربعنا شانت سلوم الناس **** وازريت لا القى لي دخيل
ادخل على سيف يجب الراس **** وصـمـع تداوي للغليل
وشارك في الرغامة 1334 هـ وفيها يقول :
يا فاطري زينة الزوماع والشلة **** اليا وطيت الغبا زيدي بزفزافي
اوطي وطيتي على اللي ما يخاف الله **** اللي يخون العهد ويجالس الجافي
يا عل يومي ويومك في سبيل الله **** في ساعة ترضي الله يوم الأوقافي
واستمر في موقفه مع الملك وحضر معه السبلة عام 1347 هـ
ومن شعره أيضا :
يا ليت نورة تجي نورات **** ترضي المريخي وابن شري
قل هيه يا نافل الخفرات **** يا لابس الثوب أبو زري
يا بو عيون كما الساعات **** تفري بدرب الهوى فري
غلاب ينغش وهو ما مات **** وغنيم ما يدرك الجري
وأيضا قصيدته المشهورة :
السيل يا سدرة الغرمول يسقيك **** من مزنة هلت الماء عقربية
ومن شعره بعد حركة الأخوان قال مجاوبا فيحان بن زريبان :
الرجل يا فيحان عقله دليله **** ورجل بلا عقل يتيه الطواريق
ورجل بليا عقـل واعزتي لـه **** دلوه على الجيلان غادي تشاليق
الرجل يسكت لين يبخص حصيله **** والبيض بواقات عهد المواثيق
ترى العذارا مثـل وصـف المليلـه ****ومن هايفت لك هايفت للعشاشيق
ودك ترافـق كاسبـيـن النفيـلـه **** فكاكة التالـي الـى نشـف الريـق
لا شلت لك حمـل وكـادك مشيلـه **** شالوه ما هو بالحكـا والملاصيـق
اللي صغى لي صديق حق ارعوى له **** ومن صد صدة من قفاه المسابيـق
واللي مشى لي بالنصاح انثنـي لـه **** وان راح خشه من قفتـه المعاليـق
طير يشوف اللوح ساعة رمـي لـه **** قفى مـع اللجنـة لريشـة تخافيـق
ur,f hgpld]hkd
